ناوية اشتكي بالمحكمه عن الي يحصل لي من ظلم

[ضايقة بالحيل]

المشاركة الأصلية كتبت بواسطة ميم بنت إبراهيم

اعوذ بالله معقوله ماحن على ابنه ,ياربي لاتغضب علينا
اختي طمنيني وش صار معاك ؟!
الحلول السلمية مااعتقد بتنفع معاهم ..مالك الا القانون
عسى الله يكون بعونك ويفرجها عليك

وضعي تقريبا مثل ماهو ،، بس اشتكيت بالاماره وحولوني ع الشرطه وجابوه ووقع تعهد يطلع الاوراق

بس عند اقامتي ماقدر ابو ولدي يستكمل ،، لأن الاقامه منتهية

اقامتي ماشيه فيها باقي لها رسوم اصدارها وتوقيع مدير الجوازات واستلمها

وقاعده اجتهد بهذا الموضوع رغم صعوبته منها الاجراءات جدا صعبه وطويلة ومنها الضيق المالي الي يمطمط لي كل شيء ،، بس الله كريم وقاعده اسوي كل شيء اقدر عليه

[طموحات شاب]

لا حول ولا قوة إلا بالله , قصتك مأساوية جداً ومؤلمة لحد النخاع.
لم أكن لأصدق هذا الواقع إلا في المسلسلات.


كان الله في عونك.

[البلاد]

اختي اولاً الله يفرج همك وهموم كل الناس
قريت بشكل سريع مقتطفات قضيتك ومعاناتك وتتركز قضيتك على عدة امور حسب خبرتي المتواضعه
1- تعليقك على ذمته لم يطلقك ولم يرجع لك وهذا مايجوز شرعاً هذا الامر الاول وتنحل برفع دعوى في هذا الامر
2- حق النفقة لك ولاولادك وانتي على ذمته لحين يتم الطلاق وبعدها يتم النفقة على ولده اجباري وهذي بدعوى كذلك بالشرع .
3- تعطيل اجراءات الولد وانتسابه له واصدار شهادات اللامه والاجراءات النظاميه وهذي كذلك تحتاجين شرع يجبره على ذلك دون تراوغ منه .
بالمختصر المفيد يأختي ارفع عليه دعوة مباشرة بالمحكمه وبمجرد يجيه التبليغ من المحكمه هو راح يركض وراكي هو واهله ويدورون رضاكي ولو مااستجاب للجلسات يعلق سجله المدني يعني مايقدر يسوي شي بحياته حتى مايقدر ولا يسحب فلوس من البنك او الصرافه يعني يتعطل كل شي عنده وخوذيها من واحد فاهم بعض البشر هداهم الله ماينفع لهم الا يسحب بالمحاكم ويتبهذل عشان يعرف ان الله حق

[سندريلا الحلوة]

اهم شي ماتعطين اهل ولدك أصول واذا طلب اصول قولي انا اطلع معكم يمكن ينقص عليكم شي أو يطلبوني واكون موجودة واخلص بدري وترتاحون بعد بدري اعطيهم صور من اي شي يطلبونه وخليك دايم تابعه لهم ولدك باقي عليه سنتين ويدخل مدرسة

[ميمو999]

الله ييسر امرك