فتح باب القبول والتسجيل في معهد طيران القوات البرية (لطلبة فنيين طائرات عمودية) .

[شردعو]

التقديم حيكون ع النت ؟؟ ولا اشلون؟؟...؟

[الكااسر]

نعم افين رح يكون التقديم بالنت والا ملفات وهل يوجد تعين بجميع المناطق ماهي الشروووط لو سمحت ودي اقدم فيها لو تقدر تجيب لنا معلومات تفعل خير

[السسسلمي]

كيف رواتب القوات البرية

[ثينمان]

المشاركة الأصلية كتبت بواسطة كلوٍد

السلام عليكم ..
انا موجود بالمعهد واللي يبي اي استفسار انا حاضر ..
الثانوي يعطون عريف فني
والدبلوم وكيل رقيب فني

..
اول شي ، فرد اساسي 4 شهور
بعده لغه انجليزيه سنه كامله
وبعدها تدرس مصطلحات شهرين
وبعدها 4 شهور تطبيق
،
وكككككل هالامور سهالات ب سهالات اذا انت رجال تبي الوظيفه .


والشروط م من شروط بالحيل ، اعتقد يبي يقبلون الكل
موفقين خير

الله يرحم والديك لا تطول علينا علمنا

اذا رسبت بالانجليزي أخذ جندي ولا جندي أول ؟؟ ( انا ثنوي )
هو صعب زي معهد الجوية ولا لا ؟؟
وين التعيين ؟؟ أقدر أتعين بتبوك ؟؟ بكيفي ولا لا ؟؟
أنا نسبتي 63 مقبول ثنوي حاف أنقبل ولا لا ؟؟

[سندوتش]

العمر عادي الى 30 ولا 26 فقط؟

[كلوٍد]

التقديم اذكر اني قدمت ملفات وطلعت النتايج ب النت ..
م ادري عن الموقع .



الشروط عاديه ومو مهمه بالعربي ، طول م طول يتغاضون عنه و الوزن
والتعيين بالمناطق العسكريه : تبوك والحفر والخميس والخرج واذا عندك واو تجي بالقصيم ،


الرواتب يقولون 7800 للعريف ، انا توني م استلمته ..

المعهد نظام دراسه انجليزيه ، ترسب ثلاث كتب ورى بعض او خمس متفرقه و تمسك الباب
م يحولونك جندي ولا جندي اول ..


و النسبة مع الشهاده حاف الظاهر يقبلون عادي ، يبون الناس هم و اهم شي تمشي وضعك بالاسئله اللي بالمقابله ( اسئله سهله ) انقلش

العمر اعرف لك ناس معنا اعمارهم 28 ..
وطبعا مافيه شي اسمه اتعين ب كيفي بالعسكريه ، يقولون لك على حسب احتياج المنطقه
و الواو فوق كل شي و فوقها ربك ..

موفقين خير

[كلوٍد]

بالنسبة للي عنده لو 5٪ لغة راح تمشي اموره ان شاءالله
و نفس الدراسه سهله اذا نفسيتك توب

لان دراسة اللغه مثلها مثل فرد الاساس ، تكون موجود بالمعهد
م تطلع الا خميس وجمعه

[ثينمان]

المشاركة الأصلية كتبت بواسطة كلوٍد

بالنسبة للي عنده لو 5٪ لغة راح تمشي اموره ان شاءالله
و نفس الدراسه سهله اذا نفسيتك توب

لان دراسة اللغه مثلها مثل فرد الاساس ، تكون موجود بالمعهد
م تطلع الا خميس وجمعه

الله يعطيك الف عافيه

وينه المعهد
وين بيكون مكتب التجنيد للقبول المبدئي

[الحال واحد]

الله يوفق الجميع

[كلوٍد]

المشاركة الأصلية كتبت بواسطة ثينمان

الله يعطيك الف عافيه

وينه المعهد
وين بيكون مكتب التجنيد للقبول المبدئي

بالقصيم / بريده .. بجنب مطار الامير نايف ببريده

موفق خير