|
دعوة للنقاش ( مكتب تسديد رسوم حكومية )
السلام عليكم ورحمة الله وبركاته اخواني اردت بان نناقش بفكرة مشروع فلا نعلم يمكن يتم تنفيذه من قبل الأعضاء ويكون له دخل ويبدأ حياته : الفكرة يا أخوان [mark=#663399]مكتب لتسديد الرسوم الحكومية [/mark] مكان المشروع : بجانب دائرتين حكومتين أ- الجوزات ب- المرور وأنا أنصح الأخوان [mark=#663399]بالجوزات [/mark] اتوقع راس المشروع التي يمكن البدء فيه 15 الف ريال 5 الاف لتأثيث مكتب كمبيوتر مكيف ...الخ 10 الاف يتم فتح حساب بأحد البنوك وأنصح بنك الرياض [mark=#CCFF66]شرح المشروع [/mark] تسديد الرسوم فنبدأ بالجوزات تجديد أقامات نقل كفالة تخريج ...الخ يتم التسديد ب20 ريال للعملية الواحدة نقول جاك 20 واحد سدد عندك وهذا أقل تقدير ولنقل عمالة وافدة من غير السعودين الشهر كم فيه اسبوع 4 اسابيع 4 اسابيع كم عدد ايام العمل 5 ايام بالاسبوع نقول 22 يوم بالاسبوع نشوف [mark=#66FF00]دخلنا باليوم [/mark]( قلنا لو يجيك 20 زبون فقط نضرب 20× بقيمة التسديد 20 ريال = 400 ريال يعني دخلك باليوم 400 ريال 400 ريال ضرب عدد ايام العمل بالشهر 22 يوم = 400 ريال × 22 يوم = 8800 ريال نخصم إيجار المحل أكثر تقدير 1500 ريال نخصم إيجار كهرباء 60 ريال بالكثير انترنت دي سل تاخذ سرعة 256 شهريا 200 ريال نقول مصاريف المحل 2000 ريال تخصم 8800 ريال = 6800 ريال [mark=#FFFF99]شرط يعمل بالمحل أنت شخصيا [/mark] [mark=#663399]أوقات العمل [/mark]من 7 صباحا إلى 3 ظهرا بنهاية عمل الجوزات يمكن [mark=#FFFF00]إضافة[/mark] تسديد فواتير الكهرباء للمحلات التجارية أو المنازل يمكن إضافة معقب لديك ولكن يحتاج رخصة مكتب خدمات عامة ولكن بالمستقبل السؤال [mark=#663399]هل يوجد بالبلدية نشاط اسمه تسديد الرسوم الحكومية [/mark] [mark=#CC0033]ملاحظة :[/mark] كل ماكان راس المال المودع بالبنك أكبر كل مازاد ربحك اليومي [mark=#6633CC] الدعوة للنقاش يا أخوان [/mark] لا تنسوني من صالح الدعاء |
هذه المكااتب موجوده وانا اخوووك .. بس طيب منك انك وضحت الفكره بصورة راائعه ومبسطه
لكن لي مده افكر بمكتب لتحصيل الديون ومتاابعه الاقساااط وغيره تحت هذا النشااط واضم صوتي لصوت اخووي للدعوة للنقاااش .. جزااكم الله ضعف ما تتمنوا |
وعليكم السلام ورحمة الله وبركاته
الكلام سهل ونا خوك بس الفعل... بعدين المكتب اجاره شهري مو سنوي معروف الاماكن اللي تكون قريبه من الدواير الحكوميه اجارها مره مرتفع دعوه للتفكير ونحسبها صح اما من ناحية البلديه ماعتقد |
يا كثرها عند إدارات المرور والجوازات
والسداد متوفر عن طريق بنك الرياض أو الراجحي فقط على حد علمي وهو مشروع جيد |
فكرة حلووة وراس المال قليل
بالتوفيق يالغالي |
اقتباس:
بالنسبة لمكاتب تحصيل الديون لا اعلم عنه شيء وممكن الاخوان يفيدوك بهذا المجال ولكن رائي الشخصي بان يكون لديك معارف بالمحكمة الشرعية والحقوق المدنية وانت ادرى بمدة المعاملات الرسمية لديهم اليوم بسنة ولكن نظرا لاتعابك هل تاخذ مبلغ معين او نسبة من المديونية أشكرك اخي الكريم على ردك اقتباس:
والله يا اخي طرحت موضوع عن مكتب خدمات عامة أحد الأخوان ارسل لي رسالة خاصة بأنه فتح المكتب بعد ماقرأ موضوعي ودخله باليوم 500 ريال أنا طرحت الموضوع واول مابدأت قلت يمكن احد الاعضاء يعجبه الفكرة ويطبق تلاحظ بأن أكثر المكاتب الخدمات العامة والعقارية الي ماسكينه أجانب وانا اتكلم من سابق تجربة مشكور على مداخلتك اقتباس:
صحيح بان المكاتب التسديد متوفرة ولكن بعض المناطق لا يوجد به مكاتب واكبر دليل منطقتي وفقك الله أستاذي محمد على مداخلتك اقتباس:
أسعدني مرورك اللطيف بمتصفحي [mark=#660066] أشكركم يا أخوان على مروركم وننتظر مزيد من المداخلات [/mark] |
مشكور اخي على طرحك للمشروع
وتقبل تحياتي السلاطين |
طيب ياخوي الآن التسديد اللي اعرفه لازم يكون باسم الشخص نفسه ومن حسابه الشخصي ماهو من حساب شخص ثاني فقبل فترة جيت مكتب العمل وقالي الموظف لازم يكون السداد باسمك ما هو شخص ثاني يسدد عنك
|
انا بعيدة كل البعد عن هذا المجال مع انه المفروض اعرف كوني امرأه لا تستطيع دخول الدوائر الجكومية براحتها فياليت تفيدوني بطبيعة عمل مكتب خدمات عامة وايش ممكن يقدم لي وايش حدود اّلأسعار يعني مرة كلمت مكتب اخلص لي تراخيص وبلدية بـ 35الف ريال وانا اشوفه المبلغ كبير ومدري كيف يتم التعامل معه يعني في اتفاق بالوقت و طريقة تسديد المبلغ مثلاً يعني ما يخلص الشغلة بعد 10سنين ويطالب بحقة والا يرج راسي كل الشوي خلاص من اسلمه الموضوع ما اشوفه الا سواه ويستلم فلوسة
وشكرا على هذا الموضوع المهم |
توفق البلديه بس قول لهم مركز خدمات .. واكتب بعدين بالوحه تسديد - مراجعه الدوائر الحكوميه .. وكذا .. انا فهمت كل شي منك بس هذا مافهمتها .. ليه يجونك يسددون ؟ اقتباس:
آآآآآآآآآآآآآآآآآآآآآآآآآآآآآوف ايش هذا ... منجدك تهرجين وتسووقيها علينا ... 35 الف وين عايشين احنا.. يطلع لك التراخيص ومراجعه الدوائر الحكوميه .. مايتعدى 500 ريال .. او انك طالبه من شي ثاني بس وش هالشي ابو 35 الف .. لالالا مررره كبير المبلغ انا اعرف حقة الاستخراج وكذا الي هوا التعقيب .. يسوي كل شي لك وانتي ببيتك برسوم بس اما 35 مره صعبه :d مجد العلاا وضحي لي وش طلبتي منه بالتمام انتي ... وبساعدك فيها .. |
| الساعة الآن 01:49 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين