وظائف أكاديمية بمدينة الملك عبدالعزيز للعلوم والتقنية

[اليزابي]

الله يجزاكم خير فين موقع هذي المدينة ؟ وهل لها فروع ؟

[الغرابة]

توني تواصلت معهم يقولون مشكلة عامة ولا ندري متى تنحل

[رانسسسي]

الي يسال عن انتهاء التقديم قالو مافيه وقت محدد اتوقع قصدهم مفتوح طول الوقت تدخل ع ملفك من وقت للثاني وتحدثه او تضيف الي تبغىوهم بدورهم يتواصلون مع الي تنطبق عليه الشروط
موقعها في الرياض ويمكن يتطلب العمل تكون خارج الرياض ..هذا ردهم للي سالو عن مكانهم

[معماري1991]

يا شباب ويا بنات, هل تواصلوا مع احد منكم ؟ شكلهم مطولين

واذا احد عنده اي معلومة عن الرواتب لا يبخل علينا ؟

[احمد رياضيات]

ارسلو لي رد يوم يوم سألتهم متى يخلص تقديم ومتى تطلع نتايج سؤال من 15 اغسطس له 3 ايام وجاوبو امس الاثنين
هذا جواب
عزيزي المتقدم / عزيزتي المتقدمة
نحيطكم علماً بأنه سيتم البدء بإجراءات الفرز والمفاضلة على الوظائف قريباً، ويمكن الاطلاع على الملف الشخصي المقدّم من قبلكم عبر الرابط التالي:
عرض الملف الشخصي
هذه الرسالة آلية ولا تعني قبولكم على وظيفة معينة. يرجى عدم الرد

[ياكثر الأسامي]

الله يوفقنا وياكم على كل خير

ياشباب عندي استفسار هل مدينه الملك عبدالعزيز يسوون اختبارات للتقديم ولا مجرد مقابله و بعدها توظيف باذن الله عز وجل

وحاب استفسر عن طبيعه العمل يعني الدوام 8 ساعات يوميا وكيف نظام الاجازات وهل تعتبر وظيفة حكومية ام خاصه

والي عنده علم لايبخل علينا وجزاكم الله خير ووفقنا وياكم اجمعين يارب

[التواقة للمعرفة]

المشاركة الأصلية كتبت بواسطة ياكثر الأسامي

الله يوفقنا وياكم على كل خير

ياشباب عندي استفسار هل مدينه الملك عبدالعزيز يسوون اختبارات للتقديم ولا مجرد مقابله و بعدها توظيف باذن الله عز وجل

وحاب استفسر عن طبيعه العمل يعني الدوام 8 ساعات يوميا وكيف نظام الاجازات وهل تعتبر وظيفة حكومية ام خاصه

والي عنده علم لايبخل علينا وجزاكم الله خير ووفقنا وياكم اجمعين يارب

الآن مقابلة فقط بدون اختبارات لأني قرأت في تويتر أنهم تواصلوا مع شخص لإجراء المقابلة

وظيفة حكومية و أعتقد نفس الدوام الحكومي

وفقكم الله