تأسس الموقع عام 2006
Site was established in 2006


ديوان حلول البطالة

موقعنا والإعلام

حلول البطالة الإمارات

هل أنت مسؤول توظيف ؟

تسجيل الدخول
العودة   حلول البطالة Unemployment Solutions > قسم الوظائف الحكومية > إستفسارات ونتائج الوظائف العسكرية

الملاحظات

تقديم القوات المسلحة - الخدمات الطبية l معلومات + أخبار

إستفسارات ونتائج الوظائف العسكرية

- بسم الله الرحمن الرحيم, والصلاة والسلام على محمد صلى الله عليه وسلم يالربع اللي يقرأ موضوعي يدعي لي بالوظيفة والزواج المهم .. قدمت على القوات...

موضوع مغلق
 
LinkBack أدوات الموضوع انواع عرض الموضوع
  #1 (permalink)  
قديم 15-09-2015, 03:00 AM
عضو نشيط
 
تاريخ التسجيل: Sep 2015
المشاركات: 137
معدل تقييم المستوى: 18
كلنك حيومه يستحق التميز
تقديم القوات المسلحة - الخدمات الطبية l معلومات + أخبار

-






بسم الله الرحمن الرحيم, والصلاة والسلام على محمد صلى الله عليه وسلم
يالربع اللي يقرأ موضوعي يدعي لي بالوظيفة والزواج


المهم .. قدمت على القوات المسلحة - الخدمات الطبية
واللي يعرف عنها أي شيء يفيدنا وفقه الله
من ناحية : الرواتب + الدورة + أماكن التعيين
لا تبخلون علينا بأي معلومة عن هالقطاع المجهول بالنسبة لي






قصتي :
أرسلوا لي رسالة يوم الخميس الساعه 4.49 :
عزيزي المتقدم يرجى الحضور بالزي الرياضي للمقابلة الشخصية يوم الجمعه 27-11-1436 بالإدارة العامة للخدمات الطبية للقوات المسلحة الدائري الشرقي مخرج 11 , الساعه 3 م

و رحت لهم على الموعد و ألقى قدامي تقريبا حول 80 شخص متقدم على الوظيفة
قسمونا 4 طوابير وندخل على واحد جالس على كمبيوتر يسألك : أسمك ؟ وسجلك المدني ؟

بعدين وزعوا علينا ورقتين فيها تسجل بياناتك الشخصية وشهاداتك
طبعا جالسين في صالة تقريبا فيه حول 8 عسكر افراد , و ضابط واحد - رائد
الشهادة لله الجميع كان على خلق و طيبة نفس ..

سألنا عريف : من اللي خايف من طوله يوقف ؟
وقف كم شخص قصيرين بالحيل , قال تطمنوا بأذن الله تعدون

سألنا الرائد : اللي معه ثانوية لحالها يوقف ..
وقفوا 3 بس , قال تعدون ان شاء الله

المهم .. ندخل واحد واحد للمقابلة , ما يطولون, جاء دوري و دخلت
وكيل رقيب و رقيب - سألوني 6 اسئلة :
من وزير الداخلية ؟
من أمير الرياض ؟
من أمير المدينة المنورة ؟
من أمير عسير ؟
كم عدد ركعات صلاة العيد ؟
كم عدد ركعات صلاة الميت ؟

بعدين طلع لي ورقة وقلم قالي أكتب :
القوات المسلحة - الخدمات الطبية, وكتبتها

طلعت من عندهم, قالوا الأختبار الثاني, إختبار كمبيوتر
ما طولت يمكن 5 دقايق جاء دوري ..
قالي أكتب : بسم الله

وهذا كل اللي صار

  #2 (permalink)  
قديم 15-09-2015, 04:32 AM
الصورة الرمزية الفني اسامه
عضو نشيط
 
تاريخ التسجيل: Sep 2014
المشاركات: 195
معدل تقييم المستوى: 20
الفني اسامه يستحق التميز

ماشاء الله متساهلين في القبول معكم الله يوفقك ويزوجك ياصاحب الموضوع
كل الي اعرفه ان عملهم يتعلق بالمستشفيات العسكرية التابعه للجيش وزارة الدفاع
معليش بغيت اسالك كيف الطريقه الي قدمت عليهم فيها ومتى كان التقديم وايش هي شهادتكك

  #3 (permalink)  
قديم 15-09-2015, 08:02 PM
عضو مهم
 
تاريخ التسجيل: May 2011
المشاركات: 276
معدل تقييم المستوى: 275198
بالقرآءن نحيا محترف الإبداعبالقرآءن نحيا محترف الإبداعبالقرآءن نحيا محترف الإبداعبالقرآءن نحيا محترف الإبداعبالقرآءن نحيا محترف الإبداعبالقرآءن نحيا محترف الإبداعبالقرآءن نحيا محترف الإبداعبالقرآءن نحيا محترف الإبداعبالقرآءن نحيا محترف الإبداعبالقرآءن نحيا محترف الإبداعبالقرآءن نحيا محترف الإبداع

الله يوفقك ويرزقك بالزوجه الصالحه والي تتمناه

بسألك هل تقديمك كان ملفات أو تقديم في النت وهل كان معاكم خريجين بكالوريوس تخصصات نظريه


أسأل الله لك التوفيق

  #4 (permalink)  
قديم 15-09-2015, 10:41 PM
عضو نشيط
 
تاريخ التسجيل: Sep 2015
المشاركات: 137
معدل تقييم المستوى: 18
كلنك حيومه يستحق التميز

.




وفقكم الله أثنينكم ياللي رديتوا, ومازلت أبحث عن أي معلومة عن هالقطاع
الفني أسامه : التقديم بالنسبة لي أعطيتهم ملفي قبل أسبوع من المقابلة, شهادتي ثانوية عامة + حاسب 6 أشهر
بالقرآن نحيا : أنا قدمت ملف, غيري ما أدري عنه, أما بالنسبة للشهادات, أقولك تقريبا 80 واحد تقدم على الوظيفة
اللي معهم ثانوية لحالها 4 أشخاص فقط


اسألوا لنا عن هالقطاع وعلمونا ..

  #5 (permalink)  
قديم 15-09-2015, 11:10 PM
عضو مهم
 
تاريخ التسجيل: Jul 2015
المشاركات: 205
معدل تقييم المستوى: 18
نقيب أخصائي يستحق التميز

القطاع حلو جداً ورائع
وانا اعمل فيه حالياً ( مدني )

مدري وش حطوكم مراسلين او كُتاب

اذا كنت مراسل مافيه استلامات
اما الكاتب ياخذ استلامات
طبعاً لا تخلوا من الاوامر العسكرية ومن مستشفى الى مستشفى تختلف الامور

وعصور باليد ولا عشره على الشجره
جاتك وظيفه راتبها حلو وطيب وتوكل على الله

  #6 (permalink)  
قديم 16-09-2015, 01:42 AM
عضو متواصل
 
تاريخ التسجيل: May 2015
المشاركات: 67
معدل تقييم المستوى: 19
عريف صحي بالحرس يستحق التميز

كم يكون راتب اللي معه ثانوي فقط

  #7 (permalink)  
قديم 16-09-2015, 01:42 AM
Guest
 
تاريخ التسجيل: Feb 2011
المشاركات: 2,891
معدل تقييم المستوى: 0
راعي الويله محترف الإبداعراعي الويله محترف الإبداعراعي الويله محترف الإبداعراعي الويله محترف الإبداعراعي الويله محترف الإبداعراعي الويله محترف الإبداعراعي الويله محترف الإبداعراعي الويله محترف الإبداعراعي الويله محترف الإبداعراعي الويله محترف الإبداعراعي الويله محترف الإبداع

ب التوفيق لك اخوي

  #8 (permalink)  
قديم 16-09-2015, 02:20 AM
عضو نشيط
 
تاريخ التسجيل: Sep 2015
المشاركات: 137
معدل تقييم المستوى: 18
كلنك حيومه يستحق التميز

يالنقيب .. رحم الله شيبانك سير علينا ثاني
جاوب على أستفساراتنا .. الله يديم عليك العافية والفرح

الدورة وين ؟ و كم شهر ؟
بالنسبة لتخصص ( الكاتب و المراسل ) هم اللي يختارون ولا أنا أختار ؟
رواتبهم ؟
وش الأفضل الكاتب ولا المراسل ؟
نداوم بمستشفى ؟ بذل ولا ثياب ؟

  #9 (permalink)  
قديم 16-09-2015, 03:19 AM
عضو مهم
 
تاريخ التسجيل: Jul 2015
المشاركات: 205
معدل تقييم المستوى: 18
نقيب أخصائي يستحق التميز

اقتباس:
المشاركة الأصلية كتبت بواسطة عريف صحي بالحرس مشاهدة المشاركة
كم يكون راتب اللي معه ثانوي فقط
الصافي كامل حول 6000 وشوي مدري كم بالضبط
اقتباس:
المشاركة الأصلية كتبت بواسطة كلنك حيومه مشاهدة المشاركة
يالنقيب .. رحم الله شيبانك سير علينا ثاني
جاوب على أستفساراتنا .. الله يديم عليك العافية والفرح

الدورة وين ؟ و كم شهر ؟
بالنسبة لتخصص ( الكاتب و المراسل ) هم اللي يختارون ولا أنا أختار ؟
رواتبهم ؟
وش الأفضل الكاتب ولا المراسل ؟
نداوم بمستشفى ؟ بذل ولا ثياب ؟
ابشر طال عمرك

الدورة تكون في ( الخرج )

الكاتب والمراسل مدري والله كيف طريقتها
بس انت معك حاسب اكيد انك كاتب وكلهم الثنتين حلوين
الرواتب ما اعرف والله كم بالضبط بس حول 6000 وشوي الصافي كله
راح تستلم بدل حاسب حول 900 ريال ، وفيه بدلات كثيره والآن يستلمون بدل ميدان لانهم يعتبرون ميدانيين في حالة تأهب بسبب احداث اليمن

الافضل ، كلها كويسه بس الاغلب يفضل ( كاتب ) عشان جالس على كمبيوتر وعلى مكتب

الكاتب يتسلم ضابط خفر في الطورائ تسجل الحالات الي تجي وتقيدها وترفعها للعمليات ( مره بالشهر او كل شهرين تستلم على حسب العدد المستشفى الي بتكون فيه )
المراسل ابداً ما يستلم

الدوام في اي مكان يتبع الخدمات الطبية
( مستشفى - مركز صحي - ادارة العمليات - مراكز التأهيل )
غالباً في مستشفيات
وفي المستشفى تشتغل في اي قسم من اقسام المستشفى

مدة الدورة ( فرد اساس ) 3 شهور

الدوام : طال عمرك تداوم بالبدلة ( صيفي / شتوي )
الآن يداومون بالمموه ( الديجتال ) لان الوضع في حالة حرب الله ينصرنا باذن الله


اي استفسار انا حاضر ابشروا بالي اعرفه واقدر عليه
المطلوب منكم دعواتكم لي بالقبول ان شاء الله والتيسير في دورة الضباط الجامعيين
  #10 (permalink)  
قديم 16-09-2015, 04:13 AM
الصورة الرمزية الفني اسامه
عضو نشيط
 
تاريخ التسجيل: Sep 2014
المشاركات: 195
معدل تقييم المستوى: 20
الفني اسامه يستحق التميز

اقتباس:
المشاركة الأصلية كتبت بواسطة كلنك حيومه مشاهدة المشاركة
.




وفقكم الله أثنينكم ياللي رديتوا, ومازلت أبحث عن أي معلومة عن هالقطاع
الفني أسامه : التقديم بالنسبة لي أعطيتهم ملفي قبل أسبوع من المقابلة, شهادتي ثانوية عامة + حاسب 6 أشهر
بالقرآن نحيا : أنا قدمت ملف, غيري ما أدري عنه, أما بالنسبة للشهادات, أقولك تقريبا 80 واحد تقدم على الوظيفة
اللي معهم ثانوية لحالها 4 أشخاص فقط


اسألوا لنا عن هالقطاع وعلمونا ..

اسال الله ان يوفقك والله ماعندي معلومات عن هالقطاع فوق معلومات الاخ نقيب اخصائي م قصر الله يبيض وجهه
اخوي حيومه ممكن تذكر لنا عنوان المكان الي قدمت فيه
الله يجزاك خير
واسف ع كثرة الاسئلة
والله يفرحك بتعيينك باقرب وقت ويفرح كل عاطل بالوظيفة الي يتمناها
موضوع مغلق

(( لا تنسى ذكر الله ))


مواضيع ذات صله إستفسارات ونتائج الوظائف العسكرية

مواقع النشر (المفضلة) وتحتوي على WhatsApp لإرسال الموضوع إلى صديقك


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة





الساعة الآن 07:20 PM


Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين