عرض مشاركة واحدة
  #3 (permalink)  
قديم 02-05-2013, 05:03 AM
آحسآس آخر آحسآس آخر غير متصل
عضو جديد
 
تاريخ التسجيل: Mar 2013
المشاركات: 15
معدل تقييم المستوى: 23
آحسآس آخر يستحق التميز

بسم الله الرحمن الرحيم

شوف بالنسبة للتخصص تراه قوي وهو يعتبر خط دفاع وهجوم للمؤسسة نفسها لكن للأسف أغلب الشركات عندنا هم الي مهمشين التخصص أو القطاع عندهم وأغلبهم استبدلوه بالتسويق وهذا بالشركات الصغيرة والمتوسطة .

وللأسف أغلب الشركات الي شفتها شركات صغيره أو متوسطه ما عندهم هالقطاع أو يعتبرون أن تخصص العلاقات العامة هي ( المعقب ) للأسف وهذا اعتبره تخلف وقلة في ثقافة العلاقات العامة عندهم .

لكن لو تروح لأمريكا وبعض الدول الأروبيه يعتبرون العلاقات العامة مثل ما قلت خط دفاع وهجوم بنفس الوقت ويهتمون فيه اهتمام كبير جدا جدا هذا كلام أحد الشباب يكمل الماجستير في أمريكا .

طبعا التخصص موجود بكل القطاعات الحكوميه وأغلب القطاعات العسكرية وغير مهمش بالعكس مهتمين فيه .

عندك الشركات الكبيرة أيضا مثل ( الاتصالات السعودية - موبايلي - الجريسي - هرفي ) وغيرها من الشركات الكبيره الي عندها ثقافة بهذا التخصص وأيضا المستشفيات .

طبعا أنا خريج اعلام تخصص العلاقات العامة وتدربت بشركة الاتصالات السعوديه صراحة شركة مهتمه بالتخصص بشكل كبير جدا واستفدت منهم لكن تبي تتوظف بالشركات الكبيرة تحتاج إلى ( واسطه للأسف )

لكن التخصص لازم تهتم فيه وتطور نفسك وتاخذ خبره فيه ويكون عندك اللغة الانجليزية كويسه ولو تاخذ خبره كمتعاون ما يضر .

إذا كنت طالب بجامعة الامام وتقدر تروح للتسويق حول له أفضل إذا كنت ترغب بالقطاع الخاص أما اذا ترغب بالقطاع الخاص والقطاع الحكومي خلك في العلاقات العامة

أتمنى أكون أفدتك حسب خبرتي في التقديمات والبحث عن وظيفة والإطلاع على ثقافة الشركات الصغيرة والمتوسطة والمقابلات معهم .

أخوك عبدالرحمن ،،،،

رد مع اقتباس