|
وش رايكم بالمركز السعودي البريطاني بالرياض
مرحبا ودي اسجل بدورة لغة وانا بصراحة ماعندي لغة وش رايكم بهالمعهد اللي هو المركز السعودي البريطاني اللي توه فاتح فرع بالرياض؟؟ هل هو كويس ولا اروح لبرتش كونسل؟؟ الفرق بين الاثنين انه المركز السعودي البريطاني دوامهم يومي ولمدة 6 اسابيع بـ 1400 ريال لكن برتش كونسل ثلاث مرات بالاسبوع ولمدة 6 اسابيع وبـ 2150 ريال وش اسوي ؟؟ مو افضل للاستفادة من اللغة ان يكون الدوام يومي ولا لا؟؟:confused: من جد محتارة:eek: أنا عارفة ان برتش كونسل افضل معهد بالرياض لأن المدرسين أجانب ومايتكلمون عربي ابد بس ياترى كيف ابتعلم منهم وانا توي ماعندي لغة ابد ؟؟ شلون أبفهم :( أرجوكم ردوا علي وساعدوووووووووووووني وين أسجل :cry: |
شوفي حبيبتي
تبين نصيحتي انا والله لا جربت لا ذا ولا ذا لكن من واقع تجربه ومعاناااة طويله عريضه مع اللغه انصحك الانجليزي مايتثبت الا بالمحااادثه لا كتب ولا غيره اذا مثل ماتقولين برتش كونسل كلهم اجانب ولايحكوون عربي ابدااا فهذا هو المطلوب ولا تخاافين بتتعلمين وبتعرفين تحكين معهم راح تحتدين وتدبرين روحك وبكذا بتتعلمين بالقوه .. اما غير المحادثه فصدقيني مضيعه للوقت والفلوس والجهد والله يوفقك ويكتب لك الخيره من امرك ولو سجلتي تعالي قولي لنا تجربتك نستفيد معاك :) |
تسلمين حبيبتي على النصيحة بس اللغة محتاجة احد يكون فوق راسك عشان يجبرك تتعلمين وانا جبت سيديهات للانجليزي بس ماصملت بصراحة ولا حولي احد يتكلم انجليزي عشان كذا ابي اتعلم انجليزي واطور من نفسي وودي الحق واسجل بالدورات عشان كذا سألت فياريت أحد يفيديني :cry: |
انا اتفق مع كلاااام اختنا " شتاات الغلا "
انصحك اختي بـ British Council ... لانه بيئه الدراااسه عندهم تساااعد على تعليم اللغه واكسري حاااجز القلق والاحراااج ... والاهم التعليم الذااتي والمتاابعه المستمره بعد المعهد الله يوفقك |
تسلمين حبيبتي
بس ودي اعرف احد جرب المركز السعودي البريطاني |
أنا اتصلت عليهم .. اللي توهم فاتحين فرع جديد ..
قالت لي عندهم كورس للمبتدأين ب 900 ريال <<< إذا كنت تحتاجين للكورس بعد كذا .. عندهم خصم 50 % على الدورات و على الدبلوم بعد .. شكل المركز السعودي البريطاني .. ما عليه .. لكن ما أقدر أفيدك أيهم أفضل .. بالتوفيق يالغلا .. |
سمعت انو جيد
|
اليوم بصراحة انا رحت لبرتش كونسل :court: وبصراحة ماشجعني أبد :eek: قابلتني وحدة بخدمة العملاء بصراحة سدت نفسي للدراسة بشكل ماتتخيلون اول شي كانت مهيب لمي وانا استفسر زد على ذلك كانت يالله ترد علي المهم جيت اسألها عن الكورسات والتفاصيل وعن المواعيد قالت ان المواعيد يحدده مستواك يعني لو مستواك مو موجود بالوقت اللي تبين قشري بصل هههه المهم سالتها عن المدرسات وعن جودتهم وفيه مجال اني اعرف اسماءهم فرفضت وشانت نفسها زود علي عاد انا بصراحة قفلت معي زوووووووود وقلت لها انا من حقي اني اختار اللي بتدرسني أنا برضو جاية ومسجلة عشان استفيد لأني ماابي اطيح بوحدة اي كلام قالت مو من حقكم ياطالبات انكم تقيمون مدرساتنا قلت حلوووووو:yaa: اجل من حق مين؟؟؟:Looking: قالت حنا اللي نعرفهم وحنا واثقين فيهم وبعدين هذا نظامنا تبين تسجلين سجلي ماتبين بكيفك قلت طيب وش عنه يتكلم المنهج وش يحتوي يعني ؟؟ قالت منهج متكامل بس تركيزه على الجرامر اكثر شي لكن المحادثة مو من ضمن المنهج قلت ليش؟:Looking: قالت لأنه ماعندنا مدرسات يدرسون محادثة :Looking: وعاد قابلت لي وحدة من طالباتهم بالصدفة وسالتها وقالت والله هم فعلا تركيزهم على القرامر ولا يهتمون بالمحادثة لكن منهجهم حليو مهوب شين قلت طيب وكيف مدرساتهم قالت انا سجلت بمستويين وحدة كانت يعني مو ذاك الزود كانت تغلط واصحح لها والثانية كانت كويسة قلت كملت ههههههه:d هذي بالنسبة لرحلتي الاستكشافية لبرتش كونسل وبكرا ان شاء الله بروح للمركز البريطاني وبشوفهم ;) بس اذا احد يعرف لي معهد زين يهتم بالمحادثة ياريت تفيديوني:confused: |
طيب من الا درس لغة باي معهد والله نفسي ادرس بس محتارة
|
<A href="https://www.btalah.com/redirector.php?url=http%3A%2F%2Fabeermahmoud2006.j eeran.com%2F535-Jzakom.gif" target=_blank><A href="https://www.btalah.com/redirector.php?url=http%3A%2F%2Fabeermahmoud2006.j eeran.com%2F535-Jzakom.gif" target=_blank>[IMG]http://abeermahmoud2006.******.com/535-Jzakom.gif[/IMG]
|
| الساعة الآن 12:56 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين