فكره رائعه قريتها اليوم

[عبدالمجيدالفهد]

صباح الخير اليوم السبت 9 جمادى الاولى قرأت فكره واصرار فتاتين في القصيم افتتحو مطعم نسائي لاكن الفكره فيه جميله هس انها تستقبل جميع الفئات رجال ونساء وتوصيل الفكره طبعا سفري مافيه محلي والجديد فيها انه يكون فيه محاسب يستقبل الطلبات ومن ثم يحولها عن طريق الجهاز بالنظام ويبدا القسم النسائي بتجهيز الطلب المطعم يعمل فيه 20 موظفه سعوديه بصراحه الفكره عجبتني جدا وحاب اعملها ايش رأيكم وهل من السهل الحصول علي طباخات بسهوله ولا بتعب مالقيت بأنتظار ردودكم

[عبدالمجيدالفهد]

نسيت اخبركم بأني قرأته بجريده الرياض الصفحه الاخيره

[reeem22]

الفكرة موجديده
في الشرقية فيه مطاعم نسائية

في جدة فيه مشروعين لمطاعم نسائيه تدعمهم ريادة

وفيه طبعا غيرها كثيــــر بس مومشهورة

العدد اللي ذكرته يعتبر كبير 20 موظفة وش مهامهم ؟

اذا بتفتح مطعم الموظفات فيه نساء مابتتعب بالبحث بشرط توفر لهم البيئة المناسبة للعمل بعيد عن الاختلاط, ويكون الدخل ممتاز مناسب لجهدهم وتعبهم, تحاول يكون فيه مكافأت, والدوام مناسب لهم

[محب الخيل]

فعلا ياعبد المجيد انا قرأت الخبر قبل ايام ماشاءالله

الفكرة ممتازة ومربحة جدا بكل تاكيد ان نفذت بجهد

ومتابعة من صاحبات المشروع والاشراف على الموظفات

[عبدالمجيدالفهد]

المطاعم موجوده.مسبقا انا اتكلم عن الطريقه االي قريتها وهي ان هناكفي نفس المطعم مكان لاستقبال الرجال يعني الزبون يروح للمطعم عادي مثل اي مطعم ويطلب وياخذ طلبه هذا الي قصدته

[reeem22]

ايه فهمت القصد ووضحت لك فعلا الفكرة منفذه الا اذا تقصد انهم موفرين جلسات للرجال بالمطعم صح ممكن هذا جديد

اللي اعرفه متوفر مطاعم نسائيه طلبات خارجية والرجال يدخلون و ياخذون طلباتهم ,يطلبون ويستلمون الطلب عن طريق شباك
وفيه مطاعم نسائية تعتمد على التوصيل
وفيه مطاعم جلسات داخلية للنساء والطلبات الخارجية للرجال والنساء
وهذا الأفضل لانه اشمل ويلبي كل الاحتياجات

[خيال المهره]

نعم المطعم هذا موجود بالقصيم ببريده بالتحديد


الطلبات سفري مافيه محلي طبعا

استقبال رجال او نساء عامتن زي اي مطعم عادي

فكرتهم القسم النسايي مغلق تماما عن الرجال بحيث

يوجد اثنين رجال يقبلون الجمهور ويتابعون طلباتهم ويرسلونه للجهاز وتنطبع عندهم ويجهزون الطلبات الموظفات واهو يتواصل معاهم عن طريق التليفون للتشيك علي الطلبات
ومتوفر نقل للتوصيل الموظفات علي حساب المطعم
مشكله المطعم موقعه فقط مهوب هذاك الموقع المميز

والحمدلله طبخهم والله يسوي طبخ اكثر المطاعم

والحمدلله ماتعامل الي مع المطعم هذا

[عبدالمجيدالفهد]

من كلامكم وردودكم راح يكون ناجح في الرياض لان فكرته جديده يكون كله سفري ومايكون فيه جلسات لانساء ولا رجال وبيكون التكلفه قليله

[ايمن المدينه]

فكره جميله جدا

توكل على الله

بالتوفيق لك وللجميع يارب

[عبدالمجيدالفهد]

جزاك الله خير