حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   إستفسارات ونتائج الوظائف العسكرية (https://www.btalah.com/f42.html)
-   -   مابين امن المنشئات وحرس الحدود هذي حالتي [ حق وحقيقه ] (https://www.btalah.com/t333039.html)

امن المنشأآت 10-07-2011 02:53 PM

مابين امن المنشئات وحرس الحدود هذي حالتي [ حق وحقيقه ]
 
السلام عليكم ورحمة الله وبركاته

مساء اللا استقراريه ..

مساءُ الفوضويه

مساء .. اللا منهجيه

قد يستغرب البعض بدايتي ب المقدمه

لكن .. الجواب ب الموضوع

قبل ما اخوض في موضوعي

هذي نبذه عن دورتنا

تاريخ دخول الدوره : السبت 9 / 10 / 1432

التخرج / غير معروف

القطاع / غير معروف ايضاً

يقال انه امن المنشئات .. والواقع يقول انه : حرس الحدود

اي اهمال واجهناه في دورتنا .. اي فوضويه تدربنا عليها !

عادة الشخص .. له مستقبل معين .. وله وجهه معينه

قد يختار قطاع عسكري مثلاً .. والغرض والنيه واحده

خدمه الله ودينه .. ثم المليك والوطن

مجررد مايدخل الدوره .. اقل شي يعرف متى راح يتخرج

اقل شي يعرف وش مجال تخصصه ..

لكن ماكان بالحسبان اننا راح نواجه مشكله كبيره وهي : الفوضويه وعدم الاستقرار

قائد قوات امن المنشئات .. بارك الله فيك على جهودك

الطلبة دورة امن المنشئات في مركز تدريب حرس الحدود بمدينتي الدمام والوجه

واجهو مشاكل كثيره .. سواءا مع المركز نفسه ولا مع قيادتك

ياسعادة اللواء .. كلنا هدفنا خدمه الله وثم الوطن .. في افضل قطاع

افضل قطاع اخترناه وقدمنا عليه .. رغبه فيه ولاننا عارفين انه مهم في حراسة منشئات الدوله

تركنا اغلب الوظائف .. من اجل امن المنشئات

صدمنا مرارا وتكرارا .. بالاوضاع في الدورات المتتاليه

ليتها تخص قطاعنا ..

صدمنا .. باننا لانعرف اللي لنا و اللي علينا

صدمنا .. بطريقة تعامل مركز التدريب بحرس الحدود لنا

يكفي انهم قالو لنا .. ان دورتكم مضحكه .. بالعاميه : طقطقه

يكفي كل ماسالنا احد افرادها سواءا ضابط ولا فرد .. كان الرد : ماندري عنكم

اسالو قيادتكم .. قيادتكم ساحبين عليكم .. وش دخلنا فيكم .. الخ

ويا قلب لاتحـزن

مدري اوجه الموضوع والخطاب هذا الى قيادة امن المنشئات ولا لعموم المتصفحين

خلوها للكل احسن .. اصابت ولا ما اصابت .. هي مشاعر وبكتبها

المهم

لن اتحدث عن كل شي دار في الدورات المتتاليه لنا

بذكر بعضها

ياسعادة اللواء .. تخرجنا في يوم 15 / 5

وكانت مسمى الدوره : امن حدود

اتمنى القى جواب لي ولزملائي

امن حدود .. على اي اساس ندرسه !؟

القطاع امن منشئات .. وامن الحدود لقطاع حرس الحدود

دورة امن حدود اخذت 3 شهور .. مدري وش الغرض منها !؟

امر مضحك .. تدرس مواد / قص اثر - ميكانيكا - كهرباء

ويقولون لك تخصصك : بحري

بحر وقص اثر .. !؟؟؟؟ الف علامة استفهام ورى الفوضى هذي

ياسعادة اللواء .. تخرجنا كان يوافق يوم الاثنين

تتوقع اننا فرحنا بالتخرج !؟

وقلنا لبعض : مبروك

تخرج بدون طعم ..

كلنا نسال بعضنا .. وش باقي لنا !؟

رجعنا السبت التالي .. بعد اجازه 5 ايام فقط

وحدث ولا حرج

دخلنا تخصص اخر اسمه : فني دوريات امن منشئات بحريه

طيب يا سعادة اللواء ..

هل تعلم ان اغلب الطلاب فصلو وتركو مستقبلهم بعد قرار مفاجئ بان التخصص : بحري

هل تعلم يا سعادة اللواء .. ان بهذه الطريقة .. قد ظلمت عاطلين كثير .. كانو يتمنون تخصص بحري

لماذا لم نخبر .. بهذه التخصص !؟

كلن وله رغبته .. تختلف رغباتنا .. والهدف واحد : الله ثم الوطن .. وحنا في الخدمه

اهمال - فوضى - هذي هي شعار دورتنا

كل الي استفدنا منه .. انه زرع فينا حب الوطن وعلوم عسكريه

ياسعادة اللواء : سعد الماجد

خلصنا الدوره الثانيه / فني دوريات

في يوم الثلاثاء .. 27 /7 .. وبعضهم ماطلع من المركز غير يوم الاربعاء !! بسبب المركز فرض على بعضنا اعادة اختبارات كذا ماده

طيب كذا وش بقى لنا !؟

توقعنا اننا خلاص .. راح نباشر التعيين واجازه 10 ايام .. يستحقها اي طالب عسكري

لكن كالعاده .. لا كلمة مبروك ولا هم يحزنون

قالو لنا : تطبيق يوم السبت 1 / 8 .. و تم توزيعنا على عدة مناطق

بعضنا من سكان الرياض والقصيم .. ولا يملك سياره

قرار تطبيقه في مدينة الخفجي - وسلوى .. والقطيف

والاجازه مافيه .. سوى يومين

انا ماني عارف هي المسافه بين الرياض والخفجي 3 كيلو .. ولا 500 !؟

انا ماني عارف .. هل كل الطلبه عندهم امكانيه للاستقرار والايجار والتنقل بيوم وليله !؟

ترى رواتبنا تنزل بدون بدلات .. 4 الاف .. ماتكفي .. كيف تجبرونا على اشياء صعبه

الان ياسعادة اللواء .. تقدم ب الفصل 2 من الطلبه

اثنين من زملائنا فصلو .. السبب : التعب النفسي وعدم القدره الماديه

وعدم استيعاب مايحدث .. بالدوره .. كل يوم قرار وقرار

لدرجة اننا اجبرنا الان في التطبيق ان نلغي لبس امن المنشئات

وناتي ب لبس حرس الحدود

ونرجع نسال بعضنا .. / تبع اي قطاع مستقبلنا

ياسعادة اللواء

الطلاب في الخفجي يستلمون 31 ساعه ..

في مهمه تبع قطاع حرس الحدود

وبدون راحه

وبعضهم مايملك سياره يتنقل فيها

ياسعادة اللواء .. الوضع لايطاق

الطموح قد يقتل .. وينتهي .. بالاساليب المجهوله

ياسعادة اللواء .. اصبحنا اضحوكه بين المدربين والضبااط

نسالهم .. متى نتخرج / كيف طبيعة عملنا بعدين !

يضحكون علينا بعضهم ويقولون : انتم مدري شتبون هنا والله يعينكم

دورتكم غريبه نادراً ماتصير مثل كذاا

وبعضهم نسالهم ويقولون : عندكم قيادة بالرياض اسالوهم ؟؟

طيب كيف نتواصل معكم .. ؟

ارسلتو لنا كم ضابط بايام الدوره

نساله عن اي شي

يقول لنا .. برد لكم خبر عن تخرجكم وعن تخصصكم !؟؟؟؟؟

اذا القياده وضباطها مايعرفون

من بيعرف ؟؟ ملك من السماء مثلاً !!

الطلاب اللي دخلو الدوره .. امانه بينكم

دربتونا على الانضباط وحب الوطن .. والتحمل والصبر

لكن ذقنا المراره والعناء

ب الامس دخلت على زملائي وكان لبسي امن المنشئات

واليوم دخلت بلبس حرس الحدود ..

واحد من زملائي علق وقال : تلعب على مين .. كل يوم قطاع انت .. ويضحك !!


ياسعادة اللواء والله ان الطالبين اللي فصلو ان السبب الرئيسي يتحمله الاهمال اللي صار منكم

اقل شي تخبرونا عن وضعنا .. كفايه ضغوطات من داخل

كفايه نظرة الناس لنا .. كفاية الاسئله المتكرره علينا / متى تتخرجون - طبيعة عملكم وش !؟

تخيل ياسعادة اللواء نتخرج ولا نقول لبعض : الف مبروك

تخيل ياسعادة اللواء .. ان اكثر كلمه نسمعها بالمركز : مدري

ياحضرة اللواء سعد الماجد ..

البعض منا يبي يطلع قرض زواج وقرض سياره

البعض منا يبي يخطب ويتقدم لاهل اي بنت

لكن كيف يقوم بهذي .. وهو مو عارف متى بيتخرج

وكم راتبه بيكون .. عشان ينسق مع نفسه ويقسم ويضرب و و

الان الضربه القاضيه قد تاتينا

وهي ان التطبيق بدل مايكون 4 اسابيع

راح يكون سنه ..

وياقلب لاتشكي ولاتحزن ..

وياهي صعبه .. اذا تحولنا من قطاع امن المنشئات الى قطاع حرس الحدود

ياهي صعبه .. ان تدخل دوره وفجاه بدون اي سبب تتحول لقطاع ثاني .. اظن ان قهر الرجال صعب !!

ياهي صعبه .. الطموح والهوايه والرغبه .. لقطاع معين .. اذا تبددت وراحت .. اعتبرها : موت بطيء

ياهي صعبه .. انك تحب تخدم وطنك بالمكان اللي تتمنى الوقوف فيه .. وتتفاجى بالاهمال بمسئولينه

ختامااً

هذا الكلام .. عباره عن مشاعرر لـ 700 طالب
من دورتي الدمام والوجه

قلتها نيابة عنهم

قلت القليل .. وتجاهلت الكثير من الامور

لكن لعل القليل .. يفيدنا

وارجع واعيد واسال نفسي السؤال المضحك وبنفس الوقت يقهر :

حنا لمين .. لامن المنشئات ولا لحرس الحدود ؟

عفواً امن المنسيات

لحد يضحك ..

وعلى دروب الخير نلتقي



منقــــــــــــول الموضوع

حياه الصعب 10-07-2011 03:03 PM

شـكرا لك وبارك الله فيك... لك مني أجمل تحية . ....... موضوع جدا رائع

قناص عتيبه 10-07-2011 03:10 PM

حسبي الله ونعم وكيل
وكان الله في عونكم

اما تطيبق سنه وعلى الراتب الاساسي بملت مين هذه

رهوب 10-07-2011 03:10 PM

موفق بإذن الله ... لك مني أجمل تحية . اصبر وانشاء الله مابعد الصبر الا الفرج والله يفرج عليكم مصيبه الي انتو فيها

ويخلف لكم خير منهاا

سكوفيلد الخرج 10-07-2011 03:16 PM

الله يعين
الايام القادمة بتوضح لك كل شيء

يمكن كاميرا خفية لاتستغربون ويعرضونكم في رمضان

للاسف..... عندنا ناس فاشلين ومستلمين مناصب
بس هذا القدر

ابناء الوطن 10-07-2011 03:24 PM

امن المنشات فيه عدم تنظيم مادري ليش

صائد الغزلان 10-07-2011 03:43 PM

ياصااحبي راح الكثيرر ومابقى الا القليل هانت إن شالله تعدي على خير
وغالبا لما تصير مثل هذي الامور في القطاعات العسكريه لكي يختبرونكم ويشوفون مدى تحملكم هل انتم كفووو وقد المسؤليه انا لا انقص من قيمة احد منكم كلكم رجااال ولكن هذا النظام العسكري لمن يريد ان يقدم عليه لابد من الصبر ثم الصبر ثم الصبر وصدقني ياصااااحبي ربك مايضيع تعب احد اصبر وتفرج قريب باذن المولى ومادام انتم مقدمين على امن المنشااءات اكيد هو مستقبلكم وليس حرس الحدود والامور اللي تصدر من ضباط حرس الحدود ليس الا لعب في الاعصاااب فقط لا اكثر اريد ان اقدم لكـ ولزملائك نصيحه اخويه مثل هذه الامور لاتلتفت اليها ودعها خلفكـ تماااما الا ان تنتهي الدوره على خير
هذا وأسأل الله لي ولكم التوفيق
دعواتكم بالقبول النهائي حرس الحدود وكيل رقيب فني صيانه طيران

امن المنشأآت 11-07-2011 01:24 AM

^

ليتها حرب نفسيه

تحملنا الي اقوى منه

لكن ان يتحول قطاعك بيوم وليله .. هذي مصيبه

ان يتم تجاهل وضعك و وضع كل الطلاب بالشكل هذا .. قهر

خفوقي عاف دقاته 11-07-2011 02:17 AM

الله يكون بعونكم هذا تخصص البحري بامن المنشات نفسيه وامن المنشات من الاساس المفروض اسمه امن الملطعات قطاع مخبط للاسف انا الحين انقبلت نهائي والصراحه خوفني كلامك:cالبري يختلف اتوقع بعد التخرج مافي تطبيق تدوام ع طول والله اعلم بالتوفيق والله يصبركم

لقوه العاشره 11-07-2011 02:34 AM

ياخي لو على الدورة الله يعينك تصبر
وبعدين أنت عارف أمن المنشات لسى قطاع جديد لسى ما أسسوا أماكن لدورة
عشان كذا تاخذون دورتكم في مركز تدريب حرس الحدود
و اما عن الملابس شيء جميل أنك كل يوم تلبس ملابس قطاع
حتى المخدرات ترا الحين دورتهم بمركز تدريب حرس الحدود بالرياض ولابسين ملابس حرس الحدود
والسنة إلا راحت أخذوا دورتهم في مركز تدريب حرس الحدود بدمام ولابسين ملابس حرس الحدود
غمض عين فتح عين إلا أنت مخلص الدورة ومرتاح من هذا العذاب والالم إلا أنتم الحين تشتكون منها

ودعواتكم لي بإجتياز الكشف الطبي بحرس الحدود


الساعة الآن 01:23 PM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين