حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   مناقشة شروط القروض و إعداد دراسات الجدوى (https://www.btalah.com/f45.html)
-   -   من له تجربة مع معهد ريادة لتمويل المشاريع الصغيرة (https://www.btalah.com/t469101.html)

طموح مقيدة 04-11-2012 03:42 PM

من له تجربة مع معهد ريادة لتمويل المشاريع الصغيرة
 
مساكم الله بالخير ان كنتم بالمساء و صباحكم الله بالخير ان كنتم بالصبح

ودي اعرف من له تجربة مع معهد ريادة لتمويل المشاريع الصغيرة
لاني قدمت عليهم و حددو لي موعد بعد يومين
لكن فيه ناس تقول لا تتعبين نفسك وتروحين ماعندهم سالفة
و اللي زاد الطين بلة ان مشروعي مشغل نسائي لانهم
حاصرين المشاريع مشغل نسائي و خياط نسائي وووو مبلغهم اقصاه 300الف
ولا راح تكون دفعة وحده
ياليت اللي له تجربة معاهم يفيدني اتوكل على الله واكمل
ولا اجلس ببيتي احسن لي
و ياليت يقولون موقع ريادة بالرياض وين :confused:


طموح مقيدة 04-11-2012 10:05 PM

:m:m:m:m:m

الستروميري 04-11-2012 11:29 PM

انا كان لي تجربة ورفضوني :(
وبصراحة اتقبلي منهم اي شي
واذا ماعندك واسطة لاتتعبي نفسك لأن الموظف قدام عيني جاه اتصال من واحد يبى خدمات المعهد
والموظف قله جبلي اوراقك وماعليك ياابو فلاان يعني الشغلة معارف وواسطات
انا مابى احطمك لكن روحي امكن ربي كاتب لك وبعد المقابلة بشرينا

بسام خياط 05-11-2012 01:13 PM

معهد ريادة ماشى امورة ولا تيأسى مافى شى بيصير بين يوم وليلة الا اللى لله كاتبة لك

فقدمى عندهم ولله بيسرلك امورك بس لابد انة يكون لك خبرة حتى ولو ستة شهور فى المجال اللى راح تفتحية ويكون عندك تصور كامل للمشروع وطرق تشغيلة وتضيفى افكار جديدة تخدمك الطموح حلو علشان لما تتكلمى عن نفسك فى المقابلة ودى اهم شى تكون محضرة كل شى خبرة بالمجال وتصور كامل للمشروع وكيفية طرق تنفيذة وانتبهى لا تبالغى فى التكاليف اعطة كل شى حقة الاساسى وبشكل متوسط ابعدى عن شغل الديكور المكلف والامور المكلفة ولو تبى شى مكلف اعرضيها عليهم كفكرة تانية ان ممكن مثلا اسوى كدة بس ما راح اسوى هسوى الاقل ولزم يكون عندك رد لكل سؤال لانى لو شافوا عندك تجدد افكار بمشروعك وعندك افكار وعندك خبرة هيقبلوكى غصب عنهم لانهم يبغوا سعودين علشان يتفكوا من موضوع البطالة وعن تجربة اصدقاء لى اكثر من عشر اشخاص قدموا واستلموا قروضهم بجدة والمعد مازال يستقبل لان خطة المعهد مشاركة فى حل البطالة ولو شافوكى تبغى الشى ومؤهلة لذلك ولو بخبرة هتقبلى وادخلى الموقع حق معهد ريادة وتعرفى شروطهم وبالمرة تقدمى وتعرفى ايش الانشطة المدعومة عندهم وبعد كدة تسويلهم زيارة خليكى مرة مرتبة ونظامية ولله يوفقك واسف على الاطالة

طموح مقيدة 06-11-2012 03:39 PM

[align=center]الله يجزاكم خير لردودكم وتجاوبكم مع موضوعي
و الف شكر لبسام خياط لرفع المعنويات و النصائح
اليوم كان موعدي الساعة عشرة صباحاً
لكن رب ماقسم لي اروح للقاء التعريف
مع اني متمكنة من مشروعي و عملة به فترة طويلة
وادخلت عليه اضافات تجعله مميز عن غيرة
لكن ايش نقول
لما مصيرك وطموحك يتحكم به مقولة رجل مافية روحة
مادري ليه بعض الرجال فيهم انانية و لا يتمنى الخير للمرأة
الله يعوضني خير
[/align]

مازن المطيري 07-11-2012 06:04 AM

أختـي روحـٌي جربي منتي خسرآنه شي والله ..
لآتاخذين على يقولون ومايقولون ربك كريم ويجيب الرزق لمن يشاء .
توكلي على الله وروحي بالعكس يدعمونك اذا طورتي الفكرهـ وتكون مختلفه ,,

والله يوفقك ويرزقك ..

تحياتي

طموح مقيدة 07-11-2012 10:53 PM

[align=center]الله كريم
[/align]

برادا 08-11-2012 02:33 PM

انا ماجربته بس مفكرة فيها روحي وطمنينا

The Pearl 16-02-2016 11:53 PM

الله يسهل أمورك ،
ويسخر ربي لك ملائكته السماء ، و عباده في االارض

شخصيه مستهدفة 17-02-2016 09:33 AM

السلام عليكم

بالعكس اختي روحي وتوكلي على الله وصدقيني بدون واسطة ولا شي الدعوة محتاجة شوي ثقة بالنفس انا رحت لهم وقدمت لهم مشروع عندي

خبرة فيها 15 سنة تقريبا وبنفس الوقت موظف في قطاع خاص وراتبي زين بس بغى شي يضمن مستقبلي

سالني موظيف ريادة قال ليه تبي المشروع وانت راتبك بالخطاب التعريف مرة زين قلت الراتب ماينضمن والمشروع هذا

انا عارف كل صغيرة وكبيرة ومع تقديم جميع المستندات الثبوتيه لهم من خبرات عملية سابقة في عدة شركات بالقطاع الخاص

قعد يسال ويستفر مني اكثر واكثر وقال كيف راح تسدد لو خسر المشروع قلت له ان شاء الله ماراح يخسر وراح طور مشروعي

وعطيتهم كذا فكرة بالتطوير وقلت هل المشروع مبني على العقلات مع التجار والشركات وانا للي علاقات كثرة

المهم اني قنعته بالمشروع قلت له المشروع راح يعزني ويعز بيتي وعيالي بالمستقبل ومستعد سسدد المبلغ في اقل من 8 سنوات

اخر شي قالوا للي مبروك قبلنا مشروعك

نوكلي على الله وخلي عندك اصرار وعزيمة وتشاروين الناس السلبين للي يحبطونك بعدي عنهم


الساعة الآن 03:30 AM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين