♒♒ لا زاد همك ترى ما للحكي داعي ♒♒

[مكتفي خيبه]

ما يضحك الجاهل الا من كثر جهله
لا زاد همك ترى ما للحكي داعي

غنى صبي القصيد وجاوبه .. كهله
والوقت يعصى شهر.. واسنين ينطاعي

لقيت قصر المديح ولا لقيت اهله
من جاك ينشد ترى ماهو بفزاعي

لو قال يمدي ؟! ترى ما للقدر مُهله
لا الحظ يشرى ولا الاعمار تنباعي

ما هوب أنا اللي يعوِّد حين ينده له
اصعب من اقفايتي لا اقفيت مرجاعي

يحق له .. يفرِّق اللحظه عن الوهله
دايم .. ولكن خطا لو يمدح أوضاعي

ويحق له لو يعاتبني على مَهْله
دايم .. ولكن خطا لو يلوي ذراعي

يا صاحبي والله إنّ المسأله سهله
كل واحدٍ شيخ ؟! صعب تحصِّل الرّاعي

ما يبكي العاقل الاّ من قِصِر جهله
لا زاد همك ترى ما للحكي داعي

[محمد العبيدان]

خليها في القلب تجرح ولا برا تجرح