30-11-2014, 10:56 PM
|
 |
Guest
|
|
تاريخ التسجيل: Dec 2012
المشاركات: 138
معدل تقييم المستوى: 0
|
|
هلا اخوي بما انك تقول اشتغلت بالخضار وغيرها انصح نفسي وأنصحك وأنصح جميع اخواني المواطنين أبناء بلدي لأنهم هم الاولى في خيرات هذا البلد بأن يبدأ الشغل الحر ولايفكر بالوظيفة لأن تسع أعشار الرزق بالتجارة اما الوظيفة ما فيها الا عشر واحد فقط ابدأو الان كل شي فيه رزق وأكثر دخل من الوظيفة مثلا الجوالات اوصيانة الجوالات واكسسوراتها والأجهزة الذكية وبيع الخضار وهذا من وجهة نظري عالم خيالي لانه سهل وما يحتاج راس مال كثير ولاعمال تصدقون ان اللي يشتغل بمحلات الخضرة سواء عنده محل او مبسط تدرون كم يدخلون عشرين الف وثلاثين الف وخمسين الف بالشهر أنا ما أبالغ لكن انزلو السوق وجربو وأكثر اللي يشتغلون بها الشغلة ومسيطرين عليها الأجانب طبعا ويحسدوننا لأنهم ما يبغونا ننتبه ونأخذ منهم الأرزاق ويصير مالهم رزق بيننا عشان كذا لو تسال احدهم يقول مشاكل وتعب وندخل مبلغ كذا وكذا يعطيك مبلغ ضعيف عشان ماتجي مكانه اللي هو مكانك الافتراضي اذا قلنا انك تبي تشتغل كذلك تلقى حسد من السعوديين وصدقوني والكلام للجميع وأخص بالكلام صاحب الموضوع افتح محل خضرة او شف لك مبسط بالمنطقة اللي تسكن فيها وراح تشوف الخير والدخل الشهري اللي مالقاه الوزير براتبه وراح تلقى خير وتسدد ديونك وقبل كل شي اصلح نيتك لان الاعمال بالنيات اذا تبي تعمل اي عمل وأكثروا من الاستغفار والصدقة حتى لو ريال واحد كل يوم وأبشروا بالخير وأسعدكم ووفقكم وإيانا الله بالدنيا والآخرة وآسف للإطالة ما كتبته الا من الحسرة اللي فيني على خيرات بلدي وإخواني وأخواتي اللي ما يدرون ان الخير والفلوس والذهب تحت رجليهم ومايشوفونها .
|
العرض العادي
