من استخرج تقرير التوحد الرجاء المساعدة

[متقاعد عما قريب]

السلام عليكم من قد استخرج تقرير من أي مستشفى بخصوص التوحد يا ليت يضع لنا صورة من التقرير هنا لكي نستفيد منه لان بعض المستشفيات للأسف لا تعرف كيف تكتب تقرير عن طفل او شخص مصاب بالتوحد ولازم نعطيهم نسخه من تقرير ليعملو تقرير مثله مع الشكر الجزيل للجميع

[متقاعد عما قريب]

يرفع من جديد يا اخوان من لديه خطاب المستشفى عن حالة توحد مع تخلف عقلي بسيط او متوسط او شديد يا ليت يعطينا محتوى التقرير الطبي ايش كتبو فيه للأهمية وشكرا

[متقاعد عما قريب]

اليوم ولله الحمد اتصلو المستشفى عشان موعد ولدي عند اللجنة الطبية طبعا كعادة الممستشفيات جلسنا 3 ساعات وبعدين جا دورنا الطبيب شاف الولد وقال بكتب له
توحد
وفرط الحركة
وتخلف عقلي متوسط
ونستلم التقرير الاسبوع القادم بس نسيت اقوله يضيف فقرة انه لا يقوم بنشاطاته اليومية الا بمساعدة الغير راحت عن بالي
الله يوفقنا وإياكم لكل خير

[منتظر الفرحه]

الله يشفي ولدك ويشفي الجميع والله يسهل اموركم

[متقاعد عما قريب]

آمين يا رب جزاك الله خير

[متقاعد عما قريب]

رفعت التقرير اليوم ان شاءالله خير وهذي صورة من التقرير

[الفقير2]

مرحبا عزيزي
الله يشافي ولدك وكل مريض
حبيت اضيف للك ان المفروض يذكر ايضا نسبه الذكاء

[متقاعد عما قريب]

ما يعرفون شيء اسمه نسبة الذكاء للأسف زين طلع منهم تقرير

[اميره بطبعها]

اخوي متقاعد من وين حصلت على التقرير من اي مستشفى وهل تم الكشف على ابنك انا ولدي عنده صعوبه بالنطق وطلب منا الطبيب كشف التوحد بس مادري من اللي يكشف هالكشف هذا

[متقاعد عما قريب]

المشاركة الأصلية كتبت بواسطة اميره بطبعها

اخوي متقاعد من وين حصلت على التقرير من اي مستشفى وهل تم الكشف على ابنك انا ولدي عنده صعوبه بالنطق وطلب منا الطبيب كشف التوحد بس مادري من اللي يكشف هالكشف هذا

حنا المستشفى عندنا حكومي ولا يعرفون شيء اسمه التوحد دخلت على اللجنة وسألوني وش فيه الولد قلت لهم فيه توحد مع تخلف عقلي متوسط وفرط حركة مثل ما هو مكتوب في تقريره الاول من المستشفى العسكري قبل 6 سنوات وكتبوها مثل ما قلت لهم ولا كشفو عليه ولا يحزنون ما عندهم امكانيات الكشف على التوحد وقياس نسبة الذكاء