ابي اسوي مشروع وماني عارف شي

[فهد الشهراني1995]

السلام عليكم ورحمة الله وبركاته
شباب انا عمري 21 سنه في الجامعه ومتوظف بشركه وراتبي 4200 وابي اسوي مشروع بس ماني فاهم شي في الحياه ومااعرف اشخاص في مجتمعي ممكن يعلموني فلجئت للمنتديات.
من زمان وانا ابي ابدا في التجاره لاكن كان ناقصني المال والحمد لله توفر والحين ابي مشروع وقريت كثير في المواقع عن مشاريع جيده وتحقق اكبر ربح ممكن فلقيت فكره في منتدى بس ضيعت المنتدى اللي قريتها فيه والمشروع عباره عن : دينا اشتريها وااجرها على عامل لمده 5 سنوات مثلا وبعدها تصير ملكه والتامين علي والاعطال الصغيره عليه اما الكبيره فبيني وبينه بحيث يصير ربحي كبير جدا فوق ال7000 لانه بيتملكها بعد 5 سنوات وبيحافظ عليها لانها بتصير له . طبعا راس المال اقدر ادبره من الوالده الحين وبسدده لاكن خااايف المشروع يفشل وبتورط وانا اسدد في الدين اقل شي سنتين بس عادي انا جاهز اصلا دخلت الوظيفه هذي عشان اغامر حتى لو خسرت مايهم لاني باقي في الجامعه فبغيت نصايحكم وهل المشروع ذا ممكن اسويه ولا مستحيل يعني فيه عامل ممكن يقبل انه يتعاقد معي وهل الانظمه تسمح الحين بعقد مثل كذا؟ ووش المطلوب مني اسويه وكيف اعرف عامل ثقه ووش افضل جنسيه للدينات واذا احد عنده افكار ثانيه لا يبخل نصايح او حتى لو غير هالمشروع لاني ابي ابدا في التجاره اليوم قبل بكره

وفيه سؤال ثاني الحين موظفين القطاع الخاص اللي مثلي يقدرون ياخذون قرض على قد راتبهم ؟ يكون افضل من اني اخذ الفلوس من الوالده واعذروني على كثر الاسئله الغبيه بس ماني فاهم شي ابد ابد😅

اخر سؤال 😬 اللي هو باب رزق جميل هل لو جيتهم ممكن ينفعوني ؟ ولا بيطردوني مع الباب لان المشروع مابشتغل فيه بنفسي واذا تعرفون اي معلومه عن باب رزق جميل قولو الله يجزاكم الجنه

[abdullah-91]

أهنيك على الروح اللي عندك والله يوفقك ويكتب لك كل خير

لكن بصراحة باين عليك متخبط ولا تدري وش تسوي

مشروع الدينا صعب عليك أنت طالب والشركة ما تدري وش يصير معك ممكن بكره يقولوا يالله شيل عفشك وتوكل لا سمح الله

لازم تدرس مشروعك مضبوط وتفكر صح وتحسب حساب كل شي

ولا تقول حتى لو خسرت مايهم انت كذا تضيع وقت ومال وجهد عالفاضي وهذا يرضيك ؟ اذا كنت تبحث عن النجاح فما راح يرضيك

بالنسبة للقرض اذا الشركة تعطيك تعريف بالراتب ممكن تراجع البنوك ويعطوك التفاصيل لكن القرض راح يكون قليل على قد راتبك

واما باب رزق جميل وصناديق الدعم الحكومية تشترط تكون عاطل عن العمل ومتفرع لمشروعك ويكون تحت ادارتك ومتابعتك

نصيحتي لك تشوفلك مشروع تكلفته بسيطه مثلاً تستاجر فتحه وحده وتكون قريبه من السوق ولا فقلب السوق وتسوي محل آيسكريم وكرسبي وعصائر كلها بمحل واحد

وانتبه من شي واحد اذا قررت تسويلك مشروع العامل شرط اساسي يكون العامل على كفالتكم وبحكم انك طالب ماتقدر تسويلك سجل تجاري ممكن تقدر باسم الوالده الله يحفظها لو انها عاطله او باسم احد من قرايبك أحرص كل الحرص على هذي النقطه

لو جبت عمال من السوق بكره ينصب عليك ولعد تشوفه ولا يضبط شغله ويتعبك مع الزباين

طولت عليك لكن حبيت اكتب كل اللي عندي

عموماً أدرس مدينتك مزبوط وشوف وش تحتاج وايش المشروع اللي تقدر تتابعه حتى لو على فترات معينه ولا يكفك لا مال ولا جهد كثير

واذا تيسرت ونجحك في مشروعك بعد التخرج ابدا بمشاريع اكبر

تحياتي لك

[فهد الشهراني1995]

المشاركة الأصلية كتبت بواسطة abdullah-91

أهنيك على الروح اللي عندك والله يوفقك ويكتب لك كل خير

لكن بصراحة باين عليك متخبط ولا تدري وش تسوي

مشروع الدينا صعب عليك أنت طالب والشركة ما تدري وش يصير معك ممكن بكره يقولوا يالله شيل عفشك وتوكل لا سمح الله

لازم تدرس مشروعك مضبوط وتفكر صح وتحسب حساب كل شي

ولا تقول حتى لو خسرت مايهم انت كذا تضيع وقت ومال وجهد عالفاضي وهذا يرضيك ؟ اذا كنت تبحث عن النجاح فما راح يرضيك

بالنسبة للقرض اذا الشركة تعطيك تعريف بالراتب ممكن تراجع البنوك ويعطوك التفاصيل لكن القرض راح يكون قليل على قد راتبك

واما باب رزق جميل وصناديق الدعم الحكومية تشترط تكون عاطل عن العمل ومتفرع لمشروعك ويكون تحت ادارتك ومتابعتك

نصيحتي لك تشوفلك مشروع تكلفته بسيطه مثلاً تستاجر فتحه وحده وتكون قريبه من السوق ولا فقلب السوق وتسوي محل آيسكريم وكرسبي وعصائر كلها بمحل واحد

وانتبه من شي واحد اذا قررت تسويلك مشروع العامل شرط اساسي يكون العامل على كفالتكم وبحكم انك طالب ماتقدر تسويلك سجل تجاري ممكن تقدر باسم الوالده الله يحفظها لو انها عاطله او باسم احد من قرايبك أحرص كل الحرص على هذي النقطه

لو جبت عمال من السوق بكره ينصب عليك ولعد تشوفه ولا يضبط شغله ويتعبك مع الزباين

طولت عليك لكن حبيت اكتب كل اللي عندي

عموماً أدرس مدينتك مزبوط وشوف وش تحتاج وايش المشروع اللي تقدر تتابعه حتى لو على فترات معينه ولا يكفك لا مال ولا جهد كثير

واذا تيسرت ونجحك في مشروعك بعد التخرج ابدا بمشاريع اكبر

تحياتي لك

مشكور اخوي عبدالله على النصايح وفعلا مااضمن الشركه ممكن يطردوني لاكن لو سويت مشروع الدينا من ارباحها بسدد القرض وراتب الوظيفه بيساعد لاكن برضه مااضمن انها تتعطل او يصير فيها شي لاسمح الله . وبعدين الناس تبدأ من مشاريع صغار عشان تضمن ماتخسر من البدايه وانا شاطح فوق ههههههه بس ماعندي اي فكره

بالنسبه للمشروع اللي تقول افتح مكان واسوي فيه ايسكريم وكذا المشكله هذا المشروع كنت ابي اسويه اول واسوي بليله وذره وكرسبي وآيسكريم وعصائر بس ولد خالتي يقول مايربح الا في وقت المواسم يعني في الاجازات وخصوصا اني في منطقه مافيها حركه كثير واخاف اخسر عشان مافيه زباين بس مثلا لو فتحت تقريبا كم بيكلف وكم ممكن تكون ادنى ارباحه

بالنسبه للعامل اكيد بخليه على كفالة الوالده لانها عاطله

وجزاك الله خير اخوي عبدالله تعبتك معي

[abdullah-91]

العفو ونا أخوك

ياليت لو تقول أنت من وين بالضبط ؟؟ وكم الميزانية التقديرية ؟؟

أعطنا شوية تفاصيل ممكن أي أحد يقدر يساعدك ويشير عليك

أتمنى لك كل التوفيق

[فهد الشهراني1995]

المشاركة الأصلية كتبت بواسطة abdullah-91

العفو ونا أخوك

ياليت لو تقول أنت من وين بالضبط ؟؟ وكم الميزانية التقديرية ؟؟

أعطنا شوية تفاصيل ممكن أي أحد يقدر يساعدك ويشير عليك

أتمنى لك كل التوفيق

اعتذر على ردي المتأخر بس انشغلت كثير
انا ساكن في الجنوب في مدينة ابها تحديدا اما بالنسبه للميزانيه فكنت ناوي على مشروع الدينا 100 الف وكسور طبعا دين كلها لاكن بطلت لو فيه مشاريع اقل بحدود 30 الف وتحت يكون افضل
وبعدين انا دورت في اليوتيوب عن مشاريع ولقيت مشروع كويس بس ماادري عن ارباحه اللي هو : سيارة متنقله تبيع ايسكريم وبليله وذره وكرسبي وفشار وبعض الحاجات وطبعا يكون اهم شي فيه النظافه وبحط عليه عامل وبخلي المشروع خارج مدينتي يعني في منطقه يكون فيها اكتظاظ سكاني زي جده ولا مكه ولا الرياض زي كذا وطبعا رأس مال هالمشروع من 30الى35 الف وش رايكم فيه

[abdullah-91]

فكرة ممتازة جداً جداً

لكن حط في بالك أن البلدية مارح تسمح لك تروح أي مكان !!

عندك اماكن محدده فقط

انا شخصياً قدمت عليها في ريادة ورفضوني لأن ماعندي خبرة لمدة سنه خبرتي فالكوفي شوب 7 شهور فقط

كنت في أبها قبل كم اسبوع وطلعت السودة وشفت سيارة واقفه هناك تبيع كل شي لو تحصل لك فرصة وتروح هناك

ممكن تحصراعيها بنفسه وتستفسر منه عادي جداً

لكن لاحظت شي عندكم وفالخميس

الديوانيات والكفيهات مليانه شباب ما شاء الله تبارك الله

ليه ما تفكر في ديوانية فيها أقل شي 6 أو 8 جلسات والساعه ب 10 من غير الطلب

وبحكم الديوانيات المنتشرة عندكم أكيد فيه محلات متخصصه تشتغلها تقدر تزورهم وتشوف شغلهم وكم ممكن يكلفك

وبين قوسين ( محل جوالات ) مافكرت فيه ؟؟؟؟

[زرقا اليمامة]

وضيفتك هذي لاتضيعها على شان مشروع
لانك اذا تخرجت ولاسمح الله فقدت الوضيفة راح تدج خاصة اذا خسر المشروع
نصيحتي كالتالي
الوضيفة تمسك بها ولاتطلقها ابدا
ثانيا المشروع هذا مايناسبك تناسبك التجارة بضايع كوفي والخ
هذي نصيحتي وشكراً

[لمبة محروقة]

أسمع يابناخي

خذ لك تريلة وسواق على كفالتك

واجر التريلة على شركة خرسانه مثلا

سمعت انهم يعطونك بالشهر حول 18 الف

بالتوفيق مقدما

[معهد رياده]

تبي الحل الي يثبت علئ الشارب

قيم ميزانيتك قبل كل شي وشف كم تقدر تجمع مبلغ

والشي الثاني خلك علئ وضيفتك كأمان رئيسي لك

والشي الثالث تبي مشروع ناجح عن حق وحقيقة وماهو محتاج راس مال مكلف ( محل جوالات) تقدر تكون في وضيفتك وبعد ما تخلص داومك رح افتح المحل لين تحس ان معك دخلين دخل الوظيفه ودخل المحل بعد كم سنه تقدر تفتح اي مشروع وتسحب علئ ام الوظيفه

بس لا تسحب علئ الوظيفه الا اذا انت مامن حياتك اقل شي محلين يصير واحد تخليه يصرف عليك والثاني تجمع دخله وتفتح محلات بعدها

ادرس اي شي الف مره وانصحك واعيد النصيحه لا تفصل من وضيفتك الا معك اكثر من محلين والله يوفقك