الشرطة العسكرية الخاصة

[فهدالوادعي]

السلام عليكم ورحمة الله وبركاته

عندي إستفسار بسيط جدا أتمنى تجاوبون عليه

زمان أيام كنت أدرس بالمتوسطة والثانوي كنت أشوف الشرطة العسكرية أللي لون سياراتهم أحمر ولبسهم لبس الجيش يختلف فقط أن لون القبع أو البيرية أحمر، كان حلمي أصير ضابط في الشرطة العسكرية، كلمت الوالد بعد الثانوي أدخل كلية الملك عبدالعزيز الحربية لأني عرفت أن الشرطة العسكرية تابعة للقوات البرية صحيح أن فيه للبحرية والجوية بس أنا أقصد أللي كنت أشوف سياراتهم بالشوارع هذولا تابعين للبرية إختصار الموضوع أن الوالد ماوافق رفض الفكرة يقول تبغى تدخلها بعد الجامعة أنا موافق لكن ألحين لا أستخرت الله دخلت الجامعة تخصص صحي هو أشعة تشخيصية والآن محتار هل يخرجون في كلية الملك عبدالعزيز الحربية تخصص الشرطة العسكرية ضابط أو فقط أفراد !! والإستفسار الثاني أنا ماحب شغل المستشفيات أبغى عملي ميداني لكن تخصصي صحي هذي المشكلة هل أقدر أعمل ميداني ؟

[عسكري طموح]

بالنسبه لتخصص الشرطه العسكريه موجود في جميع او اغلب القطاعات ..

منها الامن العام ..

والطوارئ

والجيش ..

والحرس الوطني موب بريهه مدري كيف قايل شكلها ..

والقوات الجويه ..

..

وبالنسبه اذا تبيها بعد الجامعه .. الكليات الي تخرج ضباط .. هم يعطونك تخصص موب شرط انت تختار ..

واذا بتدخل الامن او الطوارئي في رتبته رقيب .. تاخذها مداقشه .. الطوارئ يمديك تاخذها على طول .. لبسهم عادي لكن على الكتف مكتوب الشرطه العسكريه والبريهه حمراء

[فهدالوادعي]

المشاركة الأصلية كتبت بواسطة عسكري طموح

بالنسبه لتخصص الشرطه العسكريه موجود في جميع او اغلب القطاعات ..

منها الامن العام ..

والطوارئ

والجيش ..

والحرس الوطني موب بريهه مدري كيف قايل شكلها ..

والقوات الجويه ..

..

وبالنسبه اذا تبيها بعد الجامعه .. الكليات الي تخرج ضباط .. هم يعطونك تخصص موب شرط انت تختار ..

واذا بتدخل الامن او الطوارئي في رتبته رقيب .. تاخذها مداقشه .. الطوارئ يمديك تاخذها على طول .. لبسهم عادي لكن على الكتف مكتوب الشرطه العسكريه والبريهه حمراء

يالغالي أنا أبغى حقت الجيش وبدخل كلية الملك عبدالعزيز الحربية لكن خفت يوم أنك تقول هم يعطونك التحصص لأن أعرف ناس يقولون كلية عبدالعزيز تقدر تختار على كيفك وهل يخرجون ضباط في الشرطة العسكرية ؟ وهل أقدر أخلي عملي ميداني لأني إنسان حركي ماأحب الروتين المتكرر وتخصصي صحي يعني لو صرت إخصائي ضابط بيكون روتين متكرر وممل ، ياليت يالغالي تجاوب على هذي الأسئلة ويعطيك العافيه أستفدت منك كثير

[مخااوي االذيب]

يا رجال كلها روتين ميداني و إلا غير ميداني

إذا بيحطونك في الشرطه العسكرية بتشرف على أفراد الشرطه العسكرية و تنظمهم
و الشرطه العسكرية تحرس قاعدة أو مدينة أو مبنى عسكري يعني لا تروح و لا تجي يعني بلا تفر في نفس المكان
يعني الروتين ما منه مفر
و ادع ربك يقبلونك و ذيك الساعه تعال اسأل
و بعدين الدكتور العسكري راتبه قوي و أفضل من الميداني و الشموس و قلق الاشراف على الجنود