ناوية اشتكي بالمحكمه عن الي يحصل لي من ظلم

[تفااح]

الله يعينكم ويصبركم على الي انتم فيه

[البسةتركية]

الله ينصرك على من ظلمك ويرجعلك حقك المسلوب منك

[فوضت أمري للكريم]

قريت قصتك من البدايه ،، بعطيك نصائح مجربه وضعها موبعيد عن وضعك كثير،،، أبغى أعطيك خبر ترى للأسف حالك موغريبه ومئات الآلاف من البنات بنفس حالتك ،، كونك موسعوديه مايغير شي ولا يأثر،، انا مثلك زوجوني أهلي صغيره عمري 19 ،، وانغشيت فيه لأمن ثوبنا وبلاويه كثيره ،، وإذا شكيت لأهلي عطوني الأذن الصمخا وكانو يرددون تطلقي وقطي عليه عياله <-- لاحظي يقولون عياله كنهم مو عيالي ،، وكنت أتحمل وصبرت سنين عشان العيال ،، * نصيحه لا تنتظرين منه ينصلح ويتغير لانه ماراح يتغير انتي صبرتي 3 سنين انا صبرت 10 ** لا تقولين الرجال مو مثل بعض واصابعك مو سوا،، صدقيني انهم سوا بس الاختلاف في الشكل بس *** لا تضعفين قدام إخوانك لو فيهم خير - عذرا- كان ماباعوك كذه **** وجعتي قلبي لما بغيتي ترجعين لزوجك مو حبا فيه بس لان مالك مكان عند اهلك ، لا ترخصين نفسك تكفين اترجاك الله يلعن الحاجة الله ارحم ،، ***** كنسلي زوجك وأهله من حياتك وارفعي قضية نفقه على زوجك وطالبي بمصروفك من اول يوم عند اهلك الى هالدقيقه وروحي الأحوال يعطونك شهادة ميلاد بالتبليغ اللي معاك انا سويت كذه ****** لا تعتمدين الا على رب العالمين لا تطلبين مساعده الناس وتغفلين عن رب الناس اللي بيده كل شي أمسكي المصحف واقري البقره وتوكلي على ربي من توكل على الله فهو حسبه ،،،توجهي لله ماراح تضيعين ،،، الله ينصرك ويستر عليك آمين

[مشبب في الحديقة]

في الدول الغربية العادلة الرجل يتحمل ابناءة ويصرف عليهم بعد الطلاق ويوفر سكن لهم وامهم لحد سن 18 سنة مع مصاريف كاملة من مدارس وغيرة وحنا في العالم الاسلامي تنربط الحرمة زي الخروف ولا لها حقوق والابناء للرجل وفوق هذا يروح يتزوج ويلعب عادي للاسف ما في عدل حتي القطوة حرم الله حبسها وحنا في ناس تعطي كامل الحقوق للزوج حتي لو كان شارب خمر او لعاب او راعي مشاكل مقامر للاسف مسلمين بلا اسلام

[الخير القادم]

الســلام عليكم ورحمه الله وبركاته ..
اختي الكريمه للاسف زوجك هذا ليس برجل
هذا من ضمن اشبـاه الرجــال والآ والله مايخلي ابنه وطفله بهالطريقه
لو وش مايكون بينه وبين زوجتــه هذا طفله ابنه فلذه كبده وصمام الامان له
بعد الله سبحانه

لذا انا اشوف لك :
التقدم بشكوى بـ اوراقك طلب طلاق اللي هوابعض الحلال عند الله
وطلب استخراج اوراق رسميه لـ ابنك
والمحكمه راح تُجبـره غصب عنه
يستخــرج الاوراق لـ ابنك

خصوصا ان الاجرائات بالمحـاكم في مثل هالمواضيع
ماعـاد تطول مثلما كانت سابقاَ سنوات ..
الان تقريباَ اقصى حد 6 اشهر فقط ..
يتخللها اربعه مواعيد فقط ..




هذا والله يكتب لكم التوفيق

[عطاء الله اجمل]

الله ييسر اموركم

[هنادي و]

الله يفرج همك

[ضايقة بالحيل]

المشاركة الأصلية كتبت بواسطة BOO7

من قال لك أن المحكمة تبا تحل لك الأمور والله ماعندهم إلا المواعيد بالشهور
لنا كم معاملة أقسم بالله سنين نراجع فيها وكل مره يتغير الشيخ
نصيحة لوجه الله تعالى حافظي على بيتك وولدك رغم كل شيء والعناد في هالأمور ماينفعك ولاينفع اي وحدة
حاولي تجيب الأمور بالسياسه وتحلينها بالسلم والتنازل والتغاضي عن أشياء واجد
وتأكدي أن كل بيت مليان مشاكل ومافيه أحد مرتاح العناد والشكاوي والله ماتزيد الأمور إلا تعقيد
حاولي بكل الطرق اي طريقة حاولي تجيبيها ولاتشربكين الأمور مع الجد والخال والأهل والأخت

كرري الإتصال عليه عشان خاطر الولد وحاولي قد ماتقدرين أصبري عليه كم شهر عسى الله يسخره لك
ويهديه اما الشكاوي والله ماأنصحك فيها وشيء كبير بالحيل ماأحد يقدره الله يفرج همك ويفرحك باللي يسرك

ماخليت طريقه للحلول السلميه معاهم الا وجربتها ،، هو مايبغاني ابدا ، حتى لو اتصل عليه من رقم غريب يعرف اني ام ولده يقفل الخط في وجهي علطووووول ، واهله بس يدافعو عنه

[أنس ياسر]

حسبي الله على كل ظالم الله يفرج همك ومثل ماقالولك الاخوان المحكمة هي الحل أذا وصلتو للطريق مسدود الله يعينك والرجال الي يمرمط الحريم مو برجال

[ميم بنت إبراهيم]

اعوذ بالله معقوله ماحن على ابنه ,ياربي لاتغضب علينا
اختي طمنيني وش صار معاك ؟!
الحلول السلمية مااعتقد بتنفع معاهم ..مالك الا القانون
عسى الله يكون بعونك ويفرجها عليك