بالنسبة لرخصة العمومي الثقيل
رسوم الدراسة بدله 560 ريال عمرك يكون 20 وانت طالع
صورة من بطاقة الاحوال + خمس صور شخصية
طبعا بالاضافه لاوراق الادلة الجنائية وبنك الدم
تروح للمرور للقسم المختص وعلى ماظن شعبة الرخص او ادارة الرخص المهم تطلب ورقة تحويل للأدلة الجنائية عشان يتأكدون أن ما عندك سوابق + نموذج تأخذه معك لبنك الدم وتاخذ الورقة وتروح لقسم الاتصالات الادارية بالمرور على شان يسون تصدير لطلبك
وبعدها تروح للادلة الجنائية يبصمونك وهيك ولاتنسا تاخذ صورة لك بعد وتروح بعدها لبنك الدم ومعك الورقة حقتهم وطبعا بعد ماتخلص من الاوراق ذي تحطهن بملف علاق وتروح للمرور لقسم الرخص وتعطيهم الملف ويختم على الاوراق ويعطيك تحويل لدله وبعدها عاد تروح للدله وتدفع لهم رسوم 560 ريال مدة الدراسة 10 ايام واذا ماكان معك رخصه خفيف ممكن تكون 15 يوم واذا اجتزت اختبار دله ونجحت تروح تسدد عن طريق الصراف 5 سنوات بـ 200 ريال و 10 سنوات بـ 400 ريال وتروح للمرور لقسم الرخص وتسلمهم ملفك وتنتظرهم لين ماينادون باسمك وتاخذ الرخصه
اتمنى اني افدتك
موفق