بالصور والاسعار جولة في جميع اسواق الجملة .

[افكار تجارية]

المشاركة الأصلية كتبت بواسطة تعبت ومالغيت اسم

مع اني مو صاحب الموضوع ولكن احب اوضح لك انك على خطأ ...الموضوع مفيد جدا ولكن يبدو انه تطرق لأمور ضايقتك....لأن البعض لا يرغب الناس ان تعرف اسعار الجمله.

[افكار تجارية]

المشاركة الأصلية كتبت بواسطة تعبت ومالغيت اسم

انا اشتري الدرزن ل بكلات الشعر والشباصات وبعض الأكسسوارات الخفيفه ب 18 ريال والبيع ب 2ريال للحبه ..الدرزن لازم تكون فيه حبه او حبتين مكسوره او خربانه...الخ يعني مكسبي في الدرزن وليس في الحبه احيانا 2 ريالين فهل تصدق
أخي صاحب الموضوع لا تندفع كثيرا المقارنه بين اسعار القطاعي والجمله ليس كل شيئ هناك اسرار كثيره في البيع القطاعي هل تصدق اني اشتري الدرزن ب 95 وسعر البيع 10ريال ( السوق من يحدده وليس انا) ويأتي الدرزن وفيه حبه مكسوره وعليك الحسبه اين الربح 100%
البيع القطاعي يحكمه السوق ...السوق من يحدد السعر وليس انت لو غردت خارج السرب ستغلق محلك خلال شهر احيانا نبيع بمكسب 100% للحبه الواحده ولكن الدرزن لا ينباع كاملا نصفه يقعد بحلقك يعني نرجع نحسبه للدرزن نلقى المكسب 10% للدرزن .
انا اتكلم عن نفسي ولا يمنع هذا من وجود التجار الجشعين جدا والذين يبيعون بعشرات الأضعاف وقد وجدتهم بنفسي . ولكن كل تاجر محاسب عن نفسه .
وما دعاني لكتابه هذه المداخله هو ان اطلب منك عدم الاندفاع مستقبلا . وتقبل مروري مع الشكر.

هلابك اخوي تعبت ومالقيت اسم أولا شرفني مرورك وردك وياليت التجار مثلك يشاركونا في الموضوع حتى نستفيد جميعاً .. بالنسبة لسعر البكلات والشباصات راح انزل عنها موضوع كامل الليلة ان شاءالله او بكرة الصباح اذا تيسر الامر .. نعم معك حق سعر الجملة 18 بس انت تقدر تحصل عليها بسعر اقل بكثير من تجار الجملة الجشعين لانه تطلع عليه استيراد باقل من ريالين الى 3 ريال حسب الجودة يرتفع السعر اكثر يصل في الغالب الى 8 ريال للدرزن وهو يبيع بـ 18 مكسبه 120% عامة أسعار الاكسسورات مكسبها كبير للجملة ويبداء اقل للقطاعي لكن الملابس والشنط وبعض السلع لا بالعكس مكسبها كبير وراح اكتبه ان شاءالله بموضوع الاكسسورات .. وياليت ماتحرمنا من تعليقات اللي راح تثري الموضوع وان كنت على خطاء يشرفني تصحيحك تقبل تحياتي

[افكار تجارية]

المشاركة الأصلية كتبت بواسطة تغيير 1066

اخي جزاك الله خير علي مجهودك وتنوير الجميع
1-انت تقول سعر الدرزن بس ماذكرت كم عدد اوقطعه بالدرزن حتي نعرف السعر صح
والفرق بين الجمله والمحلات

هلا بك اخوي تغيير عدد الدرزن 12 قطعه

2- اناملاحظ اسعاار ملابس الاولاد والبنات والنساء مرتفعا جدا ولانعلم كم سعرها بالجمله
باعتقادي ان بعض اسعارها لايتعدي 20و30و40 ريال بالجمله ويباع من 90 الي 120 ريال وهذا فرق كبير

نعم صحيح كلامك هو أساساً اقل من هذه الأسعار مثال في الصفحة الأولى كتبت سعر بنطال الجنز من عمر 1 الى 6 سنوات الدرزن 150 ريال نحسبها

150 ريال ÷ 12 حبة في الدرزن = 12.5 ريال اذن سعر البنطال الواحد للطفل 12 ريال ونص ويعرض في السوق بسعر لايقل عن 25 الى 30 ريال اصبح المكسب اكثر من 100 %

لك ان تتخيل اذا استوردته او اخذته بسعر اقل أتمنى لك التوفيق وأتمنى مثالي واضح

وفقك الله اخوي ع جهودك

الرد داخل الاقتباس

[افكار تجارية]

المشاركة الأصلية كتبت بواسطة رايق

طيب أخوي اين محلات الجملة للخردة

هلابك اخوي رايق محلات الخردة في الرياض اذا تقصد نفس محلات أبو ريالين

الاواني تلقاها في شارع السبالة لاتبداء من اول الشارع من النص الى اخر الشارع جملة لان في البداية مفرق

اما الألعاب والكريمات والعطور المقلدة الخ .. تحصلها في شارع السويلم في طريق ضيق هناك تحصل خلفه محلات واذا ارتحوا لك بيدخلونك مخازن لهم طب وتخير وباسعار رخيصة جداً خذلك جولة هناك وبتكتشف سالفة أبو ريالين كاملة وبتحصل ناس تجيب لك من دبي والصين بس انت وشطارتك واسلوبك مع الهنود والحضارم .

[تعبت ومالغيت اسم]

حياك الله أخوي.. بالعكس انا من شرفني المشاركه بموضوعك..بالنسبه لموضوع مستلزمات الشعر من بكلات وشباصات الحديث فيه يطوول وانا للاسف كرهت العمل فيه وراح اتركه قريبا ..مكثت سنتين عرفت اهم مستوردينه في جده من الصين وهم تقريبا اثنين كنت اشتري من عندهم وبكميات كبيره تصل للألف درزن مره واحده ومع كذا كانو ا اليمنه يحلفون ان مكسبهم في الدرزن ريالين؟؟؟ وكانت انواع سيئه جدا لدرجه انها تتساقط من بعض عند تعليقها في المحل مثلما يتساقط الرطب من صنو النخله من سوء التصنيع وضعف الصمغ المستخدم فيه لدرجه اني خسرت خساره كبيره فيها من غير الاساءه لسمعه المحل فالزبون لايعرف سواي .وعندما ذهبت للصين كانت الصدمه الكبرى ...جميع ما شاهدته في جده خلال السنتين لم اشاهده في الصين.ما يوجد في جده يتم طلبه مباشره من المصنع وبأسو الخامات المستخدمه أما مايوجد في الصين فجوده أفضل وسعر طبعا اعلى...ما توصلت اليه في الصين أنه جميع البضائع السيئه والرخيصه الموجوده عندنا يتم طلبها من المصنع مباشره ولا توجد في اسواق الصين.

[رايق]

المشاركة الأصلية كتبت بواسطة افكار تجارية

هلابك اخوي رايق محلات الخردة في الرياض اذا تقصد نفس محلات أبو ريالين

الاواني تلقاها في شارع السبالة لاتبداء من اول الشارع من النص الى اخر الشارع جملة لان في البداية مفرق

اما الألعاب والكريمات والعطور المقلدة الخ .. تحصلها في شارع السويلم في طريق ضيق هناك تحصل خلفه محلات واذا ارتحوا لك بيدخلونك مخازن لهم طب وتخير وباسعار رخيصة جداً خذلك جولة هناك وبتكتشف سالفة أبو ريالين كاملة وبتحصل ناس تجيب لك من دبي والصين بس انت وشطارتك واسلوبك مع الهنود والحضارم .

لو كنت تذكر السيارات ( الوانيت ) الذي يبيع عند المساجد والحراج ويقول كل شي بريال
هل ياخذ بضاعته من شارع السويلم ؟
وهل كل شي بريال مصدره بيع بالكيلو ؟؟

[ياعين هلي الدمع]

السلام عليكم

موضوع يستحق الفايف ستارز وبجداره

طيب اخوي انا بفتح محل فساتين زفاف وفساتين سهره بس ابي افضل سوق جمله بالجودهه وتكون موديلات جديده ومميزه

وش تنصحني علما بانهم نصحوني باسواق مكه بس احسهم غالين والا زينين انصحني تراني متوهقه جدا

وابي اسرار دوره الاستيراد انا كنت مسجله لكن ماحضرتها لضروفي اتمنى لك التوفيق

[افكار تجارية]

المشاركة الأصلية كتبت بواسطة رايق

لو كنت تذكر السيارات ( الوانيت ) الذي يبيع عند المساجد والحراج ويقول كل شي بريال
هل ياخذ بضاعته من شارع السويلم ؟
وهل كل شي بريال مصدره بيع بالكيلو ؟؟

انا شفت الوانيتات اللي تبيع أغراض متعددة بس على ما اذكر سعرها 5 ريال بعضهم يأخذ من شارع السويلم وبعضها من جدة سوق الصواريخ لان مرة رحت هناك وشفت تحريج على دينا كاملة والسعر اللي توقف عليه تنباع وبعضهم يبيعك بسطه كاملة تتفق معه على سعر محدد . لكن بالكيلو ماعندي علم والله .

[افكار تجارية]

المشاركة الأصلية كتبت بواسطة تعبت ومالغيت اسم

حياك الله أخوي.. بالعكس انا من شرفني المشاركه بموضوعك..بالنسبه لموضوع مستلزمات الشعر من بكلات وشباصات الحديث فيه يطوول وانا للاسف كرهت العمل فيه وراح اتركه قريبا ..مكثت سنتين عرفت اهم مستوردينه في جده من الصين وهم تقريبا اثنين كنت اشتري من عندهم وبكميات كبيره تصل للألف درزن مره واحده ومع كذا كانو ا اليمنه يحلفون ان مكسبهم في الدرزن ريالين؟؟؟ وكانت انواع سيئه جدا لدرجه انها تتساقط من بعض عند تعليقها في المحل مثلما يتساقط الرطب من صنو النخله من سوء التصنيع وضعف الصمغ المستخدم فيه لدرجه اني خسرت خساره كبيره فيها من غير الاساءه لسمعه المحل فالزبون لايعرف سواي .وعندما ذهبت للصين كانت الصدمه الكبرى ...جميع ما شاهدته في جده خلال السنتين لم اشاهده في الصين.ما يوجد في جده يتم طلبه مباشره من المصنع وبأسو الخامات المستخدمه أما مايوجد في الصين فجوده أفضل وسعر طبعا اعلى...ما توصلت اليه في الصين أنه جميع البضائع السيئه والرخيصه الموجوده عندنا يتم طلبها من المصنع مباشره ولا توجد في اسواق الصين.

هلابك من جديد اخوي تعبت ... فيه شخص يستورد من الصين من عام 1990 ميلادي والرجل والله خبير وفيه الخير احسبه والله حسيبه قالي مشكلة السوق عندنا يأخذ الطيب والبطال والسبب الأول المستورد تحصله في مدينة ايوو يدور الارخص المهم عنده يكسب وبعضهم من قوة الاحتيال عنده والخبره يأخذ نفس البضاعه المعروضة بالسوق والمتعارف على سعرها لكن بجود اقل بكثير .. وتحصله يقنع الزبون مثال بكلات سعر درزنها 18 جودة متوسطه يبيع نفسها بالضبط جودة سيئة وينقص لك ريال 17 ويقولك والله مكسبي ريالين .. وياويل من يعرض تجارته للحلف بالله مع ان ما تعدت سعر التكلفه عليه حتى هلالات للحبة ... لكن الان وزير التجارة الله يجزاه خير مشدد على البضائع المستورده من الصين وهذا على الأقل بيخفف من مافيا العمالة الوافده اللي صارت هوامير السوق وصار لها هناك مصانع تصنع لها خصيصاً للخليج وما يهمها اهل البلد المهم هذا بلد خير اسرق من خيراته حتى اكتفي .. انا ما اعمم بكلامي هذا فيه أجانب والله يعتبر هذا بلده لان خير هالبلد اكله واكل أولاده .. تقبل مودي وشاكر لك مداخلتك المفيدة جداً .

[افكار تجارية]

المشاركة الأصلية كتبت بواسطة ياعين هلي الدمع

السلام عليكم

موضوع يستحق الفايف ستارز وبجداره

طيب اخوي انا بفتح محل فساتين زفاف وفساتين سهره بس ابي افضل سوق جمله بالجودهه وتكون موديلات جديده ومميزه

وش تنصحني علما بانهم نصحوني باسواق مكه بس احسهم غالين والا زينين انصحني تراني متوهقه جدا

وابي اسرار دوره الاستيراد انا كنت مسجله لكن ماحضرتها لضروفي اتمنى لك التوفيق

وعليكم السلام .. انا شفت موضوع لاحد الاخوان هنا في المنتدى عن فساتين السهره وبالجملة .. اسواق مكة في الدور الأول ما يبيعون جملة يبيعون مفرق وكذلك اجار فيه في اسواق المتنبي بالملز بس ما عندي علم يبيعون جملة او لا لكنهم يجيبون الجديد واغلبهم لهم فروع في اسواق مكة .. انا انصحك بما انك بتفتحي محل شوفي الامارات او سفرة استيراد للصين اذا فيه مجال .. بالنسبة للدورة كان فيها نقاشات مفيدة والمدربين فاتحين الباب لاي سؤال وانا بصراحه استفدت منها وراح اذكر منها بعض النقاط مستقبلاً ان شاءالله .