بسال عن شئ بالعقد

[ود حياتي]

السلام عليكم ورحمة الله وبركاته
اخواني في الله انا اشتغل بغير مسمى وظيفتي بالعقد
وطالبتهم بان يكون شغلي نفس اللي بالعقد
لان الشغله اللي انا فيها متعبه جدا
وانا اصلا وظيفتي اداريه
وهم يماطلون
رغم اني مسجله بالموارد والتامينات وراتبي مابه مشكله
الحمدالله
ابي اعرف هل في طريقه اجبرهم بتغيير الشغل بواسطة العقد
بعضهم يقول الشغل ماله علاقه بمسمى الوظيفه بالعقد
لاتمرون وماتردون طمنوني

[احمد الزايدي]

لا توافقي على اي شغل خارج عن العقد اذا عندك صورة من العقد اتبعي اجرائات الشكوى في المنشأة وحبذا تخاطبين الادارة القانونية بالموضوع ليش يوظفونك على هذا المسمى ؟؟ يحتالون على النظام

[مترجمه منسقه]

انا في بداية مشواري الوظيفي كنت اشتغل كل شي
مثلا وظيفتي مترجمه واشتغل لهم اتش ار وسكرتاريه و ارشفه وخدمة عملاء وحتى المكتب احنا ننظفه

بس ربك فرجها صبرت معهم فتره و اخذت الخبره ولقيت وظيفه ثانيه
بدون الخبره الوحده صعب تحصل وظيفه

[ود حياتي]

الله يوفقكم احمد الزايدي ومترجمه منسقه
انا ابي اغير الوظيفه تعبت والله كل شئ على راسي الف شغله اسويها
حتى عمل المهمل نسويه ولا ينطرد الشغل اللي بعقدي يريحني من
هالشغلات المتعدده
انتظر اخلص المعهد واخذ شهادة واتركهم لو ماتغير
الرزق على الله

[غداً نلتقي]

طبعاً بإمكان مطالباتهم بالعمل وفقً العقد المسجل بينكم

بس الشي الوحيد واللي للاسف راح يصير لك
انهم بيمسكونك الباب من اتفه الاسباب .

إلا بحاله وحده

وهي ان اللي مشغلك بغير مسمئ العقد هو موظف اداري او مدير اداري
يعني مو مدير الشركه العام _ بكذا تقدرين تكتبين له معروض وتشرحين له الاسباب
وتحاولين تضيفين كلام _ مثل اني بحاول اثبت وجودي واطور من نفسي ولا اجد ذلك في عملي الحالي خاصة وانه ليس عملي المسجل في العقد
ومن ذا الكلام

[ود حياتي]

الله يوفقك غدا نلتقي
المنشاة اللي انا فيها يوجد مدير ثانوي
انا ارسلت للمدير الاصلي بالفرع الاول الرئيسي ومانصفني
رغم اني كتبت كل شئ طنشني حتى يوم قلتلهم ليش ينخصم ايام العزا من راتبي
رغم بالعقد العزا ماينخصم
يقولون اشتغلي لمن يجي مدير جديد ينصفك
والله حاسه بتعب وشكل رزقي بينقطع ماعد استحمل اكل خلاص
الله يخلف علي بخير

[غداً نلتقي]

انتي تقدرين تشتكين عليهم بمكتب العمل _ وراح ينصفونك ولو ان المساله ( يمكن تاخذ وقت )
اضيفي إلئ ذلك _انك تقدرين تقدمين عليهم شكوئ ثانيه _ فصل تعسفي .اذا الشركه فصلوك _

والشي هذا خليك متأكده منه .

أَنٌـ«❤»ـآإ ادري انك تبين راي بسيط و ماتبين شكاوي ودوشة راس
لكن هذه هي الطريقه الوحيده من ناحية النظام .

وقبل هذا كله
أَناانصحك انك تحاولين تتفاهمين معهم اكثر من مره لعلئ وعسئ
استغلي الاوقات اللي تطلبين فـ♡ـيها تغيير عملك _ مثل لما تتعين عندكم موظفه _
يمكن يمسكونها مكانك و يغيرون عملك _ او لما تفصل عندكم موظفه _
لانهم بيخلون لك الاولويه بسد ثغرت الموظفه المستقيله او المفصوله .
وبنفس الوقت وهو المهم انك تدورين علئ شركه ثانيه وانتي على راس العمل
المشكله با اغلب مدراء الشركات عندنا انهم ينقسمون الئ قسمين
قسم مدراء سعوديين ( ماصدق ان تكون له سلطه ويبهذل بموضفينه )
وقسم مدراء وافدين ( فيهم من الحسد والعنصريه م الله به عليم )

[ود حياتي]

انتي صادقه بكل كلمه قلتيها غدا نلتقي
الحين مافي موظفه بمكان عندهم قلت حولوني حسب وظيفة عقدي يماطلون
انقهرت القولون العصبي انتفخ عندي واله
المدير مصري المدير السعودي الاصلي بالفرع الاول موكله بكل شئ
وهذا يطفش كل بنت سعوديه تتوظف
ارسلت للسعودي يقول الحين مديرك المصري القرار عنده يغيرك اولا
موظفة الموارد ماتجي عندنا
في مكان فاضي بس مابيحولوني خلاص قررت اتركه ومقتنعه الله يخلف علي بخير تعبت
الحين لي 10 شهور من دعم الموارد بتاكد انهم سحبوني من الموارد والتامينات
الله لايبارك فيهم

[يزيدٌ]

اطلبي من مديرك المباشر وصف وظيفي لوظيفتك الحالية بشرط تكون تحت مسمى وظيفتك

الشي الأخر بعد مايكون عندك وصف وظيفي ، لاتسوين أي عمل خارج اطار وصفك الوظيفي

علماً بان وزارة العمل متشددة من هذه الناحية
كما ينص نظام العمل على انه لايجوز تشغيل الموظف بوظيفة تختلف جوهرياً عن وظيفته الحالية الا بعقد جديد

[ود حياتي]

الله يوفقك يزيد
والله اشتغل اشغالهم وهم ورى النت جالسين الله لايبارك فيهم ولايهنيهم