ما هو التشغيل الذاتي - مجمع الملك سعود الطبي
السلام عليكم
اللي ما يعرف لا يفتي :w التشغيل الذاتي بمجمع الملك سعود الطبي ( مستشفى الشميسي ) ما هو التشغيل الذاتي ؟ هل الموظف عليه يعتبر موظف حكومي رسمي ولا متعاقد ؟ هل الوظيفة الادارية فيه معتمدة من ديوان الخدمة المدنية ولها نفس تصنيف وسلم وظائف وزارة الخدمة المدنية ؟ لأنهم اتصلو فيني اليوم وقال لي عندك مقابلة الاسبوع الجاي على وظيفة ادارية ، وبنفس الوقت رقمي طلع في الدفعة الحالية لأصحاب الدبلومات بوزارة الخدمة ، وش رايكم اروح اسوي المقابلة معهم ولا انتظر التعيين في ديوان الخدمة ؟ ما هو التشغيل الذاتي يا اخواننا الصحيين شكرا لكم |
.
ألتشغيل الذاتي وظيفة على التعاقد .. نفس راتب الموظف الحكومي .. لكن الفرق أنك متعاقد لمدة معينة .. وتقدر بمجهودك يجددون لك .. نصيحتي لك روح لها .. والديوان متى ماجى قدم أستقالتك على وظيفة التشغيل الذاتي .. وماراح تضركـ بعدين من ناحية الوظيفة الحكومية بالديوان .. صدقني ألألف من الشباب يدورون هالتشغيل .. ومالقواهـ لأيفوتك .. بالتوفيق . . |
اقتباس:
بارك الله فيك اخوي البلوي شكرا على المعلومات بالتوفيق |
مساء الخير اخوي الله يوفقك ان شاء الله
اتمنى انك ما تفرط بالتشغيل الذاتي لانه رواتبهم تعادل رواتب الدبلوم في الوظائف الحكومية او اكثر واحد من الزملا متوظف بالدبلوم بالتشغيل الذاتي اول راتب له 5200 ريال ويختلف الراتب على حسب الاماكن المتوفره في المستشفى وبامكان الرجوع الى الربط التالي لاستفسار احد الزملاء https://www.btalah.com/t12619.html |
انصحكـ يا اخوي بأنك تروح المقابلة مثل ماتفضل الاخ خالد ولا تعتمد ع الديوان ترى باقي ترشيحات ع المقبولين وراح طول الاجراءات وبأذن الله المكتوب راح يسيرلك تحياتي دعواتكـ
|
اقتباس:
جزاك الله خير والله المعلومات الاولوية للوظيفة هذي ما تحمس لكن بروح اشوف وش بيصير معي ولو اني راكن على وظيفة الديوان بالتوفيق يالغالي |
اقتباس:
اخوي حتى لو طول الديوان انا الحين بشركة يمكن راتبها اعلى من راتب التشغيل الذاتي ، يعني ماني متندم على وظيفة التشغيل الذاتي دام انه نظام شركات . ما ادري ليش ما يكون موظف التشغيل الذاتي تابع لوزارة الصحة مباشرة ؟ يعني الامان الوظيفي ما نحس فيه إلا عن طريق وزارة الخدمة المدنية فقط ؟ حتى وزارة الصحة ترفع الضغط يا جماعة الخير الله المستعان حبيبي الله يوفقك ان شاء الله وجميع العاطلين عن العمل بأحسن الوظائف . شكرا لك |
الله يوفقك يارب
وتبشرنا بالعلوم الزينه .. |
الساعة الآن 05:01 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين