وظيفه عن بعد

[البتول الحربي]

السلام عليكم ورحمة الله وبركاته

صباح الخير على الجميع

محتاجه وظيفه عن بعد اللي يقدر يخدمني أكون شاكره له

طبعا لانه فقدت الأمل بالوظيفة الحكومي ولقلة الفرص الوظيفه بالقطاع الخاص بالمحافظه اللي ساكنه فيها
قدمت على وظائف موبايلي والعثيم عن بعد وماجاني رد أتمنى اي احد يستطيع ألمساعده مايبخل يعلم الله أني في أمس الحاجه لها



طبعا كتبت قبل فتره نفس الموضوع وعرض على احد الأعضاء يجزاه الخير

تسويق لمنتج جديد بالسوق لكن فشلت بمجال التسويق وبعد ثلاث شهور من مده العمل مااقدرت اجيب ولا زبون واعتذرت منه
عملت مع تاجره مسوقه وكمان فشلت
عرفت أني مانفع أكون مسوقه

حاولت ابحث عن مشروع بدون راس مال

اول شي جاء بخاطري الاكل لكن للأسف ماعندي موهبة الطبخ


حابه أسوي مشروع تكون فكرة جديده بدون راس مال وومن البيت


اتمنى تساعدوني والله يجزيكم الخير

[مسترشنب]

تصميم - سوي حساب أنستا يملك فكرة حلوة وأشتهري لما توصلين ل50 ألف بيعي إعلانات وكل ما كان الحساب تخصصي يكون أحسن مثلا حساب يخص مدينتك

[حلم حياتي اتوظف]

الانترنت لوحده عبارة عن بحر من المشاريع عن بعد ..

نصيحتي لكي ان تبحثي عن مواقع البيع والشراء في الانترنت ..

وتعملين دراسة بنفسك تحصرين فيها اكثر المنتجات بيعاُ وطلبا وتكون دايم تخلص كميتها ..

بعدين تبحثين عن مصدر الجملة لهذه المنتجات وتقارنين بين سعر الجملة واقل سعر موجود يبيع بالحبة ..

اشتري كمية على قد فلوسك وابدأي بيعها بسعر مقارب لأقل سعر موجود طبعا اكيد الربح موجود ..

شوي شوي تخلص الكمية الي عندك وتشترين كمية وهنا نقطة مهمه جدا الارباح لا تسحبينها الان ..

كل الارباح تعود لتزيد راس المال حتى تستطيعي على الاقل شراء 100 قطعة .. فربحها يكفي ليكون دخل جيد وثابت كل شهر ممكن 2000-3000 ريال من الـ 100 قطعة .. هذا اذا كان ربحك 20-30 ريال فقط على القطعه

ستكتشفين ان هناك منتجات الربح فيها يصل الى 50 ومنها 100 ريال فالسوق كبير والمنتجات كثيرة ..

كل هذا ممكن اذا وفرتي راس مال بسيط 1000 ريال - 3000 ريال كافيه جدا في هكذا مشاريع

اعود لأذكر بأهمية النقطة التي تتحدث عن عدم سحب الارباح الا بعد التمكن من شراء 100 قطعه عندها اجني الارباح كما تشائين ..

لا يهم المنتج ولا يهم نوعه ولا يهم شكله ولا يهم من اين المهم عليه طلب والطلب الي عليه مستمر ..

[فاعل خير8]

من اي منطقة ؟

[البتول الحربي]

انا من الشمال

طيب كيف اجمع متابعين متفاعلين

وبالنسبه التجاره فكره جميله لكن ابي شي معين أتخصص فيه لكن محتاجه أفكار

[معين]

تفهمين في الخياطة عندك خبرة ممارسة في الخياطة

تستطيعين تفتحي مشغل خياطة في جزء من البيت

[معهد رياده]

والله جاني احد الاصاحب ولا تربطني معه اي علاقه لاكن كنا نسولف عن التجاره ومع السواليف عرض علي اني ادفع له 3000 ريال ويشتري بضاعه وهو يسوقها بطريقته الخاصه فسئلته قلت كم يمكن بضاعه قيمتها3000 ريال تطلع ربح ؟؟ قال بين 15000 الى 20000 الف وسئلته كم لك بالمجال قال تقريبا سنه لاكن حصلت له ضروف وابتعد عنها


طبعا التسويق سهل البضاعه راح تكون بالبيت وتفتحين حساب بالاستقرام وموقع حراج وصل الله وبارك وهي مناسبه للي يبون تجاره مبدئيه

وفقك الله

[البتول الحربي]

المشاركة الأصلية كتبت بواسطة معهد رياده

والله جاني احد الاصاحب ولا تربطني معه اي علاقه لاكن كنا نسولف عن التجاره ومع السواليف عرض علي اني ادفع له 3000 ريال ويشتري بضاعه وهو يسوقها بطريقته الخاصه فسئلته قلت كم يمكن بضاعه قيمتها3000 ريال تطلع ربح ؟؟ قال بين 15000 الى 20000 الف وسئلته كم لك بالمجال قال تقريبا سنه لاكن حصلت له ضروف وابتعد عنها


طبعا التسويق سهل البضاعه راح تكون بالبيت وتفتحين حساب بالاستقرام وموقع حراج وصل الله وبارك وهي مناسبه للي يبون تجاره

وفقك الله

.



ياليت ترسلي رقمك علشان افهم منك اكثر

[ميرراج]

السلام عليكم

اختي في موقع متخصص للوظائف عن بعد وهو موقع صلة للتوظيف اكتبيه في قوقل ويطلع لك

قدمي عليهم وان شاء الله يلاقون لك وظيفة ويفهمونك كيف تشتغلين وانتي في بيتكم

بالتوفيق

[3a6elh]

اذا انتي شاطره في التصميم سوي ثيمات وبيعي بالانستقرام

شاطره في الخياطه سوي شغلات للمطبخ سفر ملونه بيّز مدري تسمونها كذا او لا

عندك افكار حلوه سوي تنسيق هدايا صياني توزيع ماشاء الله البنات في الانستقرام يعطونك افكار كثييييره بس ادخلي وشوفي

دوري على محلات النجاره وسعريهم اشتري الوان واقمشه وورود وشرايط وخبصي لين تنجحين الناس تحب الاعمال اليدويه المميزه والافكار الجديده لاتقلدين احد حطي لك خط بس خذي افكار بالبدايه وتغذيه بصريه لكن خلي لك طريق مميز غير عن البقيه عشان تنجحين