اختلفنا انا وشريكي في تقسيم الارباح

[انا رهييب]

السلام عليكم ورحمة الله وبركاته

كيفكم ان شاء الله طيبين

بدخل بزبدة الموضوع على طول
زي ماهو واضح بالعنوان انا وشريكي قررنا نبتدي مشروع
رأس المال 50/50 بيننا
الفرق بيني وبينه ان انا املك سيارة ددسن
يعني البضاعة نحملها بسيارتي كل يوم والبضاعة وزنها ثقيل
عاد انا قلتله الربح يكون 60% و 40% بسبب اني انا املك السيارة
واكيد مع الزمن راح تكثر اعطال السيارة بسبب التحميل الزايد اللي انا راح اتحمل مصاريفه
بس هو اختلف معي وقال لا
هو قال الربح يكون 50% لي و 50% لك وكل يوم نخصم من الربح قيمة البنزين
واذا السيارة تعطلت واحنا بوقت العمل نخصمها من الربح واذا خارج وقت العمل تتحملها لوحدك

فما ادري عاد ايش رايكم بالموضع هل النسبة متعادلة بتوزيع الارباح
وايهما الاصح او الاقرب للصحيحة
وانا وهو ننتظر الاجابة حتى ما احد يظلم الثاني

وشاكر لكم مقدماً واتمنى منكم الاجابة
واللي حاب يضيف شي من عنده عن طريقة توزيع الارباح لا يتردد

[بوحسونه]

إذا هذي من بدايتها وفيه خلاف على الأرباح فأبعدوا عن الشراكة من الآن لاتتطور الخلافات بعدين في نص شغلكم أحسن لكم.

[حيرتني]

البضاعه اذا انت وهو دافعين قيمتها
وانت وهو بنفسكم تشتغلون على السياره
الحل هو انكم تاخذون السياره بعقد ايجار

مثال يكون السياره ايجارها يومياً 50 ريال

ويتم تقسيم قيمة الايجار على 2
يعني عليك 25 و هو 25
وبكذا هو يدفع لك كل شهر من نصيبه 750 ريال قيمة ايجار السياره

وبخصوص الاعطال تتحملونها الاثنين اذا تعطلت خلال العمل

اما البنزين برضو نفس الطريق يقسم قيمته عليكم الاثنين كل واحد يدفع النص

هذا الي انا اشوفه

أو يتحمل هو قيمة البضاعه و أنت غليك السياره وبكذا تتحمل انت جميع مصاريف السياره
ما عداء البنزين نص عليك ونص عليه


اذا فيه معلومات ناقصه مثل ان واحد منكم يشتغل والثاني فقط يدفع قيمة البضاعه او شي زي كذا
اذكره عشان نوضح لك أكثر

لأن الشركات مختلفه وكل شراكه لها طريقة بتقاسم الارباح


فيه مثال من يدخل معك شريك بالمجهود
فيه من يدخل بالمال فقط
فيه من يدخل بالمال و المجهود

وكذا يعني وضح لنا اكثر نفيدك اكثر

والله يوفق الجميع

[شاهق]

المشاركة الأصلية كتبت بواسطة حيرتني

البضاعه اذا انت وهو دافعين قيمتها
وانت وهو بنفسكم تشتغلون على السياره
الحل هو انكم تاخذون السياره بعقد ايجار

مثال يكون السياره ايجارها يومياً 50 ريال

ويتم تقسيم قيمة الايجار على 2
يعني عليك 25 و هو 25
وبكذا هو يدفع لك كل شهر من نصيبه 750 ريال قيمة ايجار السياره

وبخصوص الاعطال تتحملونها الاثنين اذا تعطلت خلال العمل

اما البنزين برضو نفس الطريق يقسم قيمته عليكم الاثنين كل واحد يدفع النص

هذا الي انا اشوفه

أو يتحمل هو قيمة البضاعه و أنت غليك السياره وبكذا تتحمل انت جميع مصاريف السياره
ما عداء البنزين نص عليك ونص عليه


اذا فيه معلومات ناقصه مثل ان واحد منكم يشتغل والثاني فقط يدفع قيمة البضاعه او شي زي كذا
اذكره عشان نوضح لك أكثر

لأن الشركات مختلفه وكل شراكه لها طريقة بتقاسم الارباح


فيه مثال من يدخل معك شريك بالمجهود
فيه من يدخل بالمال فقط
فيه من يدخل بالمال و المجهود

وكذا يعني وضح لنا اكثر نفيدك اكثر

والله يوفق الجميع

أتفق معك
كلامك منطقي

[ماحصلت اسم اسجل]

طلعوا 10% من الارباح حطوها في حساب خاص 10 او 5% والباقي تقاسموه واجرة البنزين بنص

واللي طلعتوها اي اعطال في السياره تتصلح من اللي طلعتوه لأن السياره اصبحت جزء من المشروع

[انا رهييب]

الشراكة بالجهد والمال بيني وبينه واحنا مو مختلفين بالشكل اللي تتخيله لا
المقصد انه مافي احد يبي يظلم الثاني فقط

[مستثمر مبتدء]

ضروري لك نسبة بدل تحميل وبدل اعطال وبدل وقود وزيت .. الخ

[عاطل وحالتي حاله]

كلام احد الاخوان صحيح

خل سيارتك على جنب وطلعوا سيارة ايجار وبالنصف بينكم

هذا انسب حل

[بطبعي هادي]

أنا فكرتي من فكرة عاطل طلعو سياره وخل سيارتك على جنب

[بيوتيفول]

اول شي السيارة ملك شخصي لك وليست ملك للمشروع ... يعني السيارة واستخدامها ليست من واجباتك تجاه المشروع كلياً الا في حالة انك كنت متكفل بالسيارة مجانا قبل بداية المشروع فكذا تصبح ملزم باستخدامها للمشروع مجانا .... وما عدا ذلك فالسيارة ملك شخصي لك ويحق لك تأجيرها على المشروع او بيعها للمشروع وشريكك ملزم بدفع نصف قيمة الايجار او الشراء وكذلك مصاريف السيارة او تبحثون عن سيارة اخرى للمشروع وتتشاركون قيمتها ومصروفاتها .