حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   قسم مشاريع وأفكار (https://www.btalah.com/f12.html)
-   -   استيراد السيارات من دبي ؟ او اي دولة ؟ (https://www.btalah.com/t273577.html)

zeer1394 09-02-2011 06:50 PM

استيراد السيارات من دبي ؟ او اي دولة ؟
 
مرحبا اخواني الاعزاء
انا معي مبلغ 140 الف ريال له شهرين وغثني بصراحة ودي اشغله .. المهم اليوم قابلت لي شاب حليوه زهراني وكنا نسولف عادي وتكلمنا بالمشاريع وقال التالي //
افضل واضمن مشروع هو استراد السيارات المستعملة من دبي واستراليا وامريكا\
قلت له كيف الطريقة مو مسموح لك غير سيارة كل 6 اشهر وفي السنه سيارتين ؟
المهم رد علي وقال لا تطلع سجل تجاري استيراد وتصدير ما يأخذ له يوم ويطلع .. وتجي اي كمية من السيارات الا تبي اهم شئ مديلها يكون مو اقدم من 5 سنوات ..
سالته من وين لك كل ذي الملعومات ؟ قال لي انه كان شغال بذي الشغلة قبل سنتين المهم طلع منها نصف مليون ريال ودخلها بسوق الاسهم وخسر ... وهالحين بيحاول يرجع من جديد للاستيراد ..
عرضت عليه اني اموله برأس المال وهو يشتري السيارات من دبي ونبيعها في السعودية طبعا كل شئ بإسمي انا السجل التجاري والسيارات وكل شئ هو عليه بس يروح ويشتري السيارات وينهي الاجراءت من خلال خبراته بذا المجال .. طلب مني نسبة 15 % من صافي الربح وكل تكاليف السفر ع حسابي
وقال تكلفت السفر الى دبي مع تذاكر السفر تكلف ما بين 3000 الف ريال الى 4000 ريال لشخص الواحد

مدري وش رائكم بذا المشروع ؟
انا ما اعرف الرجال معرفة شخصية بس الا يطمن ان كل شئ بإسمي وماراح اسلمه اي فلوس ولا شئ ..
هل هذا المشروع في مجازفة ؟ علما بإن اخبرني بإن المكسب المتوقع في كل سيارة يتراوح ما بين 10000 الف ريال الى 20000 الف ريال وانت ورزقك ؟ وش رائكم يا اهله الخبرات
انتظر ردكم ؟
:h

أحساس راقي 09-02-2011 06:58 PM

اخوي انا استورد سيارات من امريكا ومن اليابان

بالنسبة لأستراليا درسكون يمين وماتقدر تستورد منها

على العموم انا تركت مجال أستيراد السيارات للقلة الرزق فيها وهذي نصحيتي لك

zeer1394 09-02-2011 10:08 PM

[QUOTE=أحساس راقي;3906939]اخوي انا استورد سيارات من امريكا ومن اليابان

بالنسبة لأستراليا درسكون يمين وماتقدر تستورد منها

على العموم انا تركت مجال أستيراد السيارات للقلة الرزق فيها وهذي نصحيتي لك[/QUO
شكرا لك اخوي ع التواصل لك رسالة ع الخاص

محماس بن نجر 09-02-2011 10:22 PM

هلا بك يالغالي

والله خويك هذا ماارتحت لكلامة معك مدري ليش حاس ان فية صرفية شوي

لكن ترى اغلب السيارات اللي تجي من الامارت وامريكا تجيك مصدومة ولا مصدية ولاغرقانة وتلقاه مرقعها الشريطي وراشها وتشوف الشكل مغري وكذلك السعر وتقول اجيبها للسعودية واتكسب من وراها اقل شي 20 الف واخر شي تجيبها تكتشف انها ملعوب فيها وتنشب بحلقك

بعدين خويك يبي يسافر لدبي ويبيك تدفع المصاريف ولا بعد 4000 الاف ! <شكله يبي يفلها :wa

انا رايح لدبي قبل 6شهور بطيران العربية من الدمام للشارقة بــ200 ريال <<ولد فقر:c


الله يوفقك ويرزقك ماقصدي احطمك بس للأسف هذا الواقع وبيني وبينك انا جربت البيع والشراء بالسيارت لكن بالسعودية وخسرت خسارة مايعلم بها الا الله اول مرة شريت شبح ولقيتها مخبطة ونشبت بحلقي والمرة الثانية شريت كامري بسعر مغري شوي لكن اكتشفت انها مرشوشة ومدقدقة لين قالت بس وبعتها بعد بخسارة وتوبت عقبها قلت وجهي مو وجه تجارة

zeer1394 09-02-2011 10:42 PM

:y
اقتباس:

المشاركة الأصلية كتبت بواسطة محماس بن نجر (المشاركة 3907603)
هلا بك يالغالي

والله خويك هذا ماارتحت لكلامة معك مدري ليش حاس ان فية صرفية شوي

لكن ترى اغلب السيارات اللي تجي من الامارت وامريكا تجيك مصدومة ولا مصدية ولاغرقانة وتلقاه مرقعها الشريطي وراشها وتشوف الشكل مغري وكذلك السعر وتقول اجيبها للسعودية واتكسب من وراها اقل شي 20 الف واخر شي تجيبها تكتشف انها ملعوب فيها وتنشب بحلقك

بعدين خويك يبي يسافر لدبي ويبيك تدفع المصاريف ولا بعد 4000 الاف ! <شكله يبي يفلها :wa

انا رايح لدبي قبل 6شهور بطيران العربية من الدمام للشارقة بــ200 ريال <<ولد فقر:c


الله يوفقك ويرزقك ماقصدي احطمك بس للأسف هذا الواقع وبيني وبينك انا جربت البيع والشراء بالسيارت لكن بالسعودية وخسرت خسارة مايعلم بها الا الله اول مرة شريت شبح ولقيتها مخبطة ونشبت بحلقي والمرة الثانية شريت كامري بسعر مغري شوي لكن اكتشفت انها مرشوشة ومدقدقة لين قالت بس وبعتها بعد بخسارة وتوبت عقبها قلت وجهي مو وجه تجارة

:y شكرا ع المداخله مدري رابطها بالخيرة والله يكتب الا فيه الخير

الوافي، 10-02-2011 12:33 AM

شووف يالغالي اذا اتفقت معه انك ما تعطيه ولا ريال الين ما تبيع السياره وتعرف وش لك ووش عليك هذي فيها كلام ثاني

اما مسآلة انك تصرف عليه في السفر وبعد 15% هذي ما تنبلع

وانا يالغالي سبق وسافرت للشارقه ودبي وقطر كلها علشان هالشغله بس للآسف ما لقيت اللي على بالي وسعرها مناسب خصوصا الامارات السوريين والعراقيين من يوم يعرفون انك سعودي يدبلون عليك السعر من زود الحب خخخخ

على العموم عسى ربي يوفقك

عاطل الثانوية 10-02-2011 02:54 PM

موفق بإذن الله ... لك مني أجمل تحية .

zeer1394 10-02-2011 10:05 PM

اقتباس:

المشاركة الأصلية كتبت بواسطة الوافي، (المشاركة 3908262)
شووف يالغالي اذا اتفقت معه انك ما تعطيه ولا ريال الين ما تبيع السياره وتعرف وش لك ووش عليك هذي فيها كلام ثاني طبعا ما راح اعطيه ولا هلله حتى يتم بيع السيارات .. طبعا مصاريف السفر لدبي لحد الان فيها نقاش معه ما فيه شئ اكيد

اما مسآلة انك تصرف عليه في السفر وبعد 15% هذي ما تنبلع لا ما راح اصرف عليه 15 % بتكون شاملة مصاريف سفر وارباح له عن كل سيارة

وانا يالغالي سبق وسافرت للشارقه ودبي وقطر اتوقع قطر افضل مكان ؟ مدري يمكن سوقها ما انحرق مثل اسواق الامارات وجهة نظر
كلها علشان هالشغله بس للآسف ما لقيت اللي على بالي وسعرها مناسب خصوصا الامارات السوريين والعراقيين من يوم يعرفون انك سعودي يدبلون عليك السعر من زود الحب خخخخ

على العموم عسى ربي يوفقك

تعرف جاني فكرة مدري فكرة اجيب بسيارات التى لا يوجد عليها اقبال بذي الدول
مثل اليارس من تويوتا وكذلك الترا من هواندايا وبعد فان توزيع البضائع من تويوتا وكذلك الدينات من ايسوزو وكذل دينات من ميستوبيشي ..

اسليمان 10-02-2011 10:07 PM

نصيحه ابعد عن السيارات وتجارتها إلا .......... أذا كنت ماتخاف الله وتبي تغش المسلمين

ترا اغلب شريطية السيارات ( مايخافون الله والحلف بالله عندهم زي شربة المويه )
هذا غير مشاكل السيارات وخراباتها
الله يرزقك بمشروع افضل من مشروع السيارات

خاطر عبر 10-02-2011 11:15 PM

خلك في دبي بس استورد بضاعة وصرفها هنا والارباح دبل وزيادة

السيارات من دبي الربح فيها حسب كلام البعض مايتعدى 5 الاف وممكن اقل غير عن سلامة السيارة


الساعة الآن 03:34 PM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين