لمتى نشوف هالظلم ونسكت

[تغيير 2050]

المشاركة الأصلية كتبت بواسطة بنتن لقحطان

هم كذا
يبون يستغفلوننا
ويبون يلعبون ويخفون النسب والنقاط وكل شي يطلع بيدهم بيخفونه
لحين مايتم تعين من يبون وفي الاماكن اللي يبونها
وبعدها يفتحون لك المجال بس بعد وش
بعد مايكون لك ولا شي
وان كان لك شي
فهو بعيييد ، والف نقطة اعتراض واسباب

خلها ع ربك
رب العالمين عالم ،،

وفيتامين واو ، لابد منه

من جد قمه الاستغفال مدري ليه من بعد الوزير الجديد صار كذا مدري هو له علاقه او لا
لكن الوضع فيه ان كونهم يخفون كللل شي بدون مبالغه ويخلونك مبهم حتى اللي تعينوا مايدرون وين معينين لهدرجه وصل فيهم الاستغفال بخليها على ربي بس ماني ساكت واقول خلاص اللي صار صار ابطامر وراهم مع اني عارف وين بوصل له لكن مايمنع احاول لعل في الامر خيره

[تغيير 2050]

المشاركة الأصلية كتبت بواسطة حديث شيء ما

كل ما تأملنا في الوزير الجديد خير، للأسف تطلعاتنا وآمالنا تخيب..!!

لابد من التحرك، ولكن يجب أن تكون العملية منظمة، عن طريق تويتر أو أي وسيلة من وسائل
التواصل الإجتماعي أو حتى لو التففنا وذهبنا إلى الرياض بعد الترتيب المسبق..!!


لابد من وقفه صادقة...

كل الود،،

للاسف الظلم بالوظائف الادرارية واضح
واذا على التحرك ماعندك احد الاغلبيه ساكت وحاط رجل على رجل ويبي الشي يجيه بسهوله وتروح السنين وهو ينتظر

[تغيير 2050]

المشاركة الأصلية كتبت بواسطة الطريق الصعب

باقي وظائف تبي تتطرحها بالايام القادمه

ان شاءالله تكون معهم

يارجال مانقبلنا العام بالثلاث الافا وحذفوا منها 200 وظيفه راحت الظاهر من تحت الطاولات مع ان الفرق بالنقاط بكم وظيفه اقل من ربع نقطه يعني فرق كسور بس وكنت محدد 50 رغبه انقبل بالسبعميه وستين اللي لعبوا علينا فيه
واللحين حطيت 99 رغبه من الشمال للشرق ماخليت منطقه ماحطيتها ولاجاء شي يعني معقوله امتلت ؟ يارجال سلللك لهم يحسبون الناس اغبياء

[عاطل من فترة]

للاسف يوم طالعين لنا بقياس و بختبار معرفي كانك ما درست لاجل ان يتم اختبارك مره اخره ويوم الوظيفه تتطلب مقابله طيب وبعدين
الشكوى لرب العباد

[حور الجميلة]

والله كلامكم صحيح لابد نتحرك ونتفق ..
الله يعطيكم العافيه
إلى متى نسكت على هذا الظلم
لازم نطالب بمعرفة نقاط اللي ترشحو وماهي مناطقهم..


حسبي الله ونعم الوكيل

[حور الجميلة]

المشاركة الأصلية كتبت بواسطة تغيير 2050

استغفال عيني عينك ولادروا عنك ولا عن رغباتك ولادروا عن اختبارك اصلا والا كان نزلوا الدرجات ونزلوا المتوظفين اللي انقبلوا وخلوك تشوف الفرق بينك وبين درجاتهم

كلامك واضح وصريح وصادق100% وودي الصراحه نتفق ونكون يد وحده لابد نعرف نقاط اللي ترشحو قبل ماتتم المطابقة النهائية. .إلى متى يستغلونا واحنا ساكتين وراضين

[لهفة مغرم]

السلام عليكم
يعطيك العافية على طرحك
لكن أخوي نبغى طريقة نوصل صوتنا للملك فيها
ومتأملين خير في قائد مسيرتنا
مثلاً نراسله في تويتر
وفي انتظار تفاعلكم

تقبل مروري وخالص تحياتي

[خالد1]

أختبار تقيم أثر في نقاطك مثلاً كانت نقاطك في تقديم شهر 11 للوظائف الأداريه 80 و لكن التقديم في شهر 5 نزلت لـ 73 بسبب أضافة تقييم في النقاط لأن حسبتهم كذا :

40 للشهاده
40 لتقيم
20 للأقدميه