حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   إستفسارات ونتائج وظائف القطاع الخاص (https://www.btalah.com/f3.html)
-   -   اي استفسار عن شركة غلوب ميد للتأمين للشباب والبنات (https://www.btalah.com/t76948.html)

القعبوبي 20-12-2008 01:53 AM

اي استفسار عن شركة غلوب ميد للتأمين للشباب والبنات
 
اخواني الاعزاء كثرت هذه الايام الكلام عن شركة غلوب ميد للتأمين الطبي
ولكن للأسف مافيه احد قدر انه يوافيكم بالمعلومات الاكيده
والتوظيف للشباب والبنات وطبعا مافيه اختلاط الوضع انه فيه قسم رجالي وقسم نسائي

واي احد يبي مساعدتي انا حاضر وتحت الخددمة يرسلي رساله خاصه وانا راح ارد عليه او يكتب رد بنفس الموضوع وراح يجيه الرد
وللمعلوميه الدوام للشباب
من الساعه 8:30 صباحا الى 6:00 مساءً

والبنات

من الساعه 7:00 صباحا الى 4:00 مساءً

يعني مافيه اجتماع مع البنات لا بالدخول ولا بالخروج
والحريه لكم


لذلك قررت اني ادخل واسجل وافيدكم عن اي استفسار وعن اي مساعده بشأن التسجيل وطلبات التوظيف


تقبلووا تحياتي
القعبوبي

سيرياليه 20-12-2008 02:15 AM

جزاك الله خير

:)

شملول 20-12-2008 02:19 AM

تسلم يالغالي والله يعطيك العافيه

عطلطل 24 20-12-2008 03:45 AM

هلا اخوياول شي الف شكر على تعاونك معنا وانا حابه استفسر عن الوظايف المتوفره حالياًوابي اقدم على الشركه ماهي انسب طريقه للتقديم ؟؟

ana ana 20-12-2008 01:43 PM

جزاك الله خير اخوي..
بالنسبة للبنات هل الدوام من 7 الى 4 متواصل والا فيه ساعة بريك ؟؟
+ وشهي مجالات التوظيف للبنات عندكم؟؟
وين موقع الشركة بالضبط؟
وهل عندك خلفية عن الرواتب ؟

شكرا سلفا :)

القعبوبي 21-12-2008 01:13 AM

سرياليه يسعدني تواجدك في متصفحي نورتيه بردك العطر

القعبوبي 21-12-2008 01:15 AM

شملول الله يعافيك ونورت متصفحي بوجودك ورد المتواضع ويشرفني ردك على موضوعي

القعبوبي 21-12-2008 01:18 AM

عطلطل والله بالحقيقه الان مافيه وظائف مقرره لذالك انا راح اشوف لك الوظائف المطروحه الان وعلى مااظن انهم للحين يستقبلون السي في ( السيرة الذاتيه ) على وظائف الكول سنتر ( خدمه عملاء) للعلم اني انا موظف بالشركة بخدمه عملاء وفيه واحد من المنتدى اليوم اتصل علينا وقال فيه وظيفه وسالته كيف عرفت ان فيه وظائف قال والله عرفته من منتديات البطاله ويشهد عليّ الله اني اتكلم من جد لذلك هذا اكبر دليل على فعاليه هذا القسم ويمكن ان العضو هذا يقراء موضوعي لذالك ياليت يرد علينا ويبين صدق كلامي الموهم اختي عطلطل اتوقع فيه وظائف نسائيه جديده وهي في المحاسبه وفي الكول سنتر
ولك ارق تحيه
القعبوبي

القعبوبي 21-12-2008 01:33 AM

اقتباس:

جزاك الله خير اخوي..
بالنسبة للبنات هل الدوام من 7 الى 4 متواصل والا فيه ساعة بريك ؟؟
+ وشهي مجالات التوظيف للبنات عندكم؟؟
وين موقع الشركة بالضبط؟
وهل عندك خلفية عن الرواتب ؟

شكرا سلفا
مرحبتين اخوي ana ana

اول شي اخوي ياطويل العمر

الدوام من 7 الى 4 متواصله قول ليش؟
علشان اميكون فيه اختلاط بين الشباب والبنات وبعدين البنات لهم قسم خاص
وبيني وبينكم الدوام فله ووناسه واي شي تبينه بتقدرين تاخذينهم عن طريق التلفون

ولاحظي الدوام بين الشباب والبنات البنات يدوامون قبل الشباب بساعه ويطلعون قبل الشباب بساعه

ثانيا
مجالات التوظيف الحاليه محاسبة وفيه بعد مجالات ثانيه الى الان ماقدرت اني اتوصل لها بس راح يكون لي رجعه وراح ابين لكم المجالات
على علم ان الشركه خلاص الشهرين القادمين بتنتقل الى فرعها الجديد وقريب من فرعها هذا

ثالثا
موقع الشركه ياطويل العمر وانت جاي على طريق الدائري الشرقي ويكون اتجاهك شمال طبعا تتعدى مخرج 10 طريق الملك عبدالله ويجي مخرج 9 وتاخذ المخرج وبعدين تاخذ السريع وانت اخذ السريع اجبار انك تديور < تاخذ تيرن رايت
اول ماتديور اطلع على الخدمه على طول وبعد ماتاخذ الخدمه تمشي مسافة حول ميه متر او ميتين متر وبتلاقي لوحه كبيره مكتوب عليها مدارات للتدريب بتلاقيها على اليمين وقف عندها وادخل والدور الثاني بتلاقي الشركه


رابعا

الرواتب الى الان ماعندي خلفيه كامله عنها بس اللي اعرفه
ان الثانوي << حول 3500
والدبلوم<<4000 او 4500
والجامعي <<4500 او 5000

وتقبلوا تحياتي

اللي يبي ابين له اكثر يرسلي ايميله بالخاص وراح ارد عليه ماسنجر اذا سمحت الادارة طبعا < ادارة المنتدى
وانا راح اضيفه وراح ابين له كل شي بالتفصيل الممل

تقبلوا تحياتي

ياحظ يرحم أمك ركز 21-12-2008 01:35 AM

الله يعطيك العافيه أختي وياليت تساعدينا أو تعطينا رقم الفاكس ولا الايميل ولا اي نوع من الاتصال على اساس نرسل السيره الذاتيه وربي انا محتاجين للوظيفه وامنيت حياتي الوظيفه على انا فيه اهم من الوظيفه بس هو الي متعلق بقلبي ولي اربع سنوات وانا ادور عليها والله


الساعة الآن 05:21 PM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين