استفسار طارئ جدااااااا

[وظيفةفارس]

السلام عليكم ياخوان جاني قبول مبدئي بالحرس واستانست وكل شي والا يكلمني خويي يقولي اذا كان ابو امك مب سعودي مايقبلوك مع العلم ان امي سعودية بس ابوها لا اللي هو جدي من جهة امي والشي الثاني انا بيني وبين ابوي مشاكل هل راح يطلبون اوراق ماقدر اجيبها الا من ابوي ؟

طمنوني بالله

[ياحظي الشين قم]

لا مابيطلبونك الا صورة لاثباته وبخصوص امك الله يخليها لك
دفتر التعيين مايطلب بيانات امك ابدا بس انت رح
بخطاب الاحوال هو الي بيعلمك انت بتمشي والا لا
لان الخطاب الي موجه للاحوال يسألون انك سعودي اصل مو تجنس
مايسألون عن الام انت رح والله يوفقك ولاتنساني من دعائك

[علي الفهيدي]

مافية توفيق الا برضاء الوالدين

[مخااوي االذيب]

يطلبون كرت العايله و بطاقة أبوك

و ترا الله ماهو بموفقك إذا أبوك زعلان عليك و مهما كبرت المشاكل بينك و بينه ما يجوز تقاطعه و تهجره
حتی لو أبوك يخطي عليك لا ترد عليه و لا بنظره قل له أمرك و أبشر

أنت بتدخل العسكرية بيجونك المدربين السلاتيح و بيهينك و بيتكلام عليك و بيزحفك علی وجهك بالميدان و بتقول غصب عنك أمرك و عينك بالأرض ، إلي بيخليك تقول لهسلتوح المدرب أمرك و أبشر بخليك تقدر تقول لبوك أمرك
المدرب من يوم تدخل الدوره إلين تتخرج هو يهينك و يلعن خيرك ببتحمله
و أبوك إلي رباك و صرف و سهر عليك ما تقدر تتحمله و تحسن إليه ؟؟!!

ترا ابراهيم عليه السلام أبوه هجره و حاربه و حاول يخرجه من دينه و الله سبحانه أمره بالاحسان إليه

الله يهديكم و ألف بينكم

[لا اله الا ربي]

وبالوالدين إحسانا

لا تخسر دنتيك وآخرتك لاحق ع الوظيفه

الله يوفقك