بطاقه منتهيه من سنتين ومفقوده

[هيا الخالدي]

السلام عليكم ورحمه الله
بااختصار انا لي سنتين منتهيه بطاقتي ويوم جاء الاستعلام وانا اللي استعلم عن حسابي والقى مبلغ زين
وابيه وش اسوي الحين واروح لهم وش اقول اقول انها انتهت واني توظفت وظيفه زي قلتها يعطوني فلوسي عالاقل اللي فيه ماابي غيرها المهم وش الاوراق المطلوبه علمآ ان البطاقه مفقوده تكفون ساعدوني والله اني بحاجتها

[محمد البلادي]

وعليكم السلام
اولا الوظيفه اللى انتي فيها كم راتبها وهل هي وظيفه حكوميه ام قطاع خاص
ثانيا ادخلي على الموقع ماهي حالة الضمان هل هي قائم ام مسقط ام ماذا
اخاف ان يكون تم تسجيلك بالتأمينات ولم تبلغي الضمان وتم وضعك بالقائمه السوداء

[هيا الخالدي]

حكوميه والضمان قائم
اروح لهم اشوف يجددون لي ولالا ؟

[محمد البلادي]

مادام انك متوظفه قولي الحمدلله ومالك ومال الضمان لأنه لايجوز لك الضمان

[محمدااااا]

علئ الاقل تاخذ المبلغ وتتصدق فيه بدال لا مايتعلق بالصرافه ولا يوزعونه الموظفين قيما بينهم

[محمد البلادي]

طيب واذا اكتشفو انها موظفه ووضعت بالقائمه السوداء هل الناس ينفعونها وهل الناس ينفعونها اذا حاسبها ربها عن مال الزكاه الذي لاتستحقه وصرفته على زيد وعبيد والموظفين اللي برأيك يوزعوه فيما بينهم هل وصل بنا التفكير لهذه الدرجه
لاياعزيزي الاموال المجمعه من مصرف الراجحي تذهب رأسا لحساب الضمان وبموجب مستندات للمسحوب من حسابات المستفيدين الذين لايستحقون الضمان

[هيا الخالدي]

وكيف انت حكمت علي اني مااستحقه تعرف ضروفي تعرف راتبي اصرف على ناس وراتبي 4000 ووراي اجار وماجيت اطلب احد هذا حقي
لكن حكمك بهالطريقه ظلم لي بدون ماتعرف ايش ضروفي وهل انا استحق ولالا
وبعدين شي من حقي

[محمد البلادي]

انا ماحكمت عليك ولا شي انا وضحتلك النظام ورأي الشرع بأنه لايجوز لك ذلك وأنت لك الاختيار وكل شهر نسمع عن ايقاف معاشات الكثير من الناس ووضعوا تحت القائمه السوداء وهناك قضايا مرفوعه من الضمان على عدد من الناس بسبب ذلك اما انك تقولي حقي لا ماهو من حقك انتي عارفه النظام ان اي بني ادم يتم توظيفه يستبعد من الضمان وأموال الضمان من الزكاه
هذاهو مااردنا ايضاحه لك ولك الاختيار وبأمكانك مراجعه الضمان
يغلق