دخول القلوب الرحيمه فقط

[Mohammed1238]

السلام عليكم ورحمة الله وبركاته

أخواني الطيبين أنا ماعرفت وين أكتب موضوعي بكل مكان لازم فيه قوانين بس قلت أبكتبه وأمري الى الله
أنا أنسان مريض من عمري 7 سنوات مرض غريب مالقيت له علاج أراجع بالمصحه النفسه من سنين
والحمد لله على كل حال والله لايوريكم المهم ياحبايبي كبرت وعدت علي الايام والسنين واشوف غيري يتزوج ويخلف مشكلتي اني عاجز كليا عن العمل تعبان ومرضي ملاحقني قلت ابي اتزوج هههه أضحك على نفسي ولا أضحك على حالي
المهم رجل مثل الرجال ابي الستر والحلال رغم اني مريض بس الحمد لله صبرت فكرت مريض يامحمد وتبي اتزوج وماتقدر تتوظف لو وظيفه ساعه لأن مرضي معقد جدا والحمد لله ماعندي اعتراض على حكم الله قلت اروح الجمعيه الخيريه لعل وعسى يساعدون اللي مثلي قالو ماعندنا مساعدات ثابته ومافيه شي الحين مشكلتي تهت وتعبت ومليت وانقهرت بس صابر من جهة صابر أنا صابر وساكت من سنين مو من يوم بس الزواج هذا هو سبب اني كتبت ابي الستر المرضى مالهم حقوق ماله لزمه مالهم فايده المريض يعيش طول حياته وحيد معزول ماله قيمه ولا أحد يعطيه أعتبار قدمت بكل مكان تعبت أتمنى أروح لله كل يوم أغمض عيوني أقول ياليته النهايه أفتح عيوني أرجع للدنيا عشت مجهول وغير مفهوم نفسي مع فلوس علشان ادفع مهر واخلص من الهم هذا كل شي بالفلوس مافيه احد يسهل بالفلوس كل شي نفسي احد يدلني على جهه تعطيني فلوس مهر ويعطوني فلوس شهريا 3000 نعمه امشي نفسي بالحياه لما أموت وأرتاح نفسي احد بدلني على مسؤول طيب رجل يكون طيب ومحترم ويخاف الله

[ايفوني خربان]

وعليكم السلام ورحمة الله وبركاته

دورلك وظيفه عن بعد من خلال المنتدى او
ضيف بتويتر ساره المسيفر
وحقوق المعاق للتوظيف
اعتقد يعتبرونك عن اربع اصحاء مش متاكده تاكد انت

وفي جمعيات خيريه تسوي زواج جماعي
و روح جمعيه الخيريه للاامراض
النفسيه

اهم شي ركز على صحتك ولاتهمل العلاج
واذا قدرت روح لمركز مطمئنه
او تعامل مع اي دكتور سعودي
لان موزين نظرتك للحياة
كذا خليهم يساعدونك وانت ساعد نفسك
واذا المجتمع مثل ماقلت يخلون مريض يعيش معزول وماله قيمه
حنا مفروض ك مرضى نكسر هشي
ونعطي الحياة عشان تعطينا
ورافق الايجابيين ماعليك من اللي يشوف
المريض بهذي نظره مع نفسه


اي مرض لازم انسان يتناساه عشان مايزيد همه هم
وحنا اذا حسنا نظرتنا لاانفسنا هذا المهم وش علينا من الناس
ادري مجتمعنا قاسي ومجربه هشي شخصيا لاني معاقه
انت
لاتفكر فيهم فقط فكر بنفسك ووش تقدر تحسن منها
من كل نواحي
اذا هنا المهر فوق استطاعتك تزوج اجنبيه وشرح لها وضعك
سجل بتاهيل شامل
وضمان يساعد المتزوج

هذا اللي اقدر اقوله
ان شاءالله يجي من يفيدك ويساعدك

[فيصل الخطيب]

الله يشفيك ويفرج همك ويرزقك لاتياس اخي وحاول وادعوا ربك واكثر من الاستغفار

[عدناان]

ايفوني خربان

بيض الله وجهك وماقصرت والله يجزاك خير

[عدناان]

وعليكم السلام ورحمة الله وبركاته

حافز ؟

[صالح المهدي]

المشاركة الأصلية كتبت بواسطة ايفوني خربان

وعليكم السلام ورحمة الله وبركاته

دورلك وظيفه عن بعد من خلال المنتدى او
ضيف بتويتر ساره المسيفر
وحقوق المعاق للتوظيف
اعتقد يعتبرونك عن اربع اصحاء مش متاكده تاكد انت

وفي جمعيات خيريه تسوي زواج جماعي
و روح جمعيه الخيريه للاامراض
النفسيه

اهم شي ركز على صحتك ولاتهمل العلاج
واذا قدرت روح لمركز مطمئنه
او تعامل مع اي دكتور سعودي
لان موزين نظرتك للحياة
كذا خليهم يساعدونك وانت ساعد نفسك
واذا المجتمع مثل ماقلت يخلون مريض يعيش معزول وماله قيمه
حنا مفروض ك مرضى نكسر هشي
ونعطي الحياة عشان تعطينا
ورافق الايجابيين ماعليك من اللي يشوف
المريض بهذي نظره مع نفسه


اي مرض لازم انسان يتناساه عشان مايزيد همه هم
وحنا اذا حسنا نظرتنا لاانفسنا هذا المهم وش علينا من الناس
ادري مجتمعنا قاسي ومجربه هشي شخصيا لاني معاقه
انت
لاتفكر فيهم فقط فكر بنفسك ووش تقدر تحسن منها
من كل نواحي
اذا هنا المهر فوق استطاعتك تزوج اجنبيه وشرح لها وضعك
سجل بتاهيل شامل
وضمان يساعد المتزوج

هذا اللي اقدر اقوله
ان شاءالله يجي من يفيدك ويساعدك

بيض الله وجهك .. كلام يسطر بماء الذهب

الله يشفيك يا محمد ويعافيك ويرزقك ويغنيك عن الناس

[s3eed7007]

كان الله في عونك / اتمنى لو ب يدي شي او عندي معرفة بشي قد يفيدك لكن بقولك مثل ما يقولون لي .. ما تضيق الا و تفرج

[خالدظافر07]

الله يفرج همك ويرزقك من حيث لا تحتسب

[جريح شعور]

لم تترك لنا مجال اخيتي ايفوني خربان

ولك اخي عبرة في اخينا ( عبدالله بانعمة ) و اخينا ( عمار بوقس )

عمر المرض ما كان حاجز إذا كانت هناك إرادة

اسأل الله لك الشفاء العاجل و التوفيق

[جئنا لنشر الخير]

أسأل الله أن يرزقكم من حيث لا تحتسبون