مساعدة يا أحبه في مشروع محل جوالات .

[interstellar]

جمعت لكم مجموعه اسماء تقنيه لمحلات الجوالات بسيطه وسهله الحفظ ولها طابع تقني , والي عنده اسماء حاب يضيفها يتفضل

Cloud store
Cloud tec
I tec
High tec
Global.store
Tichno store
Target tec
Tecnologi shop
Global tech
Smart tec
Tec world
Tec source
Tec of tomorrow
Tec store
Cyber cloud

[interstellar]

أتمنى من المشرفين تثبيت الموضوع ع الاقل مؤقتاً حتى تخلص فترة مشاريع توطين قطاع الاتصالات نظراً للعدد الكثير الي متقدمين لنفس هذا المشروع الي ماحصلوا أحد يفيدهم في المنتديات والمواقع .

[A97zooz]

المشاركة الأصلية كتبت بواسطة interstellar

الله يوفقنا وياك يافهد ..

الموزعين وغيره باقي للحين ماسويت شي والموزعين كثر وامرها بسيط روح اقرب محل وشوف كيف الموزعين وافضل لك تاخذ بضاعه من جده الرياض بالجمله امرها هين وبسيط ..

وصف المشروع : اكتب لي وش ناقصك واعطيك البيانات الي ناقصه عليك ... رغم ان وصف المشروع في الموقع مايهم تكتب شي مهم اكتب بالمختصر لان الموقع مايهتم بالي كتبت . المهم دراسه الجدوى تكون بطله وبيساعك المدرب في انجازها .. ولا يهمك اي شي ينقص عليك مستعد أساعدك

من وين قدمت وكم المده عشان يقبلون طلبك وكم عطوك ممكن ترد لأني افكر اشتري محل اتصالات

[interstellar]

المشاركة الأصلية كتبت بواسطة A97zooz

من وين قدمت وكم المده عشان يقبلون طلبك وكم عطوك ممكن ترد لأني افكر اشتري محل اتصالات

قدمت في موقع رياده , سجل في دورة صيانه اجهزه الجوال لمده 5 ايام وقدم بعدها على رياده عشان يصير قرضك كبير اذا قدمت بدون دوره الصيانه يصير قرضك من 70 الى 90 الف واذا معك دوره يصير قرضك من 100 الف اللى 130 الف الي هو اعلى حد للقرض .

وماقولك فكر تفتح محل أنصحك واقول أفتح محل لان الاجرآت سهله وسريعه وماتاخذ الا شهر او شهر واسبوعين وانت مخلص كل شي .

[شادي الوادي]

السلام عليكم و رحمة الله و بركاته
و الله إني سعيد مررررررررة إني حصلت ناس مقدمين مثلي على برنامج ريادة ( توطين قطاع الإتصالات )
و سعدت أكثر و أستفدت من قراءة مشاركاتكم حقيقة .

أخواني أنا قدمت طلبي و بفضل الله جاني قبول مبدئي
و موعد مقابلتي ب 19 شوال مثل فهد العنزي

وش رايكم بما إنو حنا بمجال واحد نسوي قروب على واتساب
نتبادل الخبرات و المعلومات الآن و مستقبلا
و نكون عون لبعض لفك التكتلات حقت الاجانب إللي أعثت فينا و في البلد فسادا ههههه
دورنا نتحد و في الإتحاد قوة

الدعوة لكم lntersteller و فهد و هذا رقم جوالي 0500045411 راسلوني عشان أضيفكم
بالقروب و كمان أي شخص آخر يشاهد مشاركتي و مقدم حياة الله

و الشرف لي بمعرفتكم جميعا مقدما

[عين القناص]

نصيحة مهندس بالصيانة
قبل ان تقدموا على اي شي
انزلو السوق وشوفوا الوضع من قريب
وكيفية البيع والشراء والصيانة

ربما البيع والشراء امرها بسيط ولكن الصيانة يجب عليك ان تدخل السوق وانت تقريبا فوق 70% ملم

الله يوفقكم ان شاء الله
واي سؤال بالصيانه بالخدمة

[عوطالي]

... جميل

[شادي الوادي]

غريبة ما في تفاعل في بالموضوع .. المقدمين على توطين قطاع الإتصالات كثير !!!!

[ابي احقق امنيتي]

اتمنى ان يكون هذا الموضوع تجمع لمشروع توطين الاتصالات

[فهدالعنزي20]

الله يوفقنا وياك ويغنينا بحلاله عن حرامه

مالكم بطويلة انا الى الان بحالة دراسة لسوق

وانصح اي احد متجهه للمجال يسمع ويسمع ويسمع ويشوف ويفهم قبل اي شي

ولا تستحي انه تسال احد اسال عن اي شي ولو تافه اهم شي تكون عندك دراية عن المجال




طيب الي لاحظته وسالت عنه ان الناس تبي تنجذب لشي الي عليه ضمان وعارفة وين مصدرة هذا من جهه البيع

ام من جهة الصيانة تبي الصيانة الفوريية الي قدامها تخلص شغله ويتوكل على الله وهذا الي بيرجعه لمحلك سرعه وثقه وامان انه مايتفتش جواله



طيب نجي لااسئلتي

ابي اعرف كيف نفرق بين الاصلي وتقليد درجة الاولى ولا ثانية

وكيف اقدر اسوي ضمان لمحلي مثل اكسترا ولا جرير ولا اكسيوم وش الي يفرق كل ضمان

مثلا تجربتي انا مع اكستر قالو ضمان ساسمونج نفسه واخذو من 600 بس ان الشاشه اكيد اصلي

ياليت احد فاهم بذي النقطه ينورنا فيها




وغير كذا بسال هل فتح محل صيانة وبيع يحتاج عضوية بلغرفة التجارية وايش المعملات الي امشي فيها