اخوي انا اشتغلت في بنكين البنك الاول مندوب مبيعات عبر الهاتف طبعا كنت اداوم في نفس الاداره وكنا مجموعه مختلفه المهمات موظفين يسوقون القروض وقسم يسوقون بطاقات ائتمانيه والعروض المتعلقه بالبطاقات طبعا مندوب المبيعات في البنك عمله بيع منتجات البنك من قروض وبطاقات ائتمانيه وغيرها من المنتجات ومافيه شي اسمه مندوب مبيعات لفتح حسابات والعمل كمندوب مبيعات غالبا يكون الراتب من 3000 - 3500 ريال بالاضافه الى النسبه حسب شروط البنك ولازم تحقق العدد المطلوب منك وكل العملين الميداني وعبر الهاتف بصراحه متعبه نفسيا لانه كل شهر راح يكون مطلوب منك تحقق العدد المطلوب واذا ما حققته ممكن تتعرض للفصل من العمل وكنا بصراحه نتعرض للسب والشتم وممنوع انك ترد على العمل لو تلفظ عليك او سبك لانه من انظمه البنك ولو رديت على العميل تفصل وكان طول العمل يزيد النفسيه كنا نعمل تقريبا اكثر من 8 ساعات واوقات يزيد مده العمل اذا لم يتم تحقيق العدد المطلوب بإختصار اذا انت تتحمل الضغظ النفسي الله يوفقك .
البنك الثاني كنت اعمل في الهاتف المصرفي ( خدمه عملاء ) وكنت اعمل 9 ساعات يوميا وكان ضغظ نفسي انه وقتك محدد للمكالمه مع العميل وانك لازم تحل مشكله العميل في اسرع وقت ممكن وغيرها من الشروط .
طبعا كلا العملين راح يقوم البنك بتدريبك حسب طريقه البنك وانا عملت في بنكين من اقوى البنوك في السعوديه في الفتره الحاليه من ناحيه العروض التسوقيه والخدمات .
من ناحية الترسيم حسب البنك وشهاداتك وخبراتك واثباتك في العمل لكن حسب خبرتي مندوب المبيعات مافيه اي مجال للترسيم الا في بنك واحد هو بنك ساب ولكن خدمه العملاء ممكن يكون فيه ترسيم في اغلب البنوك واكرر عليك اخوي اهم شي اثباتك للعمل بالاضافه الى نوع مؤهلك لابد يكون متعلق بالبنوك مثل المحاسبه وغيرها ..
وانا الحمد لله الحين تركت العمل في البنوك نهائيا وتوظفت بوظيفه في مجالي تخصصي مع انه معايه شهاده بكالوريوس علمي والعمل في البنوك يبغاله تركيز انسى شي اسمه سهر اذا تبغي تنتج وانا ما امدح نفسي كنت مجتهد في عملي للبنوك واثبت نفسي وتعتب معاهم حتى تم قبول استقالتي لان البنك مايفرط بشخص منتج او منضبظ في عمله لكن الله فنكي من العمل المرهق صراحه والله يوفقك اخوي وهذا من واقع خبره وهو مجرد تجربه طرحتها ممكن تستفيد منها ولا تفهم من كلامي انى اكرهك في العمل في البنوك او اقولك لا تروح بس انا احطك في الصوره اللي شفتها وجربتها اذا انت مو محصل وظيفه جرب يقول المثل ( القله ولا العدم ) يعني لا تجلس عاطل اكسب خبره اقلها
بالنسبه للمقابله اسئله عاديه اهم سؤال ايش تعرف عن البنك ومنتجات البنك وتحصل الاجابه في المواقع حقت البنوك ولك مني اجمل تحيه