29-08-2014, 10:54 PM
|
عضو مهم
|
|
تاريخ التسجيل: Apr 2014
الدولة: حـــــايـــــل يا بعد حيي
المشاركات: 290
معدل تقييم المستوى: 64
|
|
((( البريد كله واسطة في واسطة )))
سبق أن قدمت عليهم في التقديم الأخير على وظيفة مأمور عمليات بريدية
في مدينة حائل وبعيوني الثنتين شفت الواسطات أشكال وألوان وبموديل جديد 2014..تبي غمز موجود
تبي لمز موجود..تبي تشوف إشارة بميلان الحواجب من موظف في البريد لقريبه راح تشوف..تبي تشوف
موظف في البريد وهو يمسك بيده قريبه ويدخله قبل الناس اللي تنتظر على مسؤولين المقابلة الشخصية
ويوصي زميله عليه راح تشوف..عندك واسطة راح تخلص المقابلة الشخصية بدري حتى لو جيت متأخر
وحتى لو فيه ناس ينتظرون وموجودين قبلك..ما عندك واسطة بتكون مثلي مسكين تجي قبل موعد المقابلة
بــ 40 دقيقة وما تطلع منهم إلا بعد صلاة الظهر بحوالي ساعة الى ساعة ونصف مع العلم إنه بالرسالة يطلبون
منك الحضور الساعة 10 صباحا!!!
قبلوا ناس أعمارهم ما تمت 19 سنة وشواربهم ما خطت للحين وطردوا قدام عيني واحد يملك شهايد إضافية
بسبب نقص حاد في فيتامين واو!!
شخصياً أنا للحين متردد أقدم على مأمور عمليات بريدية بالشرقية وإلا لا..خايف يصير لي ما صار بحائل!!
فاالنا التوفيق والوظيفة أجمعين..آآآمين
التعديل الأخير تم بواسطة فََهد الشمري ; 29-08-2014 الساعة 10:57 PM
سبب آخر: !
|