حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   الإستفسارات التدريبية والدراسية (https://www.btalah.com/f51.html)
-   -   دبلومات جامعة الدمام (https://www.btalah.com/t225042.html)

مش معقول 05-09-2010 07:38 AM

دبلومات جامعة الدمام
 
[align=center]
السلام عليكم

الله يتقبل منا ومنكم الصيام والقيام

حبيت أستفسر عن دبلومات جامعة الدمام
مين سبق ودرس فيها أو ناوي يسجل هالسنه
ياليت ألقى اللي يفيدني منكم .. ما ودي اجازف وأخسر سنه وانا مو واثقه منهم :mish:

هذا رابط الجامعه
http://www.tsscd.edu.sa/portal/index...p/educationdep
انا اعجبني
دبلوم التوجيه والإرشاد المدرسيه
و دبلوم عام في التربيه
[/align]

هبشه 05-09-2010 07:55 AM

أختي ,, هالدبلومات مجانيه ؟؟؟ ومتى بتفتح؟؟؟؟ وهل فيه موارد بشريه؟؟

مش معقول 05-09-2010 08:05 AM

هلا هبشه
الدبلومات مدتها سنه برسوم ماليه ( عشره آلآف ريال )

بالنسبه للموارد البشريه .. لا ما اتوقع فيها
تقدرين تطلعين على الرابط
انا أشوف انها حلوه .. وتقدرين تغيرين مجال تخصصك الأصلي لحاجه انت تحبينها
حاجه تربويه يمكن من خلالها تحصلين على وظائف افضل

بس ودي اتأكد من مصداقيتهم .. خصوصاً انهم كاتبين بالضبط وش راح تكون نوعية الدراسه
وتعرفين الكلام كثيييييييير بس إذا جا وقت التطبيق ما تشوفين شيء !
سؤال

وش يعني الموارد البشريه ؟ وش تدرسين فيها ؟

هبشه 05-09-2010 08:13 AM

يا الله عشرة الاف على دبلوم سنه؟؟ والله كثير وظلم وربي خصوصا انها تابعه لجامعه حكوميه !!! وفي الأخير تطلع دراستهم مو ذاك الزود ,, وعلى أيش ؟؟ كأن الوظايف تنتظرنا!!! قهررر

موارد بشريه زبدتها أنك تكوني مثلا مسؤلة توظيف أو شئون موظفين .. بس ما اعرف المقررات اللي تندرس,, بس يقولون مطلوب وحلو

مش معقول 09-09-2010 09:04 AM

عاد وش بيدك تسوين البطاله ذبحتنا قلت ألقى حاجه تسليني وتفيدني في نفس الوقت
و صدقتي العشره الآف كثيره خصوصاً لو كان العائد منها صفر يعني ولا شيء :mish:
بس أيضاً التخصصات حلوه وودي أجرب الدراسه فيها


مين يقدر يفيدني أكون شاكره ومقدره له
توقعت بلآقي أحد عنده فكره عن هالدبلومات
شكرا يا هبشه :rolleyes:

صدى المشاعر 09-09-2010 09:15 AM

اخوي هل لازم عندك شهادة جامعة ؟ او عادي يقبلون طالب الثانوي ؟

بسمة خجل 09-09-2010 10:03 AM

اقتباس:

المشاركة الأصلية كتبت بواسطة صدى المشاعر (المشاركة 3164220)
اخوي هل لازم عندك شهادة جامعة ؟ او عادي يقبلون طالب الثانوي ؟



فيه دبلومات للثانوي

وأخرى للبكالوريوس

ضيء قلبي 09-09-2010 10:22 AM

وعليكم السلام ورحمة الله وبركاته

هلا اختي
:)
انا درست فيها ترمين وكل ترم 6250 وتخصص توجيه وارشاد اما التربوي فهو 5000 للترم

بصراحه دراسه كانت ممتعه بالنسبه لي حسيت بفرق عن دراستي بالكالريوس


هوكان يعتمد على المحاضرات بالدرجه الأولى واسلوبهم في الحديث


يعتمد على حضورك في المحاضره لأنو اغلب الدروس تحكي عن نماذج في المجتمع و كيف طريقة التعامل والتوجيه للأشخاص


كان هو الدبلوم الوحيد في اكثر ساعات دارسيه بصراحه سنه ماتكفي ابدا للدراسه والتدريب

لأنو اغلب الساعات دراسيه واخذنا فقط 10 ايام للتطبيق بالترم الثاني و كانت الدراسه مسائيه من السبت الى الثلاثاء

والأربعاء فقط هو التدريب في الصباح في مدارس

وكان يتطلب مجهود التطبيق ولا يوجد وقت كافي للتدريب..وهذا عيب

تجربه حبيتها واحنا اول دفعه متخرجين من التوجيه والارشاد ..ووطالبنا الأدراه بزياده وقت للتدريب وتعديل بعض المسارات الدراسيه لأنو اغلب المواد متشابه في سرد المعلومه برضو هذا عيب ثاني



وبانسبه للتربوي ..تقريبا نفس الشي برضو في تدريب وكان الوقت مايسمح



في الترم الأول اخذت 9 مواد ..والترم الثاني 7 مواد مع التدريب وكان ترم الأخير احلى من الترم الأول


اتمنى قدرت افيدك واي استفسار انا حاضره
:)

ضيء قلبي 09-09-2010 10:27 AM

اقتباس:

المشاركة الأصلية كتبت بواسطة صدى المشاعر (المشاركة 3164220)
اخوي هل لازم عندك شهادة جامعة ؟ او عادي يقبلون طالب الثانوي ؟

اخوي صدى المشاعر

طلاب الثانويه لهم دبلومات مثل السكرتاريه والحاسب ودارة اعمال والأنجليش ,....وغيرها

ويوجد تخصصات من لديهم شهادة البكالريوس مثل دبلوم التربوي ودبلوم توجيه وارشاد وبرضو التخصصات اللي ذكرتها لك لكن الأولويه لطلاب الثانويه ومن ثم لطلاب الجامعه

ربي يوفقك :)

ضيء قلبي 11-09-2010 01:51 AM

للأسف خواتي افادتي ماكانت بمحلها
انا كنت دارسه بجامعة الإمام مو بجامعة الدمام..قراتها بعجالة جامعة الإمام

أعتذر منكم :)


الساعة الآن 06:49 PM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين