سر دخول وزارة الشؤون الاجتماعية في سمه

[سااري االليل]

السلام عليكم ورحمة الله وبركاته


أخواني أخواتي أنا من بعد ما سمعت خبر توقيع اتفاقية بين وزارة الشؤون الاجتماعية مع سمه الاتمانية فكرت بصراحه بتفكير إيجابي قلت يمكن بيسددون ديون الفقراء أو يساعدونهم علي تسديدها خخخخخخخ أمزح أمزح

المهم أنا صراحه من الناس الفضوليين و الملاقيف
فكرت فكرت قلت وش عندهم متجميعن الربع و متفقين ؟؟!! و ويش ناوين عليه ؟؟!!
ما لقيت جواب
قلت يا ولد تدري خلني أسجل في سمه ( أفتح ملف فيها )
و أسجل
المهم بعد ما سجلت و عبيت بياناتي ( عن طريق النت )
دخلت علي ملفي و أطلع تقريري الاتماني من موقع سمه
و إلا كل البلاوي طلعت

أنا موظف في القطاع الخاص و مسجل بالضمان و بالتأمينات بعد و لا كشفوني إلي هالحين
المهم سمه طلعت أسم الشركة إلي أنا فيها و تاريخ بداية العمل و تاريخ نهاية العمل و مقدار الراتب إلي كنت أستلمه
و طلعت أسماء الشركات إلي كنت موظف فيها سابقاً و كل المعلومات عنها

يعني ربعنا ناوين علي شر و قطعت أرزاق

إلي موظف بسقطون اسمه من الضمان و بيحطونه بالقائمه السوداء و ما أدري ويش بيسوون معه ( لا أحد يسوي فيها مثالي و يقول يستاهل !! لا يا خوي رواتب القطاع الخاص بلا 3000 و اخصم منها التأمينات 300 يعني 2700 بالله ويش بتسوي في هالزمن إلي كل شي طاير فيها ؟؟!! و لا و الضمان راتبه 860 ريال !! قلي يا المثالي لو أجمعها بتكفي أجار بيت أو مصاريف أو أغراض بيت او ديون أو ...إلخ ؟؟!! بعضهم عنده عيال لا راتب الوظيفه زين و لا راتب الضمان زين ، فخلك ساكت من الآن أفضل )

عندي توقع و إن شاء الله ما يصير
إلي هو : بعضهم مسجل في الضمان و يدخل وظيفه و يقعد في هالوظيفه خلنا نقول 4 أشهر و يفصل منها و الضمان ما كشفه
الموت لو يشفون بياناته في سمه و يكتشفون أنه كان موظف و هو في الضمان ، أضن و العلم عند الله بيحطونه في القائمه السوداء إلي طلعوها قبل شهر و ما أدري يمكن يقطعون عنه الضمان ، المهم هم ما هم ناوين علي خير

علي العموم ما أقول إلا الله يسلط علي من يضيق علی الفقراء و المساكين و أسأل الله أن يجعل كيدهم في نحورهم

[شماااليه]

آآآآآآميييييييين

[القمربوبو]

امممممممممممين

[أحياناً]

لو شافوا من مستحقين الضمان وقفه واعتصام على باب الوزارة ماتجرأوا يطبقونه الوزراء يخافون من الحكومة اكثر من خوفهم من الله ولا ينفع معهم اسلوب حب الكتوف لازم نخوفهم باعتصام عشان يخافون من ردة فعل الحكومة

[سعود سبعي]

أضم صوتي لصوت اخوي ..أحيانا..
ذولي ماينفع معهم سيدي حبيبي...
زيدوا الرواتب وتنتهي المشكله..

[اخبارك]

ربعنا اهم شي عندهم ان المواطن يصيردايم محتاج ومديون ...

[رويف]

المصيبة لا قالو رجع كل الاموال اللي صرفناها لك
عاد من وين تجيب اكثر من 120 الف
حقت 10 سنوات

[رياح الورد]

صحيح كلامك من وين نجيب لهم الفلوس مثلا نلجا الى التسول

[رياح الورد]

كيف سجلت في هل البرنامج سمه ممكن تحط لنا الرابط

وشكرررررررا

[محمد البلادي]

خلاصة الموضوع في رايي
ان سمه ستكشف اصحاب الاموال الطائله وهذه الاموال ليست ال 1000 وال 5000 وكذلك العقارات