متابعه لمن يستحق صرف المساعده المقطوعه لعام 1439 ه و1440و1441و1442

[طامي الحارثي]

متوقع الصرف 1436/12 ومازالت تحت الدراسه مراجع
مع العلم رسلنا تقارير طبيه ورسايل للوزير ولا احد عطس فينا
الصراحه مهزله مافي مثلها مهزله الشهر الكريم على الابواب ويعلم
الله انا بحاجه بس ماقول الا اسال الله العظيم رب العرش العظيم
ان لايوفقهم ويبليهم في انفسهم انه على كل شي قدير حسبي الله
ونعم الوكيل

[zoz]

انا تاريخ الصرف شهر 12السنه اللي فاتت. ولا احد درا عنا
والحاله تحت الدراسه. سنتين تحت الدراسه. لو درسوها كان تخرجو. بمرتبة امتياز. كان عرفو كل شي عني من يوم جابتني امي
بس اقول الـلـَّــه يكون في عوني وعون كل محتاج.
اذا المحتاجين با السعوديه. محد درا عنهم. ويضغطون عليهم. بالحاجه.
وش ينتظرون. منهم. ناس متعففه جالسه ببيوتها تبغى الستر
مالفت ولا دارت. صابره على امرها. نناشد ولي امرنا الملك. فهد. ان ينظر. لمثل هالمحتاجين المتعففين اللي مايبون غير الستر. وان يلتمس حاجتهم. ويقضيها لهم.
قال ايش. اسمه ضمان اجتماعي.
وين الضمان. والناس بدت تشحذ الوزاره ان تصرف لها. المقطوعه
معاش 1000ريال. للمعيل. او المطلقه او الارمله و285 للفرد المعول. وش تسوي. في زمن كل شي فيه غالي.
زمن اغبر.
ما اقول الا الـلـَّــه. يعزنا. ويرزقنا.
ومن تعمد اذلالنا. الـلـَّــه يبليه.
انتهى

[سما العيسى]

نزلت المقطوعه £££££££

اولا كل الشكر والتقدير لاختي جرح الطفوله
انا الوالد قدم على المقطوعه بشهر 1437/3
والوالد عليه دين ومريض ..طبعا
اختنا جرح الطفوله اي شخص يستفسر عن المقطوعه ومستعجل تقول ارسلو على الصوت المسموع بموقع الضمان الاجتماعي او على الاميل الوكيل
ونعم تم المراسله وتم الاستجابه ..من احد الموظفين ولهم الشكر واخذو من الوالد التقرير الطبيه وبعض معلومات عن وضع الوالد والعائله
وجلس تقريبا اسبوعين او اكثر والحمد الله
اليوم تحول من مراجع الى قائم ونزل على الهاتف الثابت وان شاء الله تنزل على الصرافه اليومين
وبسس
والحمد الله على كل شي دعواتكم للوالد ربي يشفيه

[طامي الحارثي]

انت رسلت لي 3 شهور محد رد والمتوقع 1436/12
والله يعلم بحالنا داخل الشهر الكريم ولافي شي عندنا ارفع راسك انت سعودي حسبي الله عليهم والله حرام مدري وش الحل جعل ربي يبلاهم
وهالموظفين نايمين راحت الرجاجيل ماش الواحد يموت احسن له من هالذل

[طالبةعل]

ياطامي استهدي بالله
بعدين لاتعتمد بس ع المقطوعه روح شوف رزقك
لاتعتمدون عليها انتضروها وتوكلو ع الله

[وحيدة بهالزمن]

الحمد لله على كل حال تم رفض طلبي لاستعجال المقطوعة والله يرزقني من واسع فضله ارسلت لهم كم مره واخرمره تم الرد من الوكيل نفسه ومن الموظفين مالي نصيب في المقطوعة
حاجتنا والله مايعلم فيها الا الله لابيت ولاوظيفه ولازوج وصابرين ومحتسبين الاجر من الله
كلنا بحاجه ماسه لها والله يعوضني ويعوضكم خير وماعااد ارسل لهم خلاص تعبت من هالمذله لهم ورزقنا على الله مااحد يمنعه

[غربة زينب]

سلام عليكم


ارسلت لهم رسالة عبر صوتك مسموع و اتصلوا بي و اعطيتهم معلوماتي

و إلى الآن لي 3 اسابيع و الحالة لم تتغير تحت الدراسة


هل فيه أمل تتغير الحالة ام لا ..

اللي عنده علم بذلك يفيدنا الله يجزيه خيرا

[رمانه الطايف]

انا مراجع والصرف شهر 10 تكفووون هل يتغير التاريخ ولا لا
ومتى تغير الحاله مين نفسي

[يآآآرب آتووظف]

انا قدمت بشهر 6 تاريخ 21

حالتي مراجع .. تحت دراسة

متى تتغير أو متى اعرف التاريخ المتوقع ل نزولها ؟

وإذا عندي سبب لحاجتها انو تنزل سريع لي وش مطلوب مني ؟

وشكرا

[همي رضاك والاخرة]

المشاركة الأصلية كتبت بواسطة يآآآرب آتووظف

انا قدمت بشهر 6 تاريخ 21

حالتي مراجع .. تحت دراسة

متى تتغير أو متى اعرف التاريخ المتوقع ل نزولها ؟

وإذا عندي سبب لحاجتها انو تنزل سريع لي وش مطلوب مني ؟

وشكرا

بالنسبة للسؤالك الثاني
تفضلي

https://www.btalah.com/t656880.html


وبخصوص سؤالك الاول
اذا عندك هاتف ثابت اتصلي على 8001222777

وتاخذي رقم الطلب
وتستعلمي من هنا للمعرفة التاريخ المتوقع للصرف

https://www.mosa.gov.sa/ar/query/ins.../order_inquery

واذا ماعندك هاتف ثابت ارسلي رقم سجلك المدني للمشرفتنا جرح وهي تعطيك رقم الطلب بإذن الله

وللاسف تاريخ التوقع للتحفة فقط أو كمنظر ليس أكثر