محل حلويات شرقيه وغربيه
السلام عليكم
مساء الخير جميعاً ببالي فكره مشروع محل حلويات شرقيه وغربيه فكره المشروع داخله مزاجي بقوه بس تنقصني شويه معلومات عنه يعني كم التكلفه التقديريه في البدايه من محل وعمال واداوت وغيره طبعا اانا في منطقه مافيها محلات كثيره وهذاا الي خلاني افكر ادخل بهالمشروع وانافسهم ونصايحكم قبل لاأخذ اي خطوه مشكورين |
وين الردود ياشباب
|
نصيحه من اخ لك في الله ابتعد عن هذا لمشروع
مكلف جدا ومدمر جدا ولن تستطيع حتي لو فتحت معمل بنص مليون انا كنت صاحب معمل وحلويات بيت السلطان وعندي 12 فرع وصدقني بعتها بخساره ومشكلتك مع المواد نار والعماله حدث ولاحرج من المساومه لك0 واذا سوري حاطها براسك انحش0 راس مالك ممكن تسوي فيه اكثر من مشروع وتجني ربح وفير0 الفستق الكابولي الكيس الان 1500 ريال تقريبا وسمنه الطاحونه 300 وعندك المواد الغربيه نار على نار واذا تبي معلم حلويات غربي وتنقل كفالته خذه هديه مني بس يوافق وهو شغال في قصر ولي العهد الامير سلطان الان والله ما كتبتلك الا خوف عليك وانت حر السوق امامك0 انا كلمتك من تجربه عشر سنوات0 |
نصيحه من اخ لك في الله ابتعد عن هذا لمشروع
مكلف جدا ومدمر جدا ولن تستطيع حتي لو فتحت معمل بنص مليون انا كنت صاحب معمل وحلويات بيت السلطان وعندي 12 فرع وصدقني بعتها بخساره ومشكلتك مع المواد نار والعماله حدث ولاحرج من المساومه لك0 واذا سوري حاطها براسك انحش0 راس مالك ممكن تسوي فيه اكثر من مشروع وتجني ربح وفير0 الفستق الكابولي الكيس الان 1500 ريال تقريبا وسمنه الطاحونه 300 وعندك المواد الغربيه نار على نار واذا تبي معلم حلويات غربي وتنقل كفالته خذه هديه مني بس يوافق وهو شغال في قصر ولي العهد الامير سلطان الان والله ما كتبتلك الا خوف عليك وانت حر السوق امامك0 انا كلمتك من تجربه عشر سنوات0 اخوي لمعة البحر ياليت تشرح لنا لني في راسي مشروع معمل حلويات وفطاير وتورتة كم تكلفة وهل المشروع مربح انا في مدينة خالية من المعامل سكانها تقريبا 50 الف نسمة |
لي رجعه بالتفصيل اخوي عاطل
|
تكلفة المحل تقريبا 300الف
العمالة سورين او مصريين |
لازم تزور محلات الحلويات وتعرف معلومات بعينك وعن قرب
|
شوف اذا تبي تفتح محل فقط وتشنري من المعامل الثانيه الله يعينك على الخسائر والاسعار والغش
واذا تبي تفتح معمل يبيلك معمل مساحته فوق 200 م عشان يرخص من البلديه وتعال شف المعدات من سوريا واغلبها بس توصل هنا تاكل خابور من غشهم0 ومكتب العمل الان كم يعطيك وتعال دور في دمشق معلمين كل يشترط عليك واذا جبت من هنا فهم انصب خلق الله يجيك يبي يشتغل بنظام الساعه عشان يضمن حقه واذا اشتغل بالراتب مثلا 5000 الاف ريال وتاخرت ترك لك المعمل وتخيل وش يصير فيك واذا كان عامل عندك يحط لك حجر في العجانه او ملح في العجين والله مشاكلها لاتعد ولا تحصى مهما عملت ناهيك عن البلديه صرصور مسير علي المعمل غرامه 5000 الاف ريال0 انا تعبت من الشرح باختصار ابعدو عن هذا المشروع وكفى |
اقتباس:
فعلاً كذا شخص قالي المشروع مو باالسهوله الي متوقعها وانا صراحه ماني مستعد للمغامره حالياً فا غيرت وجهتي اشكرك اخوي والله يجزاك كل خير ويوفقك |
منار الوجه
عصام كمال ولكل من رد اشكركم من كل قلبي |
الساعة الآن 01:00 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين