استفسار قبول مبدئيا بقوة الصواريخ الاستراتيجية

[الكيان الوظيفي]

السلام عليكم
اليوم جتني رسالة عن قبول مبدئيا على وظيفة عسكرية بقوة الصواريخ الاستراتيجية

وانه لازم اتصل عليهم يوم 29 من هذا الشهر حتى 3 ربيع الاول، وانا اصلا اذكر قدمت عليهم

ولكن كان التقديم في شهر اغسطس تقريبا 5 اشهر من الان ايش العلم؟

[المحاولة]

أخوي هم ينادون على دفعات إذا لك فيها رغبة تدق عليهم يحددون لك موعد وتروح لهم مكانهم في الرياض والتعيين يكون في رنية أو الحريق أو السليل والدوادمي والرواتب ماعرف عنها والله يوفقنا وياك

[الكيان الوظيفي]

المشاركة الأصلية كتبت بواسطة المحاولة

أخوي هم ينادون على دفعات إذا لك فيها رغبة تدق عليهم يحددون لك موعد وتروح لهم مكانهم في الرياض والتعيين يكون في رنية أو الحريق أو السليل والدوادمي والرواتب ماعرف عنها والله يوفقنا وياك

يعطيك العافية على المعلومات، ولكن مافيه الا بالرياض؟ وهل هي مقابلة وكذا. ويمكن بعد مايقبلوني وارجع على الفاضي ولابس اجراءات؟

[المحاولة]

المشاركة الأصلية كتبت بواسطة الكيان الوظيفي

يعطيك العافية على المعلومات، ولكن مافيه الا بالرياض؟ وهل هي مقابلة وكذا. ويمكن بعد مايقبلوني وارجع على الفاضي ولابس اجراءات؟

يقولون أنهم سمحين وأمورهم سهالات مقابلة وبعدها تحليل إذا كنت مستوفي الشروط و أنت اذا دقيت بيعلمونك مكان المقابلة وفي موقعهم حاطين الأمور المطلوبة في الملف :

في حال ظهور اسم المتقدم ضمن قائمة القبول المبدئي يجب احضار صور مع الأصل من المستندات التالية ضمن ملف علاقي مرتبه بالتسلسل:
ملف علاقي.
بطاقة الهوية الوطنية مع عدد 4 صور منها.
عدد 8 صور شخصية مقاس 4*6 ملونة ومكشوف الرأس.
عدد 2 صورة من المؤهلات الدراسية مع الأصل وعدد 2 صورة من شهادة حسن السيرة والسلوك مع الأصل.
عدد 2 صورة من شهادات الدورات التدريبية مع الأصل وعدد 2 صورة من السجل الأكاديمي مع الأصل.
عدد2 صورة من دفتر العائلة واضحة ومكبرة على أن تكون الأم مضافة وفي حال عدم إضافة الأم إحضار ما يثبت جنسيتها.
عدد2 صورة من الرخصة العمومي (اذا كان المتقدم سائق) مع الأصل.
عدد2 صورة من بطاقة والد المتقدم.



واللي أعرفهم كانت مقابلتهم في الرياض ..الله يسهل لك ويرزقنا وياك من واسع فضله .

[سبايدر مان]

العلم يا اخوك اتصل عليهم واستفسر عن الموعد والمستندات المطلوبة ومكان المراجعة بالتحديد وان شاء الله انك تكون مقبول نهائي نصيحة وانا اخوك لا تفوتها

[الفني اسامه]

لاتفوووتها حللوه حتا لو بيكلفك مشوار الرياض. روح لاتتردد نصيحه واذا تبي تتطمن اساال اي احد شغال فيها والطول ياخذون من 160 وسمعت ان فيها انتدابات خارجيه للصين وبالتوفييق

[الكيان الوظيفي]

يعطيكم العافية ماقصرتم بالاجابات،

انا جتني عقدة من المقابلات والقبول المبدئي، طولي 176 ووزني 75 ومعي شهادة دبلوم حاسب سنتين ولكن بتقدير مقبول، وانقبلت في البحرية والامن هذه في قطاع العسكري والقطاع الحكومي انقبلت في مصلحة الزكاة والمواصفات والجودة وكلها بس قبول مبدئي واخر شيء مرفوض، الله يعين.

[المسسستكن]

السلام عليكم

يا أخوان اللي عنده علم عن راتب الملازم فيها يا ليت يفيدني ,,,