تجمع المتقدمات على الوظائف النسائيه " بمكافحة المخدرات "

لصمتي روايه · #1 (**permalink**) 04-01-2014, 01:28 AM

السلام عليكم ورحمة الله وبركاته
كان من البدايه لابد من فتح هذا التجمع للإجابة عن استفسارات اخواتنا المتقدمات
سوف يشمل هذا التجمع عدة أمور:
1) المقابلة الشخصيه واسئلتها ..
2)الكشف الطبي وإجراءاتها
3) الدورة العسكريه التي قد تطرح بعد القبول النهائي

المقابلة الشخصية

بدأت المديريه العامه لمكافحة المخدرات القسم النسائي بإجراء المقابلات بتاريخ1435/2/19 وسيستمر لمدة شهرين
انا من ضمن البنات اللي أجرت المقابله الشخصية وسوف انقل لكم تجربتي ..

بتاريخ 1435/2/20 أجريت المقابله بالقسم النسائي في البدايه اول ماتدخلين تأخذين رقم واستماره
تتكون الاستماره من اربع صفحات تتكون من :
@الصفحة الاولى( الاسم رباعي--السجل المدني-- تاريخ الميلاد-- المؤهل التعليمي -- الحالة الاجتماعية-- الدورات التدريبيه--الدرجات)

@الصفحة الثانيه(جدول يتكون من ثلاث خانات الخانه الاولى اجراءت المقابله وتتكون من الثقة بالنفس والثقافة العامه والثقافة الامنيه وردود الافعال في التكليف .. الخانه الثانيه الدرجات والخانه الثالثة الملاحظات )

@الصفحة الثالثه (إقرار بان وظيفتك راح تكون بالتجنيد+اسمك والتاريخ والتوقيع )

@ الصفحة الرابعة ( إقرار لأولي أمرك بالموافقة هذي الورقة ما تكتبي فيها شي الا اذا انقبلتي بشكل نهائي )

اهم شيييييييي الثقه بالنفس لمن تقابلين وهالشي اأكدت عليه وحده من اعضاء لجنة المقابله

اسئلة المقابله : يسألونك سؤال واحد الى سؤالين بالكثير اغلب البنات كذا والاسئله اللي بتجيك بالمقابله تقريبا ماراح تطلع عن هالثلاث اسأله ليش انا قلت لكم انها ما طلعت عنهم !!؟؟لان لهذا الوقت نفس الاسئله تتكرر وهي :
1/ انواع المخدرات ؟ الهيروين & الحشيش& الكوكائين& الأفيون & حبوب الكبتاجون .....الخ
2/ لو عندك احد من العائلة يتعاطى مخدرات كيف تتعاملين معه ؟ بالنصح والإرشاد ولو مانفع ننقله للمستشفى الخاص بمتعاطين المخدرات
3/ وش العلامات الداله على متعاطي المخدرات ؟ الخمول والقلق واحمرار العين و .... الخ

بصحيح العبارة من تدخلين راح يسولفون معاك لجنة المقابله ويقولون لك كيف طبيعة العمل ويسألونك من الاسئله اللي نزلتها لكم وبس وتنتهي المقابله واهم شي الثقه بالنفس أعيد وأزيد لأنهم يهتمون بهالشي

و يعتبر اجتيازك للمقابلة الشخصية هو بمثابة قطع نصف الطريق للوصول للهدف

والله يوفقنا جميعا ويجعل لنا فيها نصيب ويكتب لنا الخير ويبعدنا عن الشر

نرجووو تثبيت الموضوع

عهود ام عبودي · #2 (**permalink**) 04-01-2014, 01:54 AM

بالتوفيق للجميع

لصمتي روايه · #3 (**permalink**) 04-01-2014, 02:16 AM

خيريه ن اسفه حبيبتي نزلت الموضوع قبل اشوف موضوعك
يالله ياابناات نبي كل وحده سوت المقابله تكتب لنا وش سوت عشاان الكل يستفيد

والله يوفقنااا

لصمتي روايه · #4 (**permalink**) 04-01-2014, 02:29 AM

بعد اذن اخونا القاادم على اقتبااس بعض ردوده ولكن نقلتهاا لاهميتها ولانها توضح طبيعة العمل وراح تسد فجوه من التسائلات ..
وطبعا اخونا القادم قد صرح باانه احدى منسوبي ادارة مكافحة المخدرات بالرياض واراد التعاون ومساعدتنا جزاه الله عنا كل خير

اقتباس:

المشاركة الأصلية كتبت بواسطة القااادم

ياجماعه الخير يجيب تعديل المهنه الى عسكري
والمقابله كلام فاضي يعني مامنها خوف
والرتبه جنود واول مربوط لهم 7300 مع اخذ بالاعتبار انهم باخذون عليكم اقرار بعد المطالبه بالترقيه لمدة ثلاث سنوات .. اجحاف واضح

اما المداهمه فهي فلة هذا القطاع يجي محرمك معاك وبعد ماينتهوا من القضيه يخلونك تحجزي النساء بالغرفه الين ينتهون من التفتيش واحيانا تفتشينهم وممنوع ماتدخلي اي غرفه الا ومحرمك معاك وبعد ماينفضونها العسكر ويتاكدون ان مافيها شيء يعرض حياتك للخطر

واللي تداوم اداريه ههههههه زميله يعني .. تداوم من 8 الى وحده ونصف فقط ..

البنات اللي بالمداهمات فالينها نايمين بالبيت وع الجوال الوقت اللي يطلبونها والدور عليها يعني مستلمه بالجدول ع طول ولي امرها او اي محرم لها يوديها للمكان المطلوب ..

المهم استلامها في بيتها واحيانا تجلس شهر ماتطلع اي مداهمه ويمكن تنسى الدوام ههههههه

اقتباس:

المشاركة الأصلية كتبت بواسطة القااادم

بالنسبه للدوره فهي عاديه شهر وانتي جاهزه ولا يلزمونك باي لبس ولك الحق باجازاتك اللي يسمونها امومه ولك الحق بالانتدابات اذا رغبتي في ذلك

اقتباس:

المشاركة الأصلية كتبت بواسطة القااادم

تصرف لك جميع بدلات العسكر بما فيها بدل التعين ومبلغ 150 ريال عن كل يوم انتداب
وتعديلك السنوي نفسه نفس العسكري العادي

اقتباس:

المشاركة الأصلية كتبت بواسطة القااادم

هذا عاد المكتوب والحامل لايعيقها الكشف الطبي واللي تذوق شغلت المداهمات وراحتها وامانها وفلتها لو يجيبون لها مكتب بالقمر مارح تقبل تترك المداهمات .. واللي اسمها مصطلحياً الميدان

خيريه ن · #5 (**permalink**) 04-01-2014, 02:47 AM

اقتباس:

المشاركة الأصلية كتبت بواسطة لصمتي روايه

خيريه ن اسفه حبيبتي نزلت الموضوع قبل اشوف موضوعك

يالله ياابناات نبي كل وحده سوت المقابله تكتب لنا وش سوت عشاان الكل يستفيد

والله يوفقنااا

لا عادي حبيبتي ماصار الا كل خير
وخلاص نثبت موضوعك
لان تعبنا نطلع من موضوع وندخل موضوع جديد
للرفع والتثبيت
وبتوفيق

حروف الكون · #6 (**permalink**) 04-01-2014, 03:27 AM

جزاك الله خير

تم التثبيت

واغلاق موضوع خيريه ن الله يجزاها خير بعد التفاهم بينكم

وتم وضع رابط موضوعك بالموضوع القديم

يعطيكم العافيه

كوتي · #7 (**permalink**) 04-01-2014, 03:48 AM

حلو وشاكرين تعاون ادارة المنتدى خيريه ولصمتي يعطيكم الف عافيه عاتنظيم التجمع مره اخرى وتمنى نكمل فيه المشوار لنهايه وربنا ينول كل وحدة فينا مبتغهااااا يارب ...