مشروع تقسيط وتمويل

[العاج الازرق]

السلام عليكم ورحمه الله وبركاته
لدي رغبه في تاسيس مشروع تقسيط وتمويل
وارغب في الحصول علي الجدوي الاقتصاديه للمشروع
او الدراسه حول ذلك

ونرحب بالشركاء المختصين

[وعدي وفاء]

بصراحة المشروع من نوع المخاطرة العاليه وياليت اللي مختص في هالمشاريع يفيد اخونا اكثر ويفيد الاعضاء

[شاب شايب]

انا عندي مؤسسة تقسيط من فترة طويله


الارباح ممتازه ولكن يعيبها متاعبها كثيره ومشاكلها كثيره يعني باختصار يبي لها طولة باااااااال



ولكن للأسف ماتقدر تسوي المشروع الأن لأنه تم ايقاف اصدار السجلات التجارية للنشاط التقسيط من سنه تقريباً

[العاج الازرق]

ممكن ترسل لي بياناتك علي الخاص

[بكالريوس انقلش]

اصبح من ضمن الشروط أن يكون رأس المال 10 مليون

[ابوغلا بالمدينة]

المشروع ناجح 100 % وبما انه تم ايقاف اصدار السجلات التجارية لنشاط التقسيط تقدم بطلب سجل للتجارة فقط وافتح مكتب وتوكل على الله مثل باقي المكاتب

[فتىآ نجد]

اشتغلت بالتقسيط بمبلغ 100 الف وقلت ابدا بالاقارب وتعثرت رغم ان عندي كمبيالات وشيكات عليهم

نصيحتي ، ابتعد عن اقراض الاقرباء لانك صعب تحصل مبالغك وصعب تتخذ اجراء رسمي فيه

الشيكات ممنوعة ومخالفة حسب وزارة التجارة لانه ادات وفاء وليس التزام

كمبيالات واستقطاع هذا افضل شيء

وعليك ببطاقات سوا والجوالات ، واذا تبغى شريك جاهزين بالمال فقط

[سهيل اليمان]

تقسيط الجوالات ....

العلم عند الله انه باب من ابواب الخير

لكن يحتاج فطنه وتوفيق من الله سبحانه

[شاب شايب]

المشاركة الأصلية كتبت بواسطة ابوغلا بالمدينة

المشروع ناجح 100 % وبما انه تم ايقاف اصدار السجلات التجارية لنشاط التقسيط تقدم بطلب سجل للتجارة فقط وافتح مكتب وتوكل على الله مثل باقي المكاتب

لا ماينفع وانا اخوك يتقدم بسجل تجاره

وترى المكاتب اللي تشوفها ومكتوب للتجاره هي بالاساس تقسيط يعني اي مؤسسه انت تصدر لها سجل تجاري يكون مكتوب مؤسسة الـ..... للتجاره

وتحت مكتوب النشاط يعني استيراد او بيع بالجمله او تقسيط وهكذا


ابي اقولك ليه ماينفع لأن البنوك ماراح تعملك استقطاعات مثل استقطاعات التقسيط هذا شي


والشي الثاني بتحصل اشكاليه في المحاكم

[شاب شايب]

المشاركة الأصلية كتبت بواسطة فتىآ نجد

اشتغلت بالتقسيط بمبلغ 100 الف وقلت ابدا بالاقارب وتعثرت رغم ان عندي كمبيالات وشيكات عليهم

نصيحتي ، ابتعد عن اقراض الاقرباء لانك صعب تحصل مبالغك وصعب تتخذ اجراء رسمي فيه

الشيكات ممنوعة ومخالفة حسب وزارة التجارة لانه ادات وفاء وليس التزام

كمبيالات واستقطاع هذا افضل شيء

وعليك ببطاقات سوا والجوالات ، واذا تبغى شريك جاهزين بالمال فقط

كل ماذكرته صحيح


ابتعد عن الاقارب الا من تثق فيه