( نقاش حول ) امن السفارات الامن الدبلوماسي تابع للامن العام

[فيصل الجبر]

بسم الله الرحمن الرحيم

السلام عليكم ورحمة الله وبركاتة

اسعد الله مسائكم بكل خير

طبعن كلنا عارفين ان الامن الدبلوماسي فاتح باب التسجيل بدورة الدوره التاهيليه نبي تفاعل مع الموضوع والي عنده اي معلومه
:- بخصوص دورة الامن الدبلوماسي
:- بخصوص مدة الدوره الامن الدبلوماسي
:- بخصوص رواتب الجندي بالامن الدبلوماسي
:- بخصوص نظام الدوام بالامن الدبلوماسي

نبي نفيد بعض ونسفيد

موفقين بإذن الله

لكم مني أجمل تحية

[ايجابي]

خويي جندي بالامن الدبلوماسي

ويستلم 7800 وكسور ياما اقل شوي او اكثر شوي
ودوامه يستلم 6 ساعات ويسلم 24 ساعه
هذا اللي اعرفه والله يوفقنا جميع

[شكابالا الحارثي]

والله ياشباب ودي اعرف كل شي عنها لاني احتمال امشي مع واحد من العيال الاسبوع الجاي واقدم عليهم بس المشكله اني انا قست طولي عند الجهاز الالكتروني الي بالاسواق وطلع طولي 175 وخاف اروح يقولولي انت ناقص طولك والشي الثاني انا سمعت ان المكافاءة وانت بالدوره 7000 هل هاذا الكلام صحيح

ونبي نعرف وش الاوراق الي يطلبونها ولكم مني كل الشكر ....

[حمودي الروقي]

انا قدمت على الامن الدبلوماسي في مدينة التدريب بالرياض طريق خريص مقابله لاكاديمية نايف

الطول المطلوب 175 تجيب معك شهادة وحسن سيره وسلوك وتكون طبق الاصل وصوره بطاقتك الوطنيه
و6 صور مكشوف الراس تحطهم في ملف علاقي اخضر

طبعا انا قدمت في شهر رمضان وعطوني اوراق المستشفى على طول واوراق العمده وطلبوا اجيب برنت من الاحوال
واجيب من البنك طلب تحويل راتب المهم خلصت الاوراق كلها ورحت لهم بعد العيد في موعدي الموهيم

سلمت الاوراق وتأكدوا منها والحمد لله تمام التمام ناداني بأسمي ونادا ثلاثه غيري قال قربوا ونقرب اذاننا منه

قال احنا راح نتصل عليكم خلال شهر اسبوعين اسبوع مادري بالضبط بس راح نتصل عليكم للمقابله الشخصيه

تقابلون قائد القوات

وبـــــــــــــــــــــــٍسسسسسس

والاكيد امن السفارات تابع للامن العام

انا اعرف لي واحد شغال فيه برتبة عريف قلت له كم اول مربوط لجندي بأمن السفارات قال 8000

والله مادري عاد بس الرجال حسب كلامه واعرفه معرفه شخصيه

وطبعا امن السفارات مافيه تعيين الا بجده او الرياض او الشرقيه

ملاحظه / لاتجيهم وانت شعرك طويل لانهم راح يكرشونك يقولون حلق وتعال

حلق راسك على رقم 4 او 2

وبالتوفيق لكممم جميعآ

[شكابالا الحارثي]

المشاركة الأصلية كتبت بواسطة حمودي الروقي

انا قدمت على الامن الدبلوماسي في مدينة التدريب بالرياض طريق خريص مقابله لاكاديمية نايف

الطول المطلوب 175 تجيب معك شهادة وحسن سيره وسلوك وتكون طبق الاصل وصوره بطاقتك الوطنيه
و6 صور مكشوف الراس تحطهم في ملف علاقي اخضر

طبعا انا قدمت في شهر رمضان وعطوني اوراق المستشفى على طول واوراق العمده وطلبوا اجيب برنت من الاحوال
واجيب من البنك طلب تحويل راتب المهم خلصت الاوراق كلها ورحت لهم بعد العيد في موعدي الموهيم

سلمت الاوراق وتأكدوا منها والحمد لله تمام التمام ناداني بأسمي ونادا ثلاثه غيري قال قربوا ونقرب اذاننا منه

قال احنا راح نتصل عليكم خلال شهر اسبوعين اسبوع مادري بالضبط بس راح نتصل عليكم للمقابله الشخصيه

تقابلون قائد القوات

وبـــــــــــــــــــــــٍسسسسسس

والاكيد امن السفارات تابع للامن العام

انا اعرف لي واحد شغال فيه برتبة عريف قلت له كم اول مربوط لجندي بأمن السفارات قال 8000

والله مادري عاد بس الرجال حسب كلامه واعرفه معرفه شخصيه

وطبعا امن السفارات مافيه تعيين الا بجده او الرياض او الشرقيه

ملاحظه / لاتجيهم وانت شعرك طويل لانهم راح يكرشونك يقولون حلق وتعال

حلق راسك على رقم 4 او 2

وبالتوفيق لكممم جميعآ

الله لا يهينك انت يوم قدمت عليهم كان فيه زحمه ولا مافيه زحمه ثانيا انا طولي 175 وزني فوق 95 هل تتوقع تمشي اموري ولا كيف وضعي بالضبط ثالثا انت خلصة اجرائتك بسرعه ولا طولت وهم كيف يتجاوبون معك بسرعه ولا يلطعونك رابعا انا سمعت ان مكافاءتك وانت بدوره 7000 هل هاذا الكلام صحيح وشكرا اخوي

[حمودي الروقي]

المشاركة الأصلية كتبت بواسطة شكابالا الحارثي

الله لا يهينك انت يوم قدمت عليهم كان فيه زحمه ولا مافيه زحمه ثانيا انا طولي 175 وزني فوق 95 هل تتوقع تمشي اموري ولا كيف وضعي بالضبط ثالثا انت خلصة اجرائتك بسرعه ولا طولت وهم كيف يتجاوبون معك بسرعه ولا يلطعونك رابعا انا سمعت ان مكافاءتك وانت بدوره 7000 هل هاذا الكلام صحيح وشكرا اخوي

انا جيتهم كان طولي 176 ووزني 93

بس مايهتمون بشان الوزن يعني الوزن يمشونه بس الطول متشددين فيه

والحمدلله خلصت الاجراءات بسرعه وماكان فيه الا ثلاثه او اثنين غيري يسجلون

لان التسجيل غير معلن عنه ومافي ناس تدري ان فيه تسجيل الا قليل

ثانيآ اللي على القبول والتسجيل رقيب اخلاق وانسان عسسل

اما بالنسبه للمكافئه سمعت والله نفس كلامك تستلم الراتب كله الا 500 ريال حقت الاعاشه

ودوامهم 6 ساعات بـ 24 ساعه وفيه دوام رسمي والخميس والجمعه معك والعطل مثل الاعياد

معك ماتداوم فيها

انا حسب ماسمعت انصحك روح تقدم قبل يكتفوون والقطاع جديد والترقيات فيه ماشيه

وبأمكانك بعد ماتصير رتبتك عريف تروح لسفارات السعوديه في الخارج وتاخذ دبل راتبين

ومحفول مكفول انت واهلك في السعوديه او الخارج

واذا كثروا افراد هذا القطاع ترتاح اكثر من الدوام ورواتبهم احلى من الحلوه وعاليه جدآ

انصحك فيها اذا تبي العيشه مع الرجاجيل

والدعاوي تساهيل حتى الرقيب سألناه قلنا كيف هذا القطاع امن السفارات

( الامن الدبلوماسي ) قال تبون العيشه مع الرجاجيل سجلوا بدون تردد

والخيار لكم ولكن كل الناس اللي في هذا القطاع مرتاحين جدآ جدآ

وانت اسأل اي احد في الامن الدبلوماسي انا سألت مثلك ناس فيه من وجه لوجه

والله مدحوه بشكل ماتتصور شكل مو طبيعي وان شاء الله انا من المقبولين

ودورات هذا القطاع فيه دوره في شهر 12 وفيه دوره في شهر واحد واضن في شهر 3 بعد

وان شاء الله انا من المقبولين

ولا تردد غيرك عاطل اكثر من 4 اسنين مالقا وظيفه

[فيصل الجبر]

للمعلومية فقط يا شباب الي بيروح يقدم يأخذ معه

:- ملف علاقي اخظر
:- صورة من الشهاده مختومه من وزارة التربية والتعليم
:- صورة بطاقة الاحوال
:- صورة من اختبار القياس
:- (4) صور شخضية مكشوفة الراس
:- الطول المطلوب فوق 175
:- الوزن يمشيك الرقيب بس خلك معه اخلاق وسو نفسك مسكين وتمشي امورك تسوي نفسك فاهم تاكل تبن

والله يوفق الجميع

[فيصل الجبر]

رفع للأيفادهـ

[فيصل الجبر]

رفع للأيفادهـ

[شكابالا الحارثي]

المشاركة الأصلية كتبت بواسطة حمودي الروقي

انا جيتهم كان طولي 176 ووزني 93

بس مايهتمون بشان الوزن يعني الوزن يمشونه بس الطول متشددين فيه

والحمدلله خلصت الاجراءات بسرعه وماكان فيه الا ثلاثه او اثنين غيري يسجلون

لان التسجيل غير معلن عنه ومافي ناس تدري ان فيه تسجيل الا قليل

ثانيآ اللي على القبول والتسجيل رقيب اخلاق وانسان عسسل

اما بالنسبه للمكافئه سمعت والله نفس كلامك تستلم الراتب كله الا 500 ريال حقت الاعاشه

ودوامهم 6 ساعات بـ 24 ساعه وفيه دوام رسمي والخميس والجمعه معك والعطل مثل الاعياد

معك ماتداوم فيها

انا حسب ماسمعت انصحك روح تقدم قبل يكتفوون والقطاع جديد والترقيات فيه ماشيه

وبأمكانك بعد ماتصير رتبتك عريف تروح لسفارات السعوديه في الخارج وتاخذ دبل راتبين

ومحفول مكفول انت واهلك في السعوديه او الخارج

واذا كثروا افراد هذا القطاع ترتاح اكثر من الدوام ورواتبهم احلى من الحلوه وعاليه جدآ

انصحك فيها اذا تبي العيشه مع الرجاجيل

والدعاوي تساهيل حتى الرقيب سألناه قلنا كيف هذا القطاع امن السفارات

( الامن الدبلوماسي ) قال تبون العيشه مع الرجاجيل سجلوا بدون تردد

والخيار لكم ولكن كل الناس اللي في هذا القطاع مرتاحين جدآ جدآ

وانت اسأل اي احد في الامن الدبلوماسي انا سألت مثلك ناس فيه من وجه لوجه

والله مدحوه بشكل ماتتصور شكل مو طبيعي وان شاء الله انا من المقبولين

ودورات هذا القطاع فيه دوره في شهر 12 وفيه دوره في شهر واحد واضن في شهر 3 بعد

وان شاء الله انا من المقبولين

ولا تردد غيرك عاطل اكثر من 4 اسنين مالقا وظيفه

الله يبيض وجهك عز الله ماخليت شي وكفيت وفيت بس لو احد يجينى ويقول كم راتب الجندي بالبضط اكون شاكر له ويعطيك العافيه اخوي حمودي الروقي