الديوان الملكي والمقطوعه

[حمايه جهازك]

اللي مقدم على المقطوعه ومكتوب له موعد الصرف اللي هو من شهر 11 و12 و1 وبعدها

المهم احنا بشهر 1 وما نزلت قدمت شكوى ضد الشؤون الاجتماعيه على الديوان الملكي وبالفعل تحولت المعامله الى الوزاره واتصل علي الموظف ويقول انت مقدم شكوى قلت ايوه المقطوعه وينها في فلوس او لا قولو لنا الصدق الناس تنتظر ونبي كلام واضح قال في فلوس وغريبه طولت وقال لي بحولها الى منطقتكم تستكمل بقيه الاجراءات

كل واحد مستحق للمقطوعه يرفع شكوى بشكل رسمي للديوان الملكي بموقعهم تواصل اعتقد سهل ومجاني لان الديوان الملكي فيه ناس قريبه من الملك وراح يعرف كل شي نصيحه قدمو شكوى على الموقع الرسمي وتابعو المعامله وبعد اسبوه بالكثير راح يتصلون عليك وارفع بالموقع هويه وطنيه او صوره كرت عائله من الحين

ممضون البرقيه بالموقع اكتب بعد السلام والتحيه الى مقام سيدي خادم الحرمين الشريفين اطلب من الله ثم منك مساعدتي في ان تصرف لنا المقطوعه السنويه بشكل عاجل علما باننا بحاجه ماسه اليها وهي تاخرت عن الصرف منذو عده اشهر المهم زي كذا اكتب وكلام مؤثر وابشرو بالخير باذن ربي

[ام ياسمين22]

ربي يفرجها لنا ولك

[zoz]

جزاك الـلـَّــه خير. ماسألو عن اي شي يخص المقطوعه وعن الحالتك الماديه.
بس كيف.
يقول غريبه وبحولها لمنطقتك تستكمل بقية الاجرائات
هذا الكلام. من موظف الديوان والا من موظف الشؤون الاجتماعيه

[حمايه جهازك]

لا تحولت الى الشوؤن الاجتماعيه طبعا كلمني موظف وزاره الشؤون الاجتماعيه وقال لي في فلوس للمقطوعه بس لا تستكون نصيحه راسلو الديوان الملكي عشان الدوله تراقبهم هذا افضل طريقه نظاميه باذن الله تاخذون حقكم

[زهرة الصفاء]

حل ممتاز
العيار اللي ما يصيب يدوش
كثرة الشكاوي تخليهم يلتفتون للقضية ويعرفون ان هناك خلل لا يرضى الله ولا رسوله ولا ولي الامر
المهم فعلا الكل يرسل
ترى يد واحدة ما تصفق
نبي همتكم جميعا

[الصباح ال]

حاولت ارسل وارسلت ردو لي الرساله يقولو ناقصه صورة الهويه كيف ارسل الصوره ماعرف افتوني الله يخليكم

[حمايه جهازك]

ارفعها بالموقع الصوره الهويه الوطنيه وبعدها راح يطلع لك تحت الاجراء وخلال اسبوع باللكثير يجيك رد

[الصباح ال]

اي موقع انا ارسلت عن طريق تواصل الديوان الملكي

[حمايه جهازك]

ايوه هو مافي غيره نصيحه الكل يراسلهم لازم صوتكم يوصل للديوان الملكي بخصوص المقطوعه السنويه يد الله مع الجماعه شاركو بالارسال ما تاخذ منك دقيقه بالموقع وارفع بس صوره الهويه او صوره كرت العائله اتكلم على اللي مقدم بالمقطوعه نصيحه قدم بالموقع تواصل

[الصباح ال]

انا شكل طريقتتي غلط صورة الهويه بالجوال هههه وحاولت ارسلها للموقع ماضبطت هل طريقتي صح او غلط ؟؟ وش الطريقه الصح علمني!!