مشكلة حيرتني!!

[خدمة اجتماعية]

السلام عليكم

صار معي شي مافهمت وش اللي صار فيه وهو:

بشهر 12 شيكت عبر موقع الضمان على المبلغ اللي نزل في حسابي ولقيته موجود ولكني تأخرت بصرفها لظروف خارجة عن إرادتي إلى نصف الشهر تقريباً وقبل الصرف بأيام بسيطة شيكت مرة ثانية من خلال الموقع لقيتها موجودة ولما جا اليوم اليوم اللي رحت اصرفها طلع لي في الصراف 16 ريال فقط!! تفجأت صراحة ولما دخلت الموقع اشوف الحساب طلع لي أيضاً 16 ريال وتاريخ الصرف هو 1 من ذي الحجة!!!!
أولاً كيف مكتوب انها انصرفت يوم 1 من ذي الحجة وانا اشيك إلى نصف الشهر واشوف المبلغ كامل ماصرفته أساساً ولا احد يعرف رقم البطاقة غيري؟ وكيف اختفت الفلوس؟

عجزت أفهم وش الموضوع، ياليت أحد يفسر لي

وشكراً

[كاسبر نجد]

مستحيل تروح الفلوس ..

هل تأكدتي آنـها موجوده مسبقا عن طريق الصراف آم لا ..؟

[محمد البلادي]

وعليكم السلام
اخرجي من الصراف ال 3 عمليات الاخيرة وعاده الضمان يسحب الارصده التي تأخذ 3 اشهر ولم يتم سحبها وبعض الاحيان تأخذ شهور كثيره ولايسحبها

[خدمة اجتماعية]

المشاركة الأصلية كتبت بواسطة كاسبر نجد

مستحيل تروح الفلوس ..

هل تأكدتي آنـها موجوده مسبقا عن طريق الصراف آم لا ..؟

إلى نصف الشهر وأنا أشيك عن طريق النت كالعادة في كل شهر وكنت اشوف المبلغ موجود

[خدمة اجتماعية]

المشاركة الأصلية كتبت بواسطة المنتصرر بالله

وعليكم السلام
اخرجي من الصراف ال 3 عمليات الاخيرة وعاده الضمان يسحب الارصده التي تأخذ 3 اشهر ولم يتم سحبها وبعض الاحيان تأخذ شهور كثيره ولايسحبها

سويت كشف حساب تبين لي العمليات الأخيرة وإن رصيد شهر 12 مسحوب من أول يوم مع اني فعلاً ماسحبت ولا شي!!
عجزت أفهم وين المشكلة وهل أحد صار له نفس الشي او لا!!
حتى بعدها صارت مشكلة بموقع الضمان ماصار يفتح فترة

[محمد البلادي]

اتصلي على 8001240075 وكلمي الموظف وستجدين الخبر الاكيد وأعتقد ان السحب تم من قبل الضمان

[خدمة اجتماعية]

الرقم هذا للأسف لازم من ثابت وتأخرت بالاتصال لحد مالقيت ثابت وكلمت
وشرحت لهم الموضوع ولكن مصر الموظف إن المبلغ انسحب من المكان الفلاني وهو نفس المكان اللي غالباً في الفترة الأخيرة اسحب منه واقوله انا اساساً ماطلعت من البيت حتى اسحب ومتأكدة من هالشي وماحد يعرف الرقم السري ويقول لا تأكدي ممكن احد سحب بدالك!!
ماوصلت لطريق يفسر لي حقيقة الموضوع ولا الحل النهائي لهالمشكلة للأسف

الله يجزاك خير أخوي المنتصر على حسن تعاونك ورحابة صدرك