تجمع المقبولين نهائيا لدورة تأهيل الضباط الجامعيين بوزارة الدفاع (دورة 40)

[سليمان نايف]

المشاركة الأصلية كتبت بواسطة يا ربي الجنة

أخوي سليمان نايف

بيض الله وجهك وما قصرت

انا تخصصي علم اجتماع هل في احد توجه القوات البحريه وين راح يكون مقر الدورة

الله يحفظك

كان معنا واحد تخصصه علم اجتماع ،،، طبعا عينوه في الشؤون الدينيه
ومقر الدورة في كلية الملك فهد البحرية بالجبيل
موفق يارب،،،،

[ĢДMΣ Ǿ√ΣЯ]

المشاركة الأصلية كتبت بواسطة سمح الجناب

قيم اوفر الله لا يهينك بعد ال45 نطلع خميس وجمعة طيب يمدينا أرجع للرياض يعني نطلع الاربعاء الظهر والا الصباح والا اي وقت
بصراحة شايل هم اني أجلس هناك 7 شهور متواصلة
مشكووووووووووووووووووووووور

بالنسبة لدورة معهد سلاح المشاة الخروج اقصى شي 2 الظهر
ودائما يكون بعد صلاة الظهر مباشرة
وحسب الانضباط خلال الاسبوع اذا منضبطين والقائد راضي عنكم تطلعو قبل الظهر

والتحضير يكون يوم الجمعة ,, برضو وقت التحضير يكون حسب الانضباط
اذا مافيه انضباط التحضير يكون العصر اذا منضبطين التحضير يكون بعد العشاء

[سليمان نايف]

المشاركة الأصلية كتبت بواسطة لاحياة مع الياس

سليمان نايف كيف دوااامك الحين بعد المباشره هل فيه كرررف وانا تخصصي رياضيات يقولون احتمال يحطوني عندكم فهل اروووح ولا اروووح مدرس لانه جاني التعييين في التدريس ؟؟؟؟؟

والله الدوام صراحة صعب اقولك كرف او لا ،،،، لاننا باشرنا يوم الثلاثاء
يوم الاربعاء اعلنوا مرابطة للعموم ،،، وفي المرابطة يختلف الوضع شوي
لكن بشكل عام جامعي عملك يكون اداري في مكاتب وادارات
يعني الامور طيبة
بالنسبة للبحرية افضل قطاع في وزارة الدفاع من ناحية الاستقرار
مافيه الا ثلاث مناطق ،،،، الاسطول الشرقي ، الاسطول الغربي
و القيادة في الرياض
يعني تجي في مكان احسب عشر سنوات قدام وانت مستقر ومرتاح
بدون مرمطة
الرواتب افضل بعد عندك بدل بحري يجي تقريبا ٦٥٠
وانت تخصصك بيحطونك ان شاء الله معلم يعني ٢٥٪ وانت تضحك

في البحرية لاتفكر في تدريس وخرابيط
راتب ٧٥٠٠ ومبزرة وبدون طموح

وهذا يذكرني بنقطه مهمة الدورات في البحرية
بالهبل يعني تطور نفسك وعقلك
موفق يارب ،،،،

[يا ربي الجنة]

المشاركة الأصلية كتبت بواسطة سليمان نايف

كان معنا واحد تخصصه علم اجتماع ،،، طبعا عينوه في الشؤون الدينيه
ومقر الدورة في كلية الملك فهد البحرية بالجبيل
موفق يارب،،،،

بيض الله وجهك أخوي سليمان نايف

ودي أعرف وش البدلات الي تصرف لكم في البحرية ؟ وبعدين اي واحد علم اجتماع يتوجه للبحريه يكون بالشؤون الدينية ولا مو شـرط

وسامحني سليمان

[سمح الجناب]

سليمان نايف وقيم أوفر مشكووررين
حبيت اسألكم عن أكثر قطاع ياخذون من الجامعيين وكم ياخذون الاستخبارات
وفي نظركم أفضل الجوية أو البحرية
الله لا يهينكم

[سليمان نايف]

المشاركة الأصلية كتبت بواسطة يا ربي الجنة

بيض الله وجهك أخوي سليمان نايف

ودي أعرف وش البدلات الي تصرف لكم في البحرية ؟ وبعدين اي واحد علم اجتماع يتوجه للبحريه يكون بالشؤون الدينية ولا مو شـرط

وسامحني سليمان

وجهك ابيض
طبعا نفس بدلات الدفاع + بدل بحري تقريبا ٦٥٠
والله الغالب يكون توجيهه للشؤون لكن علي حسب احتياجهم

لا عادي يالغالي هذا واجب علينا ،، والله يوفقك يارب

[سليمان نايف]

المشاركة الأصلية كتبت بواسطة سمح الجناب

سليمان نايف وقيم أوفر مشكووررين
حبيت اسألكم عن أكثر قطاع ياخذون من الجامعيين وكم ياخذون الاستخبارات
وفي نظركم أفضل الجوية أو البحرية
الله لا يهينكم

كل سنة يكون اكثر عدد في معهد المشاة
ويقدر يجاوبك اخونا قيم بالعدد

بالنسبة لي الي يبحث عن الاستقرار البحرية افضل
وانا ابحث عن الاستقرار

[لاحياة مع الياس]

سليمان مشكووور على الررد لكن حبيت اسالك البحريه والجويه وش القطاعات الي فيهااا تعليم الي ممكن يحطووني يعني الشرقيه عرفناها وش غيرهااا من المناطق الي فيهااا جناح تعليم ؟؟؟؟

[سليمان نايف]

المشاركة الأصلية كتبت بواسطة لاحياة مع الياس

سليمان مشكووور على الررد لكن حبيت اسالك البحريه والجويه وش القطاعات الي فيهااا تعليم الي ممكن يحطووني يعني الشرقيه عرفناها وش غيرهااا من المناطق الي فيهااا جناح تعليم ؟؟؟؟

الجوية ماعندي فكرة صراحه
لكن البحرية عندك بالاسطول الشرقي ( الكلية ،معهد الدراسات ، مدارس البحرية بالجبيل ، مدرسة المشاة )
الاسطول الغربي عندك ( مركز التدريب، مدارس البحرية بجدة )

[حواسبي]

أخوي سليمان الله يوفقك
سوال
الاحتياط متى يتم استدعاءهم وكيف أعرف اني احتياط وكم السنه الي راحت أخذوا؟
الله يجزاك الجنه ويوفقك الجميع ويجعلنا من عتقاء النار في هذا الشهر