بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
الشكر لله اولا وثانياً لكل القائمين على هذا المنتدى الرائع المفرح بصراحة
واحب اشكركم انتم اخواني واخواتي الاعضاء على مشاركاتكم وارائكم الطيبه وجعل ذلك في موازين حسناتكم ....
بصراحة كثير استفدت من المواضيع والمشاريع اللي تطرح وسويت كثير منها شي نجحت فيه وشي ماحالفني الحظ والمشاريع اللي كنت اسويها تكون مشاريع بسيطة وصغيرة جدا
لكن الحمدلله كسبت الثقه في النفس والمبادره ...
انا انسان احب اشتغل بيدي ما احب اتكل على احد شي اقدر اتعلمه اسويه مو عيب ولاحرام والحمدلله هذا الشي جبت من وراه خير وما اهتميت لكلام الناس ...
ندخل في الموضوع الاساسي .... من مده طويله وانا في بالي مشروع معمل صغير للجبس لكن للاسف كل ما اروح المحلات في جده احاول اطلع ولو جزء بسيط من المعلومات العماله الوافده الله المستعان بس ... انا ابغى اشتغل هذي الشغله بيدي انا وابغى اتعلم وما يمنع اجيب عامل يساعدني كل الظروف الحمد لله مهيأه عندي من ناحية راس المال والمكان ... ابغى اتعمق في هذا المشروع واللي عنده اي معلومه لا يبخل علينا من ناحيه الاحتياجات من الجبس والقوالب وخلافه وطريقه عملها ومن وين اجيبها الخ ... وكم تحتاج راس مال تقريبي للبدايه ..
انا قريت موضوع للاخ ( فجأة وجدتها ) وكان موضوع رائع واستفدت منه .. واللي حاب يظيف ويساعدني ويساعد من يفكر بهذا المشروع جزاه الله خير ولايبخل علينا بالمعلومه والنصائح
واسف على الاطاله .... تحياتي لكم جميعاً