حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   إستفسارات ونتائج الوظائف العسكرية (https://www.btalah.com/f42.html)
-   -   الامن الدبلوماسي ( صدقني راح تستفيد تعال ) (https://www.btalah.com/t299814.html)

همي بحر 13-04-2011 10:09 PM

الامن الدبلوماسي ( صدقني راح تستفيد تعال )
 
السلام عليكم ورحمة الله وبركاته


كيف حالكم إن شاء الله دائما بخير ؟



امس يوم الثلاثاء بتاريخ 8 / 5 / 1432 هـ الساعه 9 ليلآ بتوقيت الرياض >>


طبعآآ اخوكــم بدورة الامن الدبلوماسي او بمسمى اخر ( امن السفارات ) في قوة طواري الرياض وحاليا لي بالدوره 10 شهور ..


البارحه جانا العميد الدكتور / غــانم السحيباني

قائد قواة الامن الدبلوماسي و قائد الامن والحمايه


جلس معنا تقريبا ساعتين او ثلاث ساعات بصراحه جلسته ماتنمل ما اقول الا سبحان من خلق الادمي هذا صدق من توضع لله رفعه رجال والله لو اجلس من هنا لبكره صعب اوصف اخلاقه وروحه العاليه .. قبل كذا سمعنا عنه حاجات ما كنا نصدقها من ضمنها انه يحب الافراد اكثر من الضباط وطلع الكلام والله 100 بالميه .. المهم جلسنا نسائله وناخذ معاه ونعطي بالكلام وعلمنى ان القطاع جديد وانه محتاج يجند كثير ..


وقالنا وياليت اخوانا الي بدورة مكه يفرحون قال ان رواتبهم تنزل الشهر هذا علشان يلحقون على الراتبين ..


المهم سالناه متى نتخرج وقال لنا ان شاء الله قريبا وقال ان بعد تخرجنا باسبوع راح يدخل دوره جديده في مكانا والله هذا الي صاار وانه راح يكون عددهم 400 فرد

يعني يااشباب شدو حيلكم وقدمو وخلصو اوراقكم بدري بدري .. وقدمو يمكن باقي شهر ونصف عن تخرجنا


بتوفيق للجميع وياليت الكل استفااد من الي قلته سوا بدورتنا او بدورة مكه او الي يبون يدخلون الدوره


واي استفسار عن اي شي انا جااهز فيه وبأذن الله راح افيده

لبيه 999 13-04-2011 10:17 PM

جزاك الله خير طيب كم طالبين الطول

فاتح التسجيل الحين ولا ؟؟؟

عاااطل منتظر 13-04-2011 10:25 PM

شـكرا لك وبارك الله فيك
وبالتوووفيق للجميع

احترم نفسك 13-04-2011 10:28 PM

[align=center]الله يعطيكـ العافيه

ومشكوور ومااقصرت

وهانت ترى راح الكثير وباقي القليل

واتمنى لكـ التوفيق

لكن عندي كم سؤال يالغالي

كم الطول المطلوب ؟

وكيف الدورة صعبه ؟

وياليت تعطينا اذا عندكـ اي خبر عن التقديم متى ؟

وبالتوفيق للجميع ياارب [/align]

ممكن حل 13-04-2011 11:22 PM

نفس استفسآر أخوي أحترم نفسك :)
وموفق بإذن الله ... لك مني أجمل تحية .

عريف السفارات 13-04-2011 11:36 PM

ياخوي قسم بالله ان موضوعك جاي على الجرح تصدق شكل ربي مرسلك لي
انا ابي استفسر عن دورة الي مقدمين برتبة عريف بشهادة التقنية
انا قدمت بشهر 10 وقبلوني وعطوني اوراق المستشفى والبصمات والاحوال المهم اني كلها عديت فيها ونجحت والكشف لائق طبيا ماشالله تبارك الله وكنت فرحان قلك قلت خلاص بدخل الدورة المهم سلمت ملفي وقابلت واحد وكيل رقيب حبوب وعسل هو تبع الامن الدبلوماسي المهم سلمت الملف قلي خلاص متى ماجت ارقام للعرفاء رح ندق عليكم عشان المقابلة الشخصية قلت اوكي والان انا انتظر كلمتهم شهر2 قالو باقي المهم الي فهمته منهم ان ملفاتنا موجوده بس ينتظرون ارقام عرفاء
بعد القروشة ذي فوق وقصة حياتي ودي أسألك يالزميل تتوقع احنا نكون من ضمن 400الي قال عليهم العميد الدكتور غانم السحيباني الله يحفضه
نسيت اقول اسم الوكيل رقيب هو اسمه عبود العصيمي واذا كان يشوف اسمه احب اقوله قسم بالله انه يستاهل رتبة ظابط مو وكيل رقيب

حبايب قلبي 13-04-2011 11:45 PM

شـكرا لك وبارك الله فيك... لك مني أجمل تحية .

الذاكري 13-04-2011 11:52 PM

جزاك الله خير......

همي بحر 14-04-2011 01:53 AM

اقتباس:

المشاركة الأصلية كتبت بواسطة الذاكري (المشاركة 4330531)
جزاك الله خير......



الجميع يالغلا وادع لي ان الله يسهل علي بكره والقى الي سرق جوالي الايفون:cry: >> وربي حظي غريب

اقتباس:

المشاركة الأصلية كتبت بواسطة حبايب قلبي (المشاركة 4330498)
شـكرا لك وبارك الله فيك... لك مني أجمل تحية .




العفوو ياقلبي
اقتباس:

المشاركة الأصلية كتبت بواسطة عريف السفارات (المشاركة 4330462)
ياخوي قسم بالله ان موضوعك جاي على الجرح تصدق شكل ربي مرسلك لي

اقتباس:

المشاركة الأصلية كتبت بواسطة عريف السفارات (المشاركة 4330462)
انا ابي استفسر عن دورة الي مقدمين برتبة عريف بشهادة التقنية
انا قدمت بشهر 10 وقبلوني وعطوني اوراق المستشفى والبصمات والاحوال المهم اني كلها عديت فيها ونجحت والكشف لائق طبيا ماشالله تبارك الله وكنت فرحان قلك قلت خلاص بدخل الدورة المهم سلمت ملفي وقابلت واحد وكيل رقيب حبوب وعسل هو تبع الامن الدبلوماسي المهم سلمت الملف قلي خلاص متى ماجت ارقام للعرفاء رح ندق عليكم عشان المقابلة الشخصية قلت اوكي والان انا انتظر كلمتهم شهر2 قالو باقي المهم الي فهمته منهم ان ملفاتنا موجوده بس ينتظرون ارقام عرفاء
بعد القروشة ذي فوق وقصة حياتي ودي أسألك يالزميل تتوقع احنا نكون من ضمن 400الي قال عليهم العميد الدكتور غانم السحيباني الله يحفضه
نسيت اقول اسم الوكيل رقيب هو اسمه عبود العصيمي واذا كان يشوف اسمه احب اقوله قسم بالله انه يستاهل رتبة ظابط مو وكيل رقيب



ليش لا ياقلبي يمكن انك تكون من مجموعة ال 400 وفيه معاي كذا شخص بالدوره موجود بالمنتدى الي هم عاطل + عاطل و هيثم الغامدي وسسطم ومع تحياتي الغريب وجنون اليل اسائلوهم :tsfiq: قال بالحرف الواحد حنا محتاجين عسكر والدوره الي قبلنا كانو عرفا ووكلا رقبا خل املك بالله كبير وحتى ابشركم ان شاء الله راح يكون لهم مركز تدريب يحوي على 1200 طالب تقريبا بس خلو جوالاتكم شغاله وعبود العصيمي والله رجال ونعم فيه حاول تروح تسأله انتم ان شاء الله اي دوره بس انقول ان شاء الله من دورة الرياض



اقتباس:

المشاركة الأصلية كتبت بواسطة ممكن حل (المشاركة 4330392)
نفس استفسآر أخوي أحترم نفسك :)

اقتباس:

المشاركة الأصلية كتبت بواسطة ممكن حل (المشاركة 4330392)
وموفق بإذن الله ... لك مني أجمل تحية .




جاوبت عليه يالغلا .. واتمنى انك استفدت


اقتباس:

المشاركة الأصلية كتبت بواسطة احترم نفسك (المشاركة 4330180)
[align=center]الله يعطيكـ العافيه [/align][align=center]

اقتباس:

المشاركة الأصلية كتبت بواسطة احترم نفسك (المشاركة 4330180)

ومشكوور ومااقصرت

وهانت ترى راح الكثير وباقي القليل

واتمنى لكـ التوفيق

لكن عندي كم سؤال يالغالي

كم الطول المطلوب ؟

وكيف الدورة صعبه ؟

وياليت تعطينا اذا عندكـ اي خبر عن التقديم متى ؟

وبالتوفيق للجميع ياارب [/align]




الطول قالنا بالحرف الواحد 175 بس بد قال انه تغاضاء عن بعض الطول يعني ان شاء الله سهالات

الدوره فله والله وفيه بعض النفسيه من ناحية التخرج فقط والا من يوم تدخل الدوره الى شهر واحد كلها تروح اجازات وفيه بشهر اربعه بعد اجازه والاجازه الاخيره اللي لتخرج

التقديم والله يالغالي سمعت ان تروح وتعطيهم ملفك وتخلص الاوراق ويتصلون فيك اذا انت من اهل الرياض جرب تروح يوم السبت هذا وتسائل واذا مو من اهل الرياض ارسل لهم واحد من اخوياك لهم ويسائل
اقتباس:

المشاركة الأصلية كتبت بواسطة عاااطل منتظر (المشاركة 4330172)
شـكرا لك وبارك الله فيك

اقتباس:

المشاركة الأصلية كتبت بواسطة عاااطل منتظر (المشاركة 4330172)
وبالتوووفيق للجميع




العفو يالغلا
اقتباس:

المشاركة الأصلية كتبت بواسطة عاطل بزمن لبترول (المشاركة 4330150)
جزاك الله خير طيب كم طالبين الطول

اقتباس:

المشاركة الأصلية كتبت بواسطة عاطل بزمن لبترول (المشاركة 4330150)

فاتح التسجيل الحين ولا ؟؟؟




الطول 175 وجرب حظك ورح لهم اذا انت من الرياض وشوف واذا ما انت من اهل الرياض ارسل لهم احد

متعب السهلي 14-04-2011 02:02 AM

الله يجزاك خير والله يوفقكم ويصبركم

ونحن في انتضار اتصالهم من شهر واحد الى الان .

لكن عطنا نبذة عن الدورة هل هي صعبة سهلة نفسية غير ذلك
وجزاك الله خير


الساعة الآن 03:55 PM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين