حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   إستفسارات ونتائج الوظائف العسكرية (https://www.btalah.com/f42.html)
-   -   بخصوص مدينة تدريب الأمن العام بمكه المكرمه (https://www.btalah.com/t426781.html)

هلالي ودمي أزرق 17-05-2012 11:05 PM

بخصوص مدينة تدريب الأمن العام بمكه المكرمه
 
[gdwl]
[align=center]
[align=center]
السلام عليكم ورحمة الله وبركاته
[/align]
أي واحد عنده استفسار عن الطلبه في مدينة تدريب مكه يتفضل
وماسويت الموضوع ذا إلا أبي منكم دعوه صادقه في ظهر الغيب
[/align]
[/gdwl]

تركي الغبيوي 17-05-2012 11:19 PM

الله يسعدك
وش سالفة مدينة التدريب بمكة
سواء الامن العام ولا المنشات اظن
والدفاع المدني كلن يشكي؟

ملازم وكيل رقيب 17-05-2012 11:48 PM

وش اوضاع التدريب في الاسبوع الاول بالنسبة لوكلاء الرقباء

وهل تم التقسيم على حسب الرغبة ( دوريات أمنية أو أمن طرق أو مهام وواجبات )

وهل هنالك وسيلة للاتصال بالمتدربين


والف شكر على الموضوع جاء في وقته

هلالي ودمي أزرق 18-05-2012 12:48 AM

اقتباس:

المشاركة الأصلية كتبت بواسطة تركي الغبيوي (المشاركة 6246530)
الله يسعدك
[align=center]
وش سالفة مدينة التدريب بمكة
سواء الامن العام ولا المنشات اظن
والدفاع المدني كلن يشكي؟[/align]

[align=center]

[align=center]

ويسعدك ربي بعد يالغلا
هاذي وأنا اخوك العسكريه وهاذي مشكلة الفحص النفسي وقدرة التحمل هم يسمونها كذا ومرينا فيها وبصراحه اللي يسمع مو زي اللي جرب اما من ناحية أمن المنشأت والدفاع المدني ماعندي اي خلفيه يالغلا وبالنسبه لطلبة مدينة تدريب مكه مااقول الا الله يكون بعونهم واعتقد والله لايقدر اللي بيفصل منهم ماالومه بتقول ليش بجاوبك.
الدورات الماضيه كان فيه كبير المدربين رقيب أول/شايع المالكي هذا مع الطالب على طووول والطلبه يحبونه وهو بعد يحبهم صح يشد في قليل من الأحيان ولكنه عسل ويدافع عن الطلبه. ولكن هاذي الدوره الله يعينهم شايع الان في كتيبة الطلبه يعني اداري فقط ماله ومال الميدان وحطوا بدل شايع اثنين مو واحد اثنين كبار مدربين بصراحه ماشفت ولاراح اشوف انذل واحقر منهم لانهم مايبغون الميدان ولكنهم مجبورين عليه ولايحبون شي اسمه طالب وشعارهم في الميدان اشغل الطالب ولاتريحه ترتاح فرق تسد واظلم الطلبه تثبت وجودك وأفصل خمسه والا عشره والا عشرين من الطلاب تنضبط الكتيبه هذا هو شعارهم ...
وهاذي اسمأهم الأول وهو رقيب الميدان في فترة الصباح أي في الحصه الصباحيه رقيب/فواز العتيبي .... والثاني رقيب الميدان في الحصه المسائيه يعني حصة العصر رقيب /خالد عراقي.
هذا غير قائد الكتيبه المكلف نقيب/عوض مثيل المطيري وهذا انجس من الأثنين اللي قبل
توه جديد جاء في نص الدوره اللي اتخرجت وحقيقه ظلم طلاب كثيررر وهو في الأصل منقول نقل تأديبي من المهمات والواجبات إلى مدينة تدريب مكه لكنه حب الميدان ويبي يثبت وجوده
بظلمه وكرفه وحجزه للطلبه وازين شي عنده القرارات الاداريه ومو اي قرار الا قرار الغاء دوره.
وهذا غير المناوبين وغيررر وغيرررر وغيرررر ومااقول الا الله يصبرهم ويكون بعونهم.

ودمت بود :)
[/align]
[/align]

هلالي ودمي أزرق 18-05-2012 12:56 AM

اقتباس:

المشاركة الأصلية كتبت بواسطة ملازم وكيل رقيب (المشاركة 6246696)
وش اوضاع التدريب في الاسبوع الاول بالنسبة لوكلاء الرقباء

وهل تم التقسيم على حسب الرغبة ( دوريات أمنية أو أمن طرق أو مهام وواجبات )

وهل هنالك وسيلة للاتصال بالمتدربين


والف شكر على الموضوع جاء في وقته

[align=center]
هلابك أخوي
من ناحية أوضاع التدريب فهي كرف وبدون رحمه وكلهم طلبه مافيه فرق بين وكيل رقيب وغيره اما التقسيم اعتقد ومو متأكد انهم تقسموا ومن ناحية وسيلة الاتصال بالمدربين حتى لو اتصلت فيهم ماراح يفيدوك بشي يالغلا .
اتمنى اني افدتك
[/align]

كركركر 18-05-2012 12:57 AM

الله يوفقكم ياشباب ودعوتكم لي بالقبول النهايي بالمكاافحه

ملازم وكيل رقيب 18-05-2012 12:59 AM

اقتباس:

المشاركة الأصلية كتبت بواسطة هلالي ودمي أزرق (المشاركة 6247073)
[align=center]
هلابك أخوي
من ناحية أوضاع التدريب فهي كرف وبدون رحمه وكلهم طلبه مافيه فرق بين وكيل رقيب وغيره اما التقسيم اعتقد ومو متأكد انهم تقسموا ومن ناحية وسيلة الاتصال بالمدربين حتى لو اتصلت فيهم ماراح يفيدوك بشي يالغلا .
اتمنى اني افدتك
[/align]

الف شكر لك اخوي

بالنسبة لوسيلة الاتصال انا اتكلم عن المتدربين وليس المدربين
اشكرك مرة اخرى

هلالي ودمي أزرق 18-05-2012 01:03 AM

اقتباس:

المشاركة الأصلية كتبت بواسطة ملازم وكيل رقيب (المشاركة 6247092)
الف شكر لك اخوي

بالنسبة لوسيلة الاتصال انا اتكلم عن المتدربين وليس المدربين
اشكرك مرة اخرى


وسيلة الأتصال لاتخاف اذا هو ذيب بيدبر نفسه لان عندهم هناك عمال نظافه والطلبه يكلمون من جوالاتهم واحاول قدر المستطاع اني اجيبلك رقم واحد منهم له مده طويله في مدينة التدريب ويحبونه الضباط والمدربين وبرسله لك ع الخاص

بطاقة احوال 18-05-2012 01:03 AM

انت متخرج منها يعني ؟

طيب كيف وضع الزياره ؟ ومتى يسمحون لنا نزورهم ؟
إي والاكل وش اصنافهم !

شلون نجيب اخبار عنهم ! ودي اتطمن :m

هلالي ودمي أزرق 18-05-2012 01:07 AM

اقتباس:

المشاركة الأصلية كتبت بواسطة بطاقة احوال (المشاركة 6247116)
انت متخرج منها يعني ؟

طيب كيف وضع الزياره ؟ ومتى يسمحون لنا نزورهم ؟
إي والاكل وش اصنافهم !

شلون نجيب اخبار عنهم ! ودي اتطمن :m

[align=center]

ايه نعم يالغلا أنا متخرج من نفس المدينه بالنسبه لوضع الزياره بعد اسبوعين يوم واحد فقط وبدون عوائل هذا اللي اعرفه وبالنسبه للأكل جيب اللي تبي مااحد يمنعك ابد وبالنسبه لأخبارهم ارسلي رقمك ع الخاص واسم اللي تبي تتطمن عليه وانا يالغلا اخليه يكلمك تامر أمر
[/align]


الساعة الآن 01:20 AM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين