هل أكمل فكرة مشروعي ؟

[متفائل مكة]

.. بسم الله الرحمن الرحيم ..
،، السلام عليكم جميعا ،،

الموضوع هو كالتالي:

قبل فترة فكرت بفكرة وكيف اربح من خلالها ..؟
وكان في بالي كذا فكرة ،،
وقررت إني اسوي موقع عقاري وكلفني
(تصميم، برمجة، استضافة..الخ).

المهم فكرتي هي هالتالي:
تسويق العقارات ونشر العروض المقدمة أو بالأصح المدخلة في الموقع.
وأخذ مبلغ الدعاية والتسويق وتقديم الخدمات التسويقية لأصحاب العقارات، والمكاتب العقارية، والأفراد.

مهامي:
- أخذ بيانات العقار وطبعت نموذج خاص لهذا الغرض.
- تصوير العقار المراد ادراجه ونشره في الموقع وأيضا بالطرق المتبعة للتسويق لدى الموقع.
- أخذ مبلغ للإعلان.

ملاحظة /
- كثيرين قالولي ادخل في موضوع الدلالة
بس أنا قررت يكون شغلي هو دعاية وتسويق فقط.
بمعنى آخذ مبلغ الإعلان اللي راح احطه في الموقع.
- وأنا اللي أقوم بإدخال العروض للموقع يعني مافيه خيار تسجيل عضوية للي بينزل اعلان او عرض.
لأنه بخليه نشاط شخصي وموقع مختص للإعلان والتسويق من طرف صاحب الموقع.
مثال/
الشقق 100 ريال
العمائر 200 ريال
الفلل 150 ريال

وهكذا ،،،
بمقابل تقديم الخدمات التسويقية لأصحاب العروض.
وبدون عمولة الدلالة.

ف ما أدري هل فكرتي صحيحة أو لا؟

وياليت تطرحوا اقتراحات ثانية يمكن تساعد في تطوير الفكرة.

طبعا الموقع متكامل ( خرائط، ادراج صور، سهولة بحث، تصميم مميز، تصنيف بيع وايجار..الخ ).

والأسئلة اللي تدور في بالي ..
- كيف انجح فكرة الموقع؟
- كيف اكسب العروض العقارية واقنع العميل بإنه يدرج عرضه عندي؟
- هل الطريقة والسياسة المتبعة صحيحة؟
- ماهي أفضل طريقة للربح لمثل هذا الموقع؟

هذا وتقبلوا مني فائق التحايا والتقدير ،،

[البركه]

وفقك الله وسددك وراح تجد من يفيدك بإذن المولى .

[ساااري الليل]

فكره حلوه الله يوفقك

[مرسال الشوق]

فكرتك جميله

لكن من وجهة نظري
لو تفتح المجال للتسجيل يكون أفضل
سواء اللي يبغى يعلن او يبغى يستفسر
بهذه الطريقه راح يزيد الإقبال على موقعك

و بخصوص إنك تضمن حقك
يوجد طرق كثيره


بالتوفيق لك ..

[مصعب الرماح]

ما شاء الله فكرتك حلوة وتبي الصراحة كانت في بالي من زمان وكنت مخطط أسويها لكن لعدم التفرغ كنسلت الفكرة ..

ولكن بما أنك بدأت انت فيها فراح أعطيك بعض من الأفكار اللي كنت بسويها .

- في الموقع لازم تحط في الوجهة مثل كذا ( إذا كنت تملك عقار وتريد الإعلان إضغط على الرابط )

طبعا ممكن يجيك مكتب عقار أو المالك للعقار مباشرة

وأنت حط الشروط حقتك منها أنة ممنوع الإعلان بدون الصور والمساحات والأسعار مع ضرورة التحديث لو حصل أي تغيير . أو في حال البيع

- كل المعلنين بعد مايرفقون الطلب ويعبون جميع الخانات المطلوبة يتم رفع الطلب لك وأنت بدورك تشييك علية وتتأكد إذا كل شي زي ما أنت تبي بعدها تبدأ بالنشر في الموقع ( طبعا مع التوضيح للمعلن أنة سوف يتم النشر خلال 24 ساعة من تاريخ الطلب )
عشان أنت يصير عندك وقت وتتأكد من كل شي وجميع المعلنين لازم يرفقون أرقام جوالاتهم للعملاء مع الوبسايت إذا موجود والإيميل واللوقو تبع مكتب العقار وإذا كان معلن شخصي مايحتاج

- طبعا لازم تسجل موقعك في وزارة التجارية والعلامة التجارية أيضا عشان ما ياخذ أحد أسمك ويروح عليك .. بعد ما تشتهر .


- نصيحة لوجة الله خل الإعلان في موقعك مجاني لجميع العملاء خاصة مكاتب العقار لمدة سنة من تاريخ أنت تحددة مثلا أنت تكتب ( الإعلان في الموقع مجاني لعام 2015 )

ولازم يكون عندك ستيكرات كبيرة إعلانية توضع على واجهت أي مكتب عقار يعلن عندك بحيث هم يعلنون عندك مجانا لمدة عام بس انت تحط إعلان موقعك في واجهت محلهم على القزاز لمدة عام أيضا مجانا

لأن هذي بتجذب الكثير من العملاء ومكاتب العقار لك

فية أمور كثير ودي أقولها لك لكن الوقت ما يسمحلي
لكن أتطلع على الموقع أدناة هو موقع عقار بريطاني رائع بكل ماتعنية الكلمة وحاول تاخذ بعض الأفكار منهم

الموقع : http://www.rightmove.co.uk/


وبخصوص أسعارك بعد السنة المجانية أنت عاد بتشوف كيف إذا الموقع أشتهر أو لا
إذا أشتهر

خذ رسوم على الفلل 500 ريال وعلى الشقق والمحلات التجارية 400 ريال
وعلى العمائر 1000 ريال ولك حرية الأختيار



والمهم والمطلوب حاليا عشان تنجح هو الإشتهار بشكل واسع في جميع مناطق المملكة


والله يوفقك وسهل أمرك

ولاتحرمنا من دعوتك

[أوائل الخير]

لو عندي ارض او فيلا او شقة راح اعرضها مباشرة في موقع عقار ماب للبيع او عقار ستي
اما الاجار فوزارة الاسكان برنامج اجار

سؤالي غير مميزات التصميم والخرائط الى اخره ايش يميز موقعك

كم عدد زواره في اليوم او في الشهر

كم ترتيبه عالميا او على السعودية

اذا مافيه زيارات كثيره ماراح اعلن للفيلا عندك

عقار ماب يرسل لي عروض على الايميل في المنطقه اللي انا مهتم بها كل مانزل عقار جديد

لازم يكون موقعك مغري بكثرة العروض وكثرة الزوار

وليه ماتاخذ سعي حقك وانا اخوك انت وسيط بين البائع والمشتري

لو بيعت فيلا بمليون عن طريق موقعك سعيك 25 الف

قدم الخدمة مجانية والتواصل معاك انت كوسيط
جا زبون وتمت الصفقة خذت حقك

اقترح تقدم خدمة تصوير العقار وطرح مميزاته

والله الموفق

[متفائل مكة]

أشكركم على تفاعلكم
وإبدآء اقتراحاتكم
وبلا شك الآراء مفيدة ومحل اهتمام
وشاكر لك أخ ( مصعب على الرابط )
أفادني جدا
و مايهونون الجميع..

واسأل الله أن يوفقنا جميعا
ويحققلنا مانطمح ونسعى إليه من الخير
ومن نجاح الأفكار والمشاريع

[آإحتمآل ضعنأإِ]

والله فكرتك ممتازه ،

ان شاء الله تنجح وتكون باب رزق لك يغنيك بالدنيا وتنفع المسلمين

والله يغالي الاخوان ماقصرو افادوك وانا ماعندي خبره بهالمشاريع بس ماقول لك غير اصبر على المشروع وانا اخوك لاتستعجل وان شاء الله ما يضيع لك تعب

اتمنى لك التوفيق بالدنيا والاخرة ،

[النادر الاصيل]

بما انك في مكة اعزها الله وحفظها وحفظ اهلها
ارى ان تقوم بالاعلان عن الفنادق والشقق في مكة و حواليها
او عن بيوت اهل مكة اللي يفرغونها وقت الحج حسب ماسمعت ان بعض اهل مكة ياجرون بيوتهم فنرة الحج

[الهاموووووور]

السلام عليكم

اخوي متفائل .. انت سمعت او عندك خبر عن برنامج اسمه شموس ؟؟

هذا برنامج لاداره ومراقبه الحركه العقاريه .. ابحث وخذ لك فكره عنه..

وعندي وجهه نظر .. ما ابغى احطمك لكن .. الحين لو بغيت اشتري بيت وحصلته في موقعك بالغي الفكره نهائيا اني اشتريه تدري ليش ؟؟؟

انت ببرنامجك هذا تسهل للحراميه سرقه البيوت اذا انك بتحطها مع الصور وتفاصيل البيت !!
اقتراحي لك زي ماقال النادر .. تركز على الفنادق والشقق المفروشه .. الله يوفقك لما فيه خير لك .