جاتني وظيفة في طيران ناس .. ليتكم تساعدوني ضروري ..
السلام عليكم ورحمة الله وبركاته
اخواني جاتني وظيفة في شركة طيران ناس القابضة - ناس تك .. وما أدري وش نظام هالشركة .. هل تنصحوني فيها , او لا .. لأني سمعت ان فيها اختلاط واغلب موظفينها اجانب بريطانيين وامريكان وغيرهم .. بصراحة معي ادارة مواد دبلوم .. وقالولي الوظيفة في ناس تك .. وما ادري وش ناس تك ذي .. وهل ظنكم انها في المشتريات او المستودعات ؟ وما ادري هل الدوام يكون في الادارة حقتهم .. أو في المطار ولا وين بالضبط .. بصراحة انا رجال ما احب الاختلاط ولا ودي اكسب ذنوب كل يوم .. ف وش رايكم والله محتار فيها وفي وظيفة ثانية في كلية المعرفة .. وقلت في نفسي ماخاب من استشار واستخار .. وش تقولون يا اخوان .. ضروري لأن عندي مقابلة السبت مع واحد بريطاني يقول انه المدير العام حقهم .. وترى والله ان الانجليزي الله بالحيل .. فياريت اللي قد سوا مقابلة معهم يرد علي او اللي عنده معلومات لا يبخل علي شاكر لكم -- |
ما عندي معلومآآآآآآآت عنها وان شاء الله
يـجي آآآحد يفيدك وبالتوفيق |
يعني شلون يبونك تشتغلين عندهم بالغصب؟
|
اقتباس:
وحبيت أستفسر عنهم .. مثل ما هو موضح فوق فاللي عنده معلومات لا يبخل علي وعلى غيري -- |
انت رجل ملتزم والنعم فيك
هم ما قالوا تعال نعرض عليك بنات وحتى لو حصل وصار فيه اختلاط دامك هنا بالسعودية يعني ما بتشوف الا وحده ساتره جسمها توكل على الله ورح المقابلة لا تفوتك المقابلة بتعطيك خبره في المقابلات الشخصية واسئلتها وان جات الوظيفة كان بها ما جات خيره من الله وبتحصل افضل منها ان شاء الله |
حبيبي دامك رجال وملتزم .. رووح
محد بيقدر يقولوك شي .. وحتى لو فية بنات حاول تتجنبهم وبحدود العمل لكن لو بنت نقدر نقول لها لا .. لكن دامك رجال عقلك براسك وتقدر تحكم نفسك |
من ناحية المقابلات جاتني وظائف كثيرة منها حكومية على بنود ومنها في شركات كبيرة وجامعات وقابلت ناس كثير منهم مدراء وأصحاب شركات ومسئولين كبار ..
وانتو دققتو على الاختلاط ونسيتو الباقي ,, انا اسأل عن الشركة تفسها - طيران ناس - هل هي جيده مش جيدة وأيش مميزاتها ونظام العمل عندهم .. ووش هي - ناس تك - هذي لأن الوظيفة راح تكون فيها وأنا ما أدري هذي وين في الطائرة مثلا او في المطار او في الصيانة ولا وين بالضبط .. ومن ناحية الاختلاط اذا فيه الله يعوضني خير منها والحمدلله الرزق على الله .. وبنفس الوقت في يدي وظيفة ثانية في كلية المعرفة .. فأنا محتار بين هالثنتين ووش الافضل بينهم فاللي عنده معلومات عن شركة ناس للطيران لا يبخل علي ويفيدني وشاكر لكم .. |
لو سمحت يا بندر كيف قدمت على شركة ناس ؟؟
لاني انا مرحل جوي وابغى اقدم ومني عارف اوصل للادارة رحت لمكتبهم وماخلوني اطلع للادارة ياريت اذا تقدر تعطيني ايملهم ارسلهم السي في وشكرا |
اخوي بندر أنا ماراح أتكلم من ناحية الاختلاط
بصراحة شركة قوية ولها مميزات مريحه ورأتبها حلو على الادارة بشارع التحلية وفيها اختلاط ولكن صلي صلاة الاستخارة واستشار أصحابك ومن يعز عليك واللي ترتاح له توكل على ربك بالتوفيق |
اقتباس:
أخوي مرحل جوي , لك رسالة على الخاص .. موفق -- أخوي زلزال جزاك الله كل خير على ردك وانا جالس ابحث الآن في قوقل وأقرأ اكثر عن الشركة .. وإن شاء الله خير .. |
الساعة الآن 03:25 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين