مطلوب شخص يملك فيزا او يكون وسيط ألكتروني لمشروع قادم

[مسترشنب]

بسم الله الرحمن الرحيم
إبتدائا في الموضوع أو في قصتي
أنا شخص تحمست للتجارة وجبت البضاعة عن طريق فيزا وبايبال
لكن للأسف كنت أمشي في الطريق الخطا وعلى ذلك
تحملها ألي طلع الفيزا أنه تم نقل راتبه للفيزا والبنك مو راضي يرجعها
لحسابه الجاري وهذا الشخص جالس يدخر لذلك أضطر لإيقافها

^ عشان تعرفون ليش ما أقدر أطلع فيزا
المهم أبي أخذ طلبات أصحاب المحلات من أغراض
وأجيبها في كرتون واحد مثلا محل يبي 25 كفر ومحل يبي 20
يصير أجيبها في كرتون 45 وأوزعها وأعطي صاحب الفيزا عمولته
ونسبة من الأرباح

^ هذا طريقة عملي

أما صاحب الفيزا المطلوب منه يربط الفيزا حقته في بايبال
لأنه لو ربطها في أي موقع يصير أقدر أخذ بيانات الفيزا
أو يتم أستخدامها لغير مصلحته بإختصار غير أمنة

مثلا أنا جمعت طلبات جملة وباقي الدفع أما أعطيه رابط الفاتورة على بايبال
أو حسابي في متجر بيع الجملة وهو يتمم لي الطلب


للراغبين في المساعدة واتس : 0581619588

[مسترشنب]

مع العلم أني في بداية طريق النجاح

[هافانا]

اخوي رح بنك البلاد وافتح حساب وانت عندهم

واطلب بطاقة مداد في السنه 100 على ما اعتقد

تقدر تحجز وتشتري احسن لك لان على حسب فهمي

اتوقع الناس بتخاف الحين وتعرف الاوضاع الاقتصاديه والامنيه تخوف😳

ويمكن يمكن فهمي غلط لاني اكتب على عجاله

وفي الاخير الله يوفقك وييسر امورك يالغالي

[ultan$]

اخوي روح ل بنك الراجحي وافتح حساب وقوول لهم ابي فيزا شحن
يعطوووك فيزا وانت كل ما تبي مبلغ تشحنها وتحول اللي تبي
ذي مجانية من البنك

[رجل نادر جدا]

فيزا احسن لك تطلعها باسمك احسن ما تورط نفسك والناس اللي معاك

بغض النظر عن الثقه انت اختصر الطريقه على نفسك وفي اي بنك تقدر تسويها بمية ريال بس اهم شي يكون فيه حساب باسمك في

نفس البنك الله يوفقك ي اخوي

نصيحة اخوية لا تثق بأي شي الا وانت مدركه صح

[رونالدينو]

بنك الانماء بطاقة الصراف العادية تقدر تحولها الى فيزا عن طريق الموقع و تشتري و اذا خلصت غيرها الى صرافة عادية.. لا تطلب المساعدة من احد من ورا الشاشة لنظرا لمخاطر هالشغله..

[مسترشنب]

كل البنوك تطلب راتب فوق 5000 لفتح فيزا وأنا أصلا مو قادر ألفى وظيفة ب3000
بعدين أنا أدور عن وسيطين أقدر أتعامل معهم

[رونالدينو]

المشاركة الأصلية كتبت بواسطة مسترشنب

كل البنوك تطلب راتب فوق 5000 لفتح فيزا وأنا أصلا مو قادر ألفى وظيفة ب3000
بعدين أنا أدور عن وسيطين أقدر أتعامل معهم

كلامك غير واقعي و غير صحيح.. البنوك ما تشترط مبلغ لفتح حساب.. بس انت احتمال انك مو سعودي

[مميز الاحساء]

المشاركة الأصلية كتبت بواسطة مسترشنب

كل البنوك تطلب راتب فوق 5000 لفتح فيزا وأنا أصلا مو قادر ألفى وظيفة ب3000
بعدين أنا أدور عن وسيطين أقدر أتعامل معهم

عزيزي كلامك في خطأ أعتقد , ع العموم في بنوك تعطي فيزا مسبقة الدفع مثل ما يقولون وأعتقد ما يطلبون منك لا راتب ولا رصيد فيها ما عليك الا تشحنها بالمبلغ المطلوب وتشتري منها

مثل عندك بنك السعودي للأستثمار أنا طلعت فيزا التسوق والبطاقة أستخرجتها بمبلغ 100 ريال فقط

اي شيء ابي اشتري من الخارج أشحنها بالمبلغ وادفع فقط لا غير

وياكثر البنوك التي تعطي فيزا مسبقة الدفع وأولهم الرياض

وفق الله الجميع

[اناالسعوودي]

مايحتاج كل اللي ذكرت


الان بطاقات الصراف العادية مدى

تعمل عمل الفيزاء


استخدمها

وخاصة صراف بنك الانماء وعليها تخفيض



موفق يارب