تريلة ماء000وش نصيحتكم

[صبارسعد]

السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين اخواني 00عندي مشروع تريلة ماء كم سعر التريلة وكم دخلها الشهري وما هي سلبياتها

[الفكر التجاري]

دخلها زين بالمناطق التي لايوجد بها مشروع

[دموع شايب]

سعرها من 160 الف الى 200 الف طبعا هذي من موديل 1990 الى 1998
وبالنسبه للدخل تقدر تاجرها باي مشروع من 15 الف الى 20 الف على حسب مشروع المستاجر.

[الطربيد]

عليكم السلام ورمه الله وبركاته

تحصل شيء جيد كا إستخدام وسعرها مابين 90 الف وأنت طالع

وأقترح عليك بالموديل القديم من 88 ونازل لانه أقوى وبدون هيدروليك

ولاتستعجل في الشراء

طبعاًَ كل رد موية يطلع لك فيه مكسب 100 وطالع على حسب المكان

وإذ بغيت تشتغل صح حط لك لوحة في المخططات الي ماوصلها الموية

مثل الإستراحات الي في المناطق القريبة من الرياض بنبان وماجر غصنها
وصدقني فيها فلوس بس يبيلها صبر وجلاده

أتمنى أني قدرت أفيدك

[صبارسعد]

اخوي الطربيد ودموع شايب والفكر التجاري شكرا لكم شكرا هل توجد سلبيات لمثل هاالمشروع وهل الاسعار مع التيدر او فقط الراس

[محمد الطميحي]

في الحقيقة مشروع التريلة ذو دخل جيد
ولا أتوقع له سلبيات مخيفة
وأهم شيء تكون التريلة نظيفة لا تطلب قطع على المدى البعيد
وفقك الله لما فيه الخير

[رويال رويال]

بصراحة مشروع التريلات كويس بس الواحد الحين صار يخاف من السرقات خاصة اذا مالك مكان تحطها فيها واذا انسرقت والله اذا ماجاك شي زين هذا اذا لقيت احد من المرور يدورها والله انسرقت سيارة كبيرة حق واحد من معارفنا وله كمن جمعة مايدري عنها والله لو تشوف وجه يرحم الله يعوضة والمرور نايم ماعندك احد قال ايش دوروها حسبي الله عليهم المهم الله يوفقك بس احترس