حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   قسم مشاريع وأفكار (https://www.btalah.com/f12.html)
-   -   فقط اللي عنده خبره بالبلديه أو من عمل بكشك + بليله (https://www.btalah.com/t419732.html)

بحر عطاالله 24-04-2012 08:22 PM

فقط اللي عنده خبره بالبلديه أو من عمل بكشك + بليله
 
السلام عليكم

يا اخوان ابي جواب صريح وشافي

الحين لو فكيت كشك او سياره ايسكريم او ....الخ

بدون تصريح واللي يشتغل فيه سعودي أب عن جَد هل يضايقونه البلديه ؟؟؟
لو فرضا بيعطوه مخالفه ماهي المخالفه وهل ممكن يصادرون ممتلكاته ؟؟؟

لاني اشوف كثير سعودين سواء بسطات وكشكات ماشاءالله شغالين ولا نخفي العماله الاجنبيه اللي تعمل بالخفاء والبلديه نايمه

فياليت اللي اشتغل قبل كذا او يعرف له قريب او صديق يخبرنا بقصته مع البلديه واللي شغال بالبلديه او خبره بهذا الموضوع يدلو بدلوه

وشاكر لكم

بحر عطاالله 25-04-2012 11:41 AM

اتمنى الاقي اجابه والله يجزاكم خير

بحر عطاالله 26-04-2012 02:42 AM

سبحان الله وبحمده سبحان الله العظيم

الجارح الحر 26-04-2012 03:24 AM

فإذا عزمت فتوكل على الله

توكل على الله يا رجال .. الدولة بكبرها تدور دعم الشباب وتوفير فرص العمل لهم
انت قاعد تعمل بكدك وعرق جبينك .. ما أحد جايك

يكفي ان ابو هنود والبنقالية الوسخين في كل قرنه تلاقيهم يشتغلون
والبلديات تمر من جنبهم ولا تكلمهم

سألت ابو يمن اللي يبيعون خضار على شارع الظهران العام في الملز - الرياض
ما تجيكم البلديه أنتم ؟
قال إلا تجي وتروح .. وما خذين راحتهم وموسخين الشارع ومعطلينه من أوله إلى آخره

لكن كانك في الرياض .. أنا كانت في راسي فكرة البليلة
وأنك تبيع في معارض النسيم .. ترى فيها ربح واللي مستفيد منها هالهنود المقرفين اللي مخلي بليلة أمس لحق بكرة ويبيع والناس تشتري على عماها

لكن انت ابن البلد ونظيف وبياخذون منك أولى من هالهندي .. اذا شافوك مرتب وشغلك مضبوط
توكل على الله خيو .. انت طالب رزق وطالب الرزق الله معه

(( أنا عند حسن ظن عبدي بي , فليظن بي ما يشاء ))

وعناصر النجاح ثلاثة :
1. توكل على الله .
2. جد وإجتهاد .
3. صبر ومواصلة , وبعدها لذة النجاح .

من عندي :)

بالتوفيق ,

دنيااغريبه 26-04-2012 03:56 AM

والله اني بسوي كشك متنقل لكن متردد عشان البلديه
ياتعطيهم حق الناس والا يعطوك مخالفه
ولو عطبتهم حق الناس لي متى ونا اعطيهم ههه حتى يروح كل شي معاي ههه

لكن ان شاءالله الاسبوع هذا بروحلهم وبشوف وش ردهم
لاني بطلع رخصة محل مطعم الحمدلله جهزت كل شي من بلاط وابواب سحب
ليا 3 اشهر ونا اجهز فيه
لكن باقي اللوحه حقة المطعم وين احصل الي يصلحوها ولو عطيتهم تصميم
بسوييه من الفوتشوب يقبلوه ويصلحوا اللوحه نفس تصميمي؟؟؟
وكمان كم اسعارها؟

لا يغرك صغر سني 26-04-2012 04:52 AM

البلديه مراح تكلمك ابو يمن جالسين يبيعون بطـآطس وفواكه بشـآرع و البلديه سردح مردح من عندهم.. والله محد فاضي من البلديــه انت توكل علي الله .. وبداء في مشـروعك. والله يرزقك. يارب من اوسع ابوابــه

بحر عطاالله 27-04-2012 11:44 PM

يعطيكم الف عافيه على التشجيع والف شكر لكم وشرفتم الموضوع
وننتظر المزيد من الردود والمقترحات وآرائكم والأهم المجرب ياليت الآقي رد من مجرب جرب هذه الشغله وعيوبها ومساؤها مع البلديه وشكرا

بحر عطاالله 28-04-2012 03:55 PM

لا زلت انتظر آراء وطروحات اكثر وشكرا

بحر عطاالله 30-04-2012 12:41 AM

سبحان الله وبحمده سبحان الله العظيم

النااااايف 02-05-2012 07:07 PM

اقتباس:

المشاركة الأصلية كتبت بواسطة دنيااغريبه (المشاركة 6136820)
والله اني بسوي كشك متنقل لكن متردد عشان البلديه
ياتعطيهم حق الناس والا يعطوك مخالفه
ولو عطبتهم حق الناس لي متى ونا اعطيهم ههه حتى يروح كل شي معاي ههه

لكن ان شاءالله الاسبوع هذا بروحلهم وبشوف وش ردهم
لاني بطلع رخصة محل مطعم الحمدلله جهزت كل شي من بلاط وابواب سحب
ليا 3 اشهر ونا اجهز فيه
لكن باقي اللوحه حقة المطعم وين احصل الي يصلحوها ولو عطيتهم تصميم
بسوييه من الفوتشوب يقبلوه ويصلحوا اللوحه نفس تصميمي؟؟؟
وكمان كم اسعارها؟


بالنسبه للكشك البلديه ماتكلمك ابد /اخوياي شغالين فيها البلديه ماتقلهم شي بالعكس يشترون من عندك ويشجعونك ...اوقف على الكشك بنفسك لان العماله مالهم امان.

اللوحه تقدر تسويها عند عند محل خطاط ورسام يسوونها لك تقدر تقدم لهم تصميمك ويسونه لك وتقدر تشوف التصاميم اللي عندهم بتلقى تصاميم لين تطفش :h


الساعة الآن 01:56 PM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين